KL

DK

Greenland Airportsimi naatsorsuusiornermi kukkunerit kukkunersiuinermut ataatsimiititaliap naammaginngikkai

Inatsisartut kukkunersiuinermut ataatsimiititaliaata Greenland Airportsip ukiumoortumik nalunaarusiaani kukkunerit naammaginanngilai. Naatsorsuutit suliffeqarfissuup ingerlatsinerani aningaasartuutaagaluartut ilaatigut aningaasarsiutaasutut isikkoqalersippaat.

Inatsisartut kukkunersiuinermut ataatsimiititaliaanni politikerit qinersisartunit qinerneqartut tallimat ilaasortaapput. Taakkua nunatta karsiata 2025-mut naatsorsuutaasa akuersissutiginngitsiarneranni isumaliutissiissutaqarput.
Morten Okkels Morten Okkels Tusagassiortoq
Saqqummersinneqarpoq

– Kukkunersiuinermut Ataatsimiititaliap Greenland Airports A/S-ip 2025-mut ukiumoortumik nalunaarusiaani kukkusoqarnera naammaginngilaa.

Ataatsimiititaliaq nunatta karsiata naatsorsuutai pillugit isumaliutissiissummini nutaami, novembarip aappaani ullulerneqartumi, taama allappoq. Tamatumani Greenland Airports ataatsimiititaliap isumaliutissiissutaani uparuaassutaasuni arlalinni ilaavoq.

– Kukkunersiuinermut Ataatsimiititaliap Greenland Airports A/S-ip 2025-mut ukiumoortumik nalunaarusiaani kukkusoqarnera naammaginngilaa.

Ataatsimiititaliaq nunatta karsiata naatsorsuutai pillugit isumaliutissiissummini nutaami, novembarip aappaani ullulerneqartumi, taama allappoq. Tamatumani Greenland Airports ataatsimiititaliap isumaliutissiissutaani uparuaassutaasuni arlalinni ilaavoq.

Ataatsimiititaliap Naalakkersuisut mittarfiliortiterniarfimmi naatsorsuusiornermi kukkunerit pillugit qanoq isumaqarnersut nassuiaaqqullugit qinnuigai. Kukkunerit Sermitsiami saqqummiunneqannginnerminni aqutsisunit kukkunersiuisunillu malugineqarsimanngikkaluarput.

Kukkunerit ilaat tassaavoq Greenland Airportsip aningaasaqarnermut ingerlatsinermit tapiissutinik 364 million koruuninik naatsorsuivallaarnera.

Suliffeqarfissuup 2025-mi ingerlatsinera isertitarisimasaannit 145 million koruuninik amerlanerusunik isertitsisimasoq naatsorsuutit takutippaat. Piviusumilli killormoorpoq: Ingerlatsineq tapiissuteqarnermit 219 millionit koruuninik aningaasartuutaaneruvoq.

Aammattaaq aningaasat ilaat 400 millionit koruunit naalagaaffimmit tapiissutaammata ingerlatseqatigiiffiup taarsissanngikkaluarai taarsigassarsiarineqartutut inissinneqarsimapput. Tamannalu aningaasat suminngaanneernerinik kukkusumik takussutissiivoq.

Tamanna ukiup naanerani angusanut, naatsorsuutinut, nammineq aningaasaatinut suliffeqarfissuullu aningaasaatigisaanut tamarmiusumut sunniuteqanngitsoq Naalakkersuisut kukkunersiuinermut ataatsimiititaliamut akissumminni erseqqissaapput.

- Ingerlatseqatigiiffik suliamik illersuilluarluni ingerlatsisoq Naalakkersuisut nalilerlugu allanik iliuuseqartariaqarsorinngillat, ataatsimiititaliap isumaliutissiissutaani allassimavoq.

Naalakkersuisut Siulittaasuata Naalakkersuisoqarfiata naqqiineq ingerlatseqatigiiffiullu naatsorsuutit pitsaassusiannik qulakkeerinninniarluni sulinera malinnaaffigissavai. Tamannalu kukkunersiuinermut ataatsimiititaliap isumalluartutut isigaa.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

mittarfiliortitsineq kukkunersiuinermut ataatsimiititaliaq inuiaqatigiit greenland airports naatsorsuutit naalakkersuisut

Atorfiit tamaasa takukkit

PODCASTI

Powered by Labrador CMS