Tikaagullik Paamiut eqqaani pisarineqarsimasumiit neqaa maattaalu nerineqassanngilaq
Tikaagullik Paamiut eqqaani pisarineqarsimasoq napparsimavoq, taamaattumik neqaa mattaalu nerineqassanngitsoq, Uumasut Nakorsaqarfik Inuussutissalerinermullu Oqartussaaffik mianersoqqusivoq, taama Aalisarnermut Piniarnermullu Naalakkersuisoqarfik ilisimatitsivoq.
Tikaagulliup neqaa mattaalu tamaat iginneqassaaq.
Tikaagulliup misissorneqarnerani paasinarsivoq napparsimasoq:
- Tikaagullik Paamiut eqqaani pisarineqarsimasoq pillugu Uumasut Nakorsaqarfik Inuussutissalerinermullu Oqartussaaffik saaffiginissummik tigusaqarsimavoq. Tikaagullik pilanneqarnermini nappaateqarneranik ersiuteqarsimavoq.
Uumasunut Nakorsaqarfik Inuussutissalerinermullu Oqartussaaffimmiit nalunaarutigineqarpoq arferup neqaanik mattaanilluunniit tuniniaasoqassanngitsoq, peqqissutsimut navianaateqarsinnaanera pissutigalugu.
Tikaagulliup neqaanik mattaanilluunniit pisisimagaanni iginneqarnissaa innersuussutaavoq. Tikaagullimmit nappaateqarsimasumeersumit nerisaqarnissaq innersuussutigineqanngilaq.
