Tillinniartoqarnerani marluk tigusarineqartut
Nuummi tillinniartoqartoq politiit arfininngornerup ullaassaani nalunaarfigineqarput.
Politiit
Assiliisoq: Leiff Josefsen
Nuummi Svend Jungep Aqqutaanii illunut tamanut ammasunut tillinniartoqartoq politiit arfininngornerup ullaassaani nalunaaqutaq 04.46 nalunaarfigineqarput
Politiit sumiiffimmut ornigukkamik illup matua aserorneqarsimasoq nassaarisimagaat politiiniit Jeppe Andsager paasissutissiivoq.
Tamatuma kinguninngua qimminik alapernaarsuiartortitat pasineqartut marluk tassani nassaarivaat.
Angutit inuusuttut marluk tigusarineqarput killisiorniarlugillu politeeqarfimmukaanneqarlutik.
Taakku marluk tillinniarsimasutut unnerluutigineqartut kingornalu iperagaasut politiinit paasissutissiissutigineqarpoq.