Naalakkersuisuni
partiiuneq qinersisinik akeqarpoq. Isumasiuinermi Verianip Berlingske
Sermitsiarlu sinnerlugit 2025-mi januaarip 22-aniit 27-iat ilanngullugu – tassa
qinersinissaq suli suaarutigineqanngitsoq - suliarisaani, erserpoq.
Kinguariarneq
Naalakkersuisuni
partiiuneq qinersisinik akeqarpoq. Isumasiuinermi Verianip Berlingske
Sermitsiarlu sinnerlugit 2025-mi januaarip 22-aniit 27-iat ilanngullugu – tassa
qinersinissaq suli suaarutigineqanngitsoq - suliarisaani, erserpoq.
Kinguariarneq
Isumasiuineq naapertorlugu Siumut IA-lu 2021-mi qinersinermi qinerneqarnermut
sanilliullugit kinguariassapput.
Siumup
qinerneqarsimanera qinersisartut 29,5 procentiinit 21,9 procentinut
kinguassangatinneqartoq IA-p qinerneqarsimanera 36,6 procentimiit 31,1
procentinut kinguariassangatinneqarpoq.
Siuariarneq
Partiinut illuatungiliuttunut ajunnginnerorpasippoq. Demokratiit isumasiuineq naapertorlugu 2021-mi qinersinermi qinersisartut 9,1
procentiinit qinerneqarsimasut, maanna qinersisartut 18,8 procentiinit
qinerneqassangatinneqarput. Naleraq aamma qinersisartut 12 procentiiniit 16,5
procentiinut siuariassangatinneqartoq taamatuttaaq Atassut qinersinermi
kingullermi qinersisartut 6,9 procentiinit qinerneqarsimasoq isumasiuineq
naapertorlugu maanna 9,7 procentinit qinerneqassangatinneqarpoq.
Siammasissumik naalakkersuisoqarneq partiinut akisusoq
IA-p Siumullu naalakkersuisoqatigiinnerat qinersisinik akeqarsimasoq Danmarkimi
nunat tamalaat pillugit ilisimatusarfimmi ilisimatusartuunermit , Ulrik Pram
Gadimit maluginiarneqarpoq.
– Danmarkimi
Europamilu sumiiffinni allani partiit naalakkersuisooqatigiinnerit
siammasissumik qitiusumik tunngaveqartut akisunaartarpaat. IA-li Siumullu suli
amerlanerussuteqarput – ataatsimoorutissaneraat apeqqutaavoq, Ulrik Pram Gad
oqarpoq, taassumalu aamma partiit qitiusumik tunngaveqartut qimagukkiartortut
maluginiarpaa. – Partiit qiterlermeersut soorlu Naleraq qimanneqariartorput,
illuatungiliuttunullu Demokraatinut Atassummullu nuukkiartorlutik.
Kalaallit Nunaanni innuttaasut 497-it aqagu Inatsisartunut qinersisoqassappat sumi qinersinnaanerlutik aperineqarsimapput. Aappalaartumik nalunaaqutserneqarsimasut 2021-mi qinersinerup inernerai, qorsumillu nalunaaqutserneqarsimasut maannakkut isumasiuinerup inernerai. Qinersisartut 30,4 procentii ”naluara”-mik akipput.
Takussutissaq:Verian, Berlingske aamma Sermitsiaq sinnerlugit
Qulartut amerlasut
Isumasiuinermi qulartut aamma arlaqarput. Innuttaasummi qinersisinnaasut
katillugit 30,4 procentiisa partii sorleq qinersilerutta qinissanerlugu suli
aalajanginngilaat.
– Qinersisartut
IA-p Siumullu annaasaasa amerlaqatipajaavi ”nalornipput” – tassa imaappoq
uteqqissappata qineqqusaarneq aalajangiisuussaaq. Ingammik Siumut
naggasiillaqqissuuvoq, Ulrik Pram Gad oqarpoq.
Isumasiuineq Kalaallit Nunaanni qinersisartunik 497-inik internetikkut
apersuineq tunngavigalugu ingerlanneqarpoq. „Aqagu Inatsisartunut
qinersisoqassappat partiimut sorlermut taasissagaluarpit?“ aperineqarsimavoq.
Verian naapertorlugu partiit annersaasa kisitsisit tunngavigalugit
nalornissutigisaat 2 procentiuvoq, partiillu minnerit 1 procentip
missaaniillutik.
