Trump: Sakkussiat nassiutilersaakkavut Ukrainemut nassiunneqareerput
Sakkussiat nassiutilersaakkatik Ukrainemut nassiunneqareertut, Trumpip pingasunngornermut unnuaani oqaatigaa. Nassiunneqarsimalereertut qanoq ittuunersut oqaatiginngilaa.
USA-p præsidentia, Donald Trump, sakkutooqarfimmut Joint Base Andrewsimut USA-mi illoqarfiit pingaarnersaata Washington D.C-p avataaniittumut pingasunngornerup unnuaani tikippoq. Tusagassiortunut aggiasimasunut tikereernermini oqaaseqarpoq.
Assi: Luis M. Alvarez/Ritzau Scanpix
Sakkussianik USA-mit Ukrainemut assartuinerit
aallartereertut, USA-p præsidentiata Donald Trumpip oqaatigaa.
Nutaarsiassaqartitsivik
Reuters taama allappoq.
Sakkussiat nassiutilersaakkatik
Ukrainemut “nassiunneqareertut”, Trumpip tamanna pillugu tusagassiortorpaalunnut
pingasunngornermut unnuaani oqaaseqarnermini ilisimatitsissutigaa.
USA-p Ukraine
Ruslandimut sorsunnerani tapersorniarlugu sakkussianik nunat killiit
illersoqatigiiffiannut NATO-mut nassiussiniartoq, Trumpip ataasinngornermi nalunaarutigaa.
Qaartartut
igeriuttakkat Patriotitut ittut nassiunniagaannut ilaapput, taakkualu Ukrainemiut
nunaminni illoqarfiit russit saassussineranni illersorsinnaanissaannut pingaaruteqartutut
isigaat.
NATO-p sakkussiat
taakkua isumaqatigiissut naapertorlugu USA-mit pisiarissavai Ukrainemullu nassissorlugit.
Sakkussialli
Trumpip oqarnera naapertorlugu nassiunneqarsimalereertut qanoq ittuunersut, taassuma
tusagassiortunut pingasunngornermut unnuaani oqaaseqarnermini ilisimatitsissutiginngilaa.
Sakkussiat pineqartut
Ukrainemut qaqugu tikissanersut, aamma erseqqissaatiginngilaa.
Ruslandip
præsidentia Vladimir Putin
Rusland
ullut 50-it qaangiutsinnagit sakkuaakkunnaarallarnissamik
isumaqatigiissuteqanngippat, nioqqutissanut nunamit tassannga eqqussuussanut
akitsuusersuinissi pillaatitullu iliuuseqarnissi pillugu tusagassiortunut ataasinngornermut
oqaaseqareernermi kingornali, Ruslandip præsidentia Vladimir Putin oqaluuteqqissimanngikkini,
Trumpip tusagassiortunut aamma oqaatigaa.
- Putinip
eqqissinissamik kissaateqarnerarnini eqqortinngilaa, Trump taama oqartoq Reuters
allappoq.
Putin pakatsissutigigini,
Trumpip siusinnerusukkut aamma oqaatigaa.
- Pakatsissutigaara,
oqaloqatisereqqissaqqaarpara. Pakatsissutigaarali, taanna tuluit TV-qarfiannut BBC-mut
oqarpoq.
Ukrainep præsidentia
Volodymyr Zelenskyj Ruslandimi illoqarfiit pingaarnersaannut Moskvamut saassussinngikkuni
pitsaanerussasoq, Trumpip marlunngornermi oqaatigaa.
- Aap,
tassa Moskvamut saassusseqqunnanngeqaaq, USA-p præsidentia tamanna pillugu aperineqarami
akivoq.
Trumpip NATO-p
qullersaa pukkitsormiu Mark Rutte præsidentip illorsuani ataasinngornermi
tikeraartigaa.
Ukraine Ruslandimit saassunneqartilluni imminut
illersorluarsinnaaneroqqullugu USA silaannakkut illersornissamut sakkussianik,
ilaatigut qaartartunik igeriuttakkanik Patriotitut ittunik, NATO-p
aningaasalersugaanik Ukrainemut nassiussiumaartoq, taakkua ataatsimiinnerminni
ilaatigut oqaatigaat.
/ritzau/
