Angut pinngitsaaliilluni arnerinermut atatillugu tigusarineqarpoq — aalakoorluni biilertup qullersuaq aporpaa

Meeqqamik 15-it inorlugit ukiulimmik pinngitsaaliilluni arneriffiginnittoqartoq Kalaallit Nunaanni Politiit marlunngornermi unnukkut nalunaarfigineqarput, tamatumunngalu atatillugu angut pasisaq 40-t missaannik ukiulik tigusarineqarpoq.

Angut eqqartuussivimmut pingasunngornermi sassartinneqartoq, eqqartuussisullu angut akunnerni 24-ni pingasuni tigummigallarneqassasoq aalajangertoq, pigaartut pisortaat Jørgen Madsen sisamanngornermi oqarpoq.

Politiinut pingasunngornermi ulloq unnuarlu eqqissisimasuusoq, Nuummili aqqusinermi angallannermi pingasunngornermi ajutoortoqartoq, politiit pigaartuisa pisortaata oqaatigaa.

Tassami H.J. Rinksvejip Aqqusinersuullu T-p naapiffianni arnap biilertup qullersuaq aporpaa.

Arnaq 30-t sinnerlugit ukiulik ajutoornermi aqqunarpoq napparsimmavimmullu unitsinneqarluni, aamma paasineqarpoq arnaq ajutoornermini aalakoortoq.