Trump:  Iranimi sorsunnermi aningaasartuutinit Kalaallit Nunaat pillugu isumaqatigiissummi iluanaarut annertuneruvoq

Iranimut sorsunnermut USA-p aningaasartuutaanit Venezuelamut Kalaallit Nunaannullu tunngatillugu isumaqatigiissutinit USA-p aningaasarsiai amerlanerujussuusut USA-p præsidentia, Donald Trump oqarpoq.

Qinigaaffiup qiteqqunnerani qinersinissamut atatillugu telefonikkut Fox Newsimit apersorneqarnermini
Danmarkimi marlunngornerup unnuaani taama oqarpoq .

- Tusarpara kongressimi ilaasortaq sianiitsoq oqarsimasoq — Fox & Friends-imit (Fox Newsikkut aallakaatitaq. aaqq.) tusarsimagunarpara — Iranimut sorsunnermut 30 milliard dollarinik atuisimasunga. Annikitsunnguupput.

- Venezuelamik tiguaanermi pisinermilu (Kalaallit Nunaannik pisinermi, aaqq.) aningaasat taakku nalingi arlaleriarlugit pissarsiarereerpagut. Pisiarinngilarput, sumilluunniit akiliinnginnatta, kisianni Kalaallit Nunaat qiviassagaanni 5 billion dollarinik naleqarpoq, Donald Trump oqarpoq.

5 billion dollarit - imaluunniit 5000 milliard dollarit - 33.300 milliardit koruuninut naapertuupput.

Danmarkip, Kalaallit Nunaata USA-llu akornanni isumaqatigiissutaat septembarip 22-ani atsiorneqartoq, sooq USA-mut aningaasanik naleqassanersoq Trumpip itisilinngilaa.

Isumannaallisaaneq illersornissarlu pillugit isumaqatigiissut ilaatigut Kalaallit Nunaanni sakkutooqarfiit nutaat sanaartornissaanut USA-mut pisinnaatitaaffilerneqarpoq.

Amerikamiut sakkutuuisa 2026-p aallartinnerani, Venezuelap præsidentiata Nicolas Maduro tigusarereernerata kingorna Venezuelap, uuliamik sillimmataat annertuut USA-p atorsinnaalerpai. Maduro USA-mi eqqartuussivimmi eqqartuunneqarnissani maanna utaqqivaa.

Præsidentip Fox Newsimut apersorneqarnermini Kalaallit Nunaat pillugu isumaqatigiissut aammaarluni eqqaavaa.

- Kikkut tamarmik oqaatigaat Kalaallit Nunaat pissarsiarisinnaanngisaannassagiga. Pigilereerparput. Danmarkilu isumaqatigiissusiorpugut. EU ajunngilaq. Tamarmik uannik nuannaalersitsiniarput. Billionilikkuutaanik dollarinik naleqarpoq, Trump oqarpoq.

Qinigaaffiup qiteqqunnerani qinersinissaq sioqqullugu, inuuniarnermut aningaasartuutit qaffasinnerat qineqqusaarnerni pingaarnertut qineqqusaarutigineqarpoq.

Nammineq maanna præsidentiunermini, nakorsaatit akii apparsimallugit akitsuusersuinikkullu politikki aqqutigalugu suliffeqarfiit nunanit allaneersut USA-mut aningaasaliinissaat angusimallugu Trumpip Fox Newsimut taassuma oqaatigaa.

Trump naapertorlugu USA-mi fabrikkit suliffissuaqarnermilu atortorissaarutit maanna sanaartorneqartut aatsaat taama amerlatigipput.

Trumpip apersorneqarnini naggaserlugu sisamanngornermi qinigaaffiup qiteqqunnerani qinersinissami, nammineq qinerneqarsinnaasut ilaanniinnini eqqarsaatigissagaat amerikamiut kaammattorpai, tassani amerikamiut Senatimut aallartitaqarfimmullu ilaasortassanik qinersisinnaapput.

Misissuinerit naapertorlugit Trumpip partiia republikaneriusoq Kongressip ataatsimiittarfiini marlunni Demokratinit amerlanerussuteqarnertik attatiinnassallugu ajornartorsiuteqarsinnaapput.

- Qinerneqarsinnaasut ilaanniikkuma, qinerneqarsinnaasut ilaanngiinnginninniik 50 procentimik amerlanerusunik taaguunneqassaagut. Taamaattumikkikkut qinerneqarsinnaasut ilaanniittunga kikkut tamarmik takorluussavaat, Donald Trump oqarpoq.

RITZAU