Timmisartutigut angallattut amerliartupiloortut
Nuummi mittarfimmi arlalitsigut suli unammillernartoqarpoq ilaasunik ingerlaavartumik kiffartuussineq eqqarsaatigalugu. Kisianni Nuummi Ilulissanilu mittarfinnik nunanit allanit tikittarfinnik illoqarfinnut qanittunik pilersitsinissamik isumap piviusunngortinneqarnera, Nuuginnaq eqqarsaatigalugu annertuseriarujussuarpoq, Ilulissani mittarfissaq aatsaat 2026-imi atorneqalernissaa naatsorsuutigineqarmat.
Naak Nuunni nunat tamalaat akornanni mittarfik nutaaq suli aporfiusinnaasunik peqaraluartoq, soorlu silap pissusaanik, isumannaallisaanermik allanillu aporfiusinnaasunillu nalaataqartoqartartoq, Kalaallit Nunaanni Naatsorsueqqissaartarfiup kisitsisaataasa takutippaat Kalaallit Nunaannut tikeraarnissamik soqutiginninneq annertusiartuinnavittoq.
Assiliisoq: Oscar Scott Carl
Nuummi mittarfik suli ilaanni Kalaallit Nunatta iluani oqallinnermut sakkortunerulersitsisinnaasarpoq.
Kisianni Kalaallit Nunaanni kisitsisit nutaat takutippaat illoqarfinnut qanittumik mittarfiliinissamik isumassarsisimaneq angallattut piumasaannik eqquilluarnerusimasoq.
2025-mi januaarimiit juunimut timmisartumik ilaasartaamik nunanut allanut angalasut 43.758-iusimapput, 2024-mullu sanilliullugit 12,0 procentimik amerlanerupput.
Tusarfik: Kalaallit Nunaanni Naatsorsueqqissaartarfik
Tassa kisitsisit takutippaat Kalaallit Nunaannut tikeraarnissamik soqutiginninneq qummuinnaq ingerlarsorpoq. Mittarfiup Nuummi atulerneraniit november 2024-imi qaffariarneq takuneqarsinnaavoq.
Tusarfik: Kalaallit Nunaanni Naatsorsueqqissaartarfik
Apeqqutaavorli qaqugu tikeraartunut amerlasuunut aammalu nunami namminermi angalasut amerlasuunut Nuummut aqqusaartartunut tamakkiisumik piareernissaa qaqugu pissanersoq.
Assersuutigalugu unnuiffissat pillugit unammilligassaqarpoq, Air Greenland aamma timmisartuutileqatigiiffiit allat kinguartoornermi unnuiffissat pitsaasut nassaarnissaat ajornakusoortarmat.
Kingullertigullu sapaammi isumannaallisaanermik suliaqartut ikippallaarnerat pissutaalluni nunatta iluani angallannermi aammalu nunat tamalaat akornanni angallannermi kinguaattoornerit aamma misigineqarput, ilaatigut United Airlinesip New Yorkiliarnissaa aammalu Air Greenlandip Københavniliarnissaa eqqugaallutik.
