Tillinniartut arlallit annaassiniarnerlu

Kalaallit Nunaanni Politiit ulloq unnuarlu kingulleq annaasiniarlutillu tilliarnernut arlalinnut ornigupput.

Nuup eqqaani Utoqqarmiut Kangerluarsunnguata qanitaani pingasunngornermi unnukkut nalunaaqutaq 23.09 ajunaalernermik kalerrisaarisoqarmat annaassiniarneq aallartinneqartoq, pigaartut pisortaata Thomas Jeppesenip paasissutissiissutigaa.

Politiit Issittumi Sakkutooqarfik suleqatigalugu misissuipput, politiillu angallataat sumiiffimmut orniguppoq.

Navianartorsiortunilli nassaartoqanngilaq, atortulli ajunaalernermik kalerrisaarutit ajoquteqartut pisumi pissutaasimasinnaasut nalunaarutigineqarpoq.

Imigassartorsimalluni biilertoq Nuummi kussinermut nakkartut

Politit Nuummi aqqusinermi ajutoortoqarneranut nalunaaqutaq 01.35 ornigupput.

Biilit Nuummi kussinermut nakkarsimasut innuttaasumit nalunaarutigineqarput.

Politiit ornigupput biilimillu ajutoortumik aquttoq tigusaralugu. Biilertoq imigassartorsimanermut misissuummut suputinneqarami 1,84 promilleusoq paasineqarpoq, tamannalu imigassartorsimalluni biilersinnaanermut killiliussamit 0,5 promillemit qaffasinnerujussuuvoq.

Kalaallit Nunaanni Politiit illoqarfiit pingaarnersaanni biilinik tillinniartoqarneranik sisamanngornermi ullaakkut nalunaaqutaq 07.29 aamma nalunaarfigineqarput, politiillu biilit aallarussat ujaaraat.

Sisimiuni tillinniartoqartoq

Sisimiuni tillinniarnerit pingasut politiit nalunaarutigaat.

Pisiffimmut tillinniartoqarnera nalunaaqutaq 04.34 nalunaarutigineqartut siullersaraat.

Politiit nalunaaruteqartoqarmat illoqarfimmi angalaarput, tassanilu KNI Engrosimut aamma tillinniartoqariaraluarsimasut paaisneqarpoq.

Nalunaaqutaq 06.58 illoqarfiup katersortarfiani tillinniartoqarnera aamma nalunaarutigineqarpoq.