Suliffeqarfiit qinnuteqarsinnaanerat pisariinnerulersoq
Nalik Venturesip qinnuteqartarfik nutarsagaq aallarnisaarusuttunut suliffeqarfinnullu qinnuteqarusuttunut pisariillisagaq saqqummersippaa. Qinnuteqarfiusinnaasut ataatsimoortinnissaat siunertarineqarpoq.
Qinnuteqartunut ataavartumik sullissisinnaaneq aaqqissuussinermi nutaami qitiusoq Nalik Ventures allappoq.
Assi: Nalik Ventures
Aallarnisaasut suliffeqarfiillu qinnuteqartarfik digitaliusoq nutaaq atorlugu ajornannginnerusumik periarfissaqalerput.
Qinnuteqartarfik ukiup ataatsip iluani inerisaangaatsiarnerup naammassineratut taaneqarsinnaasoq digitaaliunerusumik nutarsaanermik alloriarneq siulliussasoq suliffeqarfik Namminersorlutik Oqartussanit pigineqartoq Nalik Ventures allappoq.
- Qinnuteqartup paasiuminartumik ataqatigiittumillu
qinnuteqarnermini misigitinneqarnissaat pingaartissimavarput. Qinnuteqartarfiup
nutaap qinnuteqarniartut pisaruinnerusumik immersuisinnaanerat
periarfissanngorpoq, annermik nutaatut qinuteqartussat eqqarsaatigalugit, Nalik Venturesimi pisortaq Thomas “TYT” Mogensen oqarpoq.
Eqaatsumik patajaatsorlu
Periarfissaq nutaaq atorlugu ataavartumik qinnuteqartunut sullissisoqarsinnaalerpoq. Nalik Ventures naapertorlugu digitalimik kinaassutsimik uppernarsaatit atorlugit qinnuteqarneq ajornannginnerulerpoq, isumannaatsuunerulerluni qinnuteqartunullu tamanut assigiilerluni.
- Periuseq nutaaq aallaavigalugu qinnuteqaateqarsimasut
killiffitsik malinaaviginerusinnaanngussaavaat. tamanna
toqqissisimanarnerulissaaq ersarinnerutitsilissallunilu, aaqqiissuussinermut nutarterinermi aqutsisuusoq Edvard Lyberth-Mørch nassuiaavoq.
Nalik
Venturesip digitaalimik periusissialiaa 2024-mi atulersumut aallartisaaneruvoq
ersarissoq siulleq.
