ILINNIARTITAANEQ

Saviminilerinermik Ilinniarfik ataatsimuulersinneqassasoq

Sanaartornissaq 2027-mi aallartinneqassaaq, pilersaarutillu naapertorlugit 2030-mi naammassineqassalluni. Sisimiuni pilersaarutinut suleqatigiit saffiorfiit, init ataatsimoorussat aamma silataata qanoq atorneqarluarnerusinnaanerat maanna suliarilereerpaat

Savimminilerinermik Ilinniarfik nutaaq teknikimut tunngasunik ilinniartitsinermut pitsaassutsimik annertuumik pitsanngorsaassasoq naatsorsuutigineqarpoq. Ilinniarfimmi avatangiisit pilerinartut pilersinneqassapput, saffiorfiit, laboratoriat atortullu atorluarnerullugit. Taakku saniatigut ilinniarfiup nutaaliornissamut, ilinniaqqittarnermut aamma ilinniartunut immikkut tapersersorneqarnissamik pisariaqartitsisunut sinaakkutissat pitsaanerusut pilersissavai.

Takussutissaq: Naalakkersuisut

Trine Juncher Jørgensen Trine Juncher Jørgensen Tusagassiortoq / Tusagassiortoq

Saqqummersinneqarpoq 14. Septembari 2026 - 09:12

Ussassaarut

Saviminilerinermik Ilinniarfik Sisimiuni ataatsimuulersinneqassaaq. Naalakkersuisut taama aalajangerput, tamatumalu kinguneranik nutaamik ilinniarfiliortoqassalluni, Nuummi ilinniarfimmi ullumikkut ilinniartut ilinniartitsisullu amerlissutaasussat inissaqartissinnaajumallugit.

Saviminilerinermik Ilinniarfik nutaaq Naalakkersuisut teknikimik ilinniakkanik nukittorsaanissamut Campusimilu ataqatigiissumik katersuutsitsinissaq anguniarlugu suliniutaasa ilagaat.

Aningaasaliissutit akuerineqartut

Siunnersuisarnissamik neqeroorutigineqartartunut upernaaq neqerooruteqartitsisoqarpoq, neqeroorutillu arlallit tiguneqarlutik. Naliliineq tamakkiisumik tunuliaqutigalugu Inuplan A/S Pilu A/S-imik siunnersorteqartoq, siunnersortissatut toqqarneqarpoq. Naalakkersuisut 2026-mi upernaakkut nalunaarutigaat, Inatsisartut Aningaasaqarnermut Akileraartarnermullu Ataatsimiititaliaata aningaasaliissutit, naatsorsuutigineqartutut 350 millionit koruunit missaanniittut, akuersissutigigai.

Inuplan A/S siunnersortitut toqqarneqarpoq, Pilu A/S siunnersortip saniatigut siunnersortitut ilanngullugu

Savimminilerinermik Ilinniarfik nutaaq teknikimut tunngasunik ilinniartitsinernut pitsaassutsimik annertuumik pitsanngorsaassasoq naatsorsuutigineqarpoq. Tamatuma peqatigisaanik Ilinniarfimmi avatangiisit pilerinartut pilersinneqassapput, saffiorfiit, laboratoriat atortullu atorluarnerullugit. Taakku saniatigut ilinniarfiup nutaaliornissamut, ilinniaqqittarnermut aamma ilinniartunut immikkut tapersersorneqarnissamik pisariaqartitsisunut sinaakkutissat pitsaanerusut pilersissavai.

Ussassaarut

Suleqatigiit pilersaarusiortut aallartittut

Sisimiuni KTI-mi suleqatigiit pilersaarusiortut maannakkut suliatik ulapputigilereerpaat, soorlu saffiorfiit, silataani nunaminertat illullu iluaniittut ataatsimoortarfiillu piareersarlugit.

Sanaartornissamut neqeroorut 2027-p qiteqqunnerani suliariumannittussarsiuunneqassaaq.Tamatuma kingorna sanaartorneq 2027-p naanerani aallartinneqassaaq. Ilinniarfiullu 2030-p naanerani atulersinnaanissaa naatsorsuutigineqarpoq.