Tupinnaannartumik annattoq: Palle 800 kiilunik nakkarfigineqarpoq

Palle Heilmannip suliffimmini siorna ajoquserujussuarnini anigorpaa. Ajutoorneq ima sakkortutigaaq, suleqatai allaat isumaqaqqaaraluarlutik toqusimassasoq. Inuunermini maanna ingerlariaqqinniarsaraaq.

Pallep niaqorornaveeqqut nakkarfigitinnermini atukkani tigummivaa.

Pingasunngornermi ullaakkut nalinginnaalluinnartumi Palle Heilmann kaffisorniarluni makiaarpoq. Nuup illoqarfiata qeqqani atuarfissarsuarmi Inussummi sulisarpoq, nalunaaqutarlu arfineq-marlunut suliartortussaalluni.

Ulloq suliffiusoq pisarnertut aallartippoq. Palle suleqatinilu ulapipput, Pallelu pisarnermisut suleqataalluni. Qungujulasarpoq qiimmassimaarlunilu. Nuannersunik oqariasaartarpoq, tamannami inuttut ilisarnaatigisaasa ilagaat. Ualikkut nalunaaqutaq pingasunut pisarnermisut kaffisorniarlutik unikkallarput, tamatumalu kingorna suliatik ilungersunartut nangeqqillugit. Ulloq taanna tassaavoq aggustip 16-iat 2023.

Pingasunngornermi ullaakkut nalinginnaalluinnartumi Palle Heilmann kaffisorniarluni makiaarpoq. Nuup illoqarfiata qeqqani atuarfissarsuarmi Inussummi sulisarpoq, nalunaaqutarlu arfineq-marlunut suliartortussaalluni.

PISARTAGAQARTUNUT

Allaaserisaq una Nutaarsiassaqartitsivimmi aviisit naqitat ilaanni allaaserisaavoq.

Allaaserisat pisartagaqartunit taamaallaat atuarneqarsinnaapput.

Atuarluarna.

Ulloq suliffiusoq pisarnertut aallartippoq. Palle suleqatinilu ulapipput, Pallelu pisarnermisut suleqataalluni. Qungujulasarpoq qiimmassimaarlunilu. Nuannersunik oqariasaartarpoq, tamannami inuttut ilisarnaatigisaasa ilagaat. Ualikkut nalunaaqutaq pingasunut pisarnermisut kaffisorniarlutik unikkallarput, tamatumalu kingorna suliatik ilungersunartut nangeqqillugit. Ulloq taanna tassaavoq aggustip 16-iat 2023.

Palle Heilmann containerip iluaniippoq, taannalu qisunnik saattukujuunik sanaartornermullu atortussanik assigiinngitsunik ulikkaarpoq. Maskiina Manitou ikiorsiullugu Pallep angutillu suleqataasa containeri imaarniartussaavaat.

- Maskiinap atortussat oqimaappallaartut kivereeraalu ajutoornikkut uannuinnaq nakkakaapput. Qanoq ilioriarsinnaannginnama kivitsissummik aqutsisoq isiginnaaginnarpara, Palle Heilmann aasaru 50-iliisussaq oqaluttuarpoq.

Sanaartornermi atortussat oqimaatsut 800 kiilut ataanni minutsit qulit missaanni nalalluni oqaluttuarpoq.

- Kivitsissut Manitou unittoorsimavoq, aallartinneqarsinnaasimanngitsorlu kingornatigut oqaluttuunneqarpunga. Suleqatima qisuit saattukujuut namminneq kivinniarsarigaluarpaat, iluatsinngitsumilli. Oqimaappallaaramik, Palle Heilmann oqaluttuarpoq, ullorlu taanna eqqaamasinnaanagu oqaatigalugu.

Eqqaamannissinnaajunnaartoq

Minutsit qulit - sivisuut - qaangiummata kivittaat Manitou qujanartumik aallartippoq, sanaartornermullu atortussat Pallep qaavaniittut nuunneqapallapput.

Suleqataasa tupassimaqisut toqusimasorigaluarpaat. Palle nuunneqarami itisuumik sakkortuumillu anersaarpoq, minutsialuillu qaangiummata ambulancet takkullutik.

- Kikkut tamarmik isumaqarsimapput uumallunga Sanamut apuunnavianngitsunga, oqarpoq.

Palle Heilmannip alleqquni pingasoriarlugu napisimavaa, singernera aamma pingasoriarluni napisimalluni, najungasui marluk napisimallutik, qitini pillutsissimallugu, pukutsuni marloriarlugu napisimallugu qaratsamigullu sajuppillatsitsisimalluni. Taakku saniatigut kigutini aamma annaavai.

- Ulloq taanna eqqaamanngilara, aammami ullormit ajutoorfiusumit ukiut marluk qaangiuttut eqqaamanngilakka, Palle Heilmann oqaluttuarpoq.

Nuummi Sanami ulluni pingasuni sinitsitaareerluni Danmarkimi Rigshospitalimut nuunneqarpoq. Tassa aggustip 19-ianni.

- Danmarkimi iterama qanoq pisoqarsimanera eqqaamanngilara, timeralu aalatissinnaanagu. Nikeriarsinnaanngilluinnarpunga, oqaluttuarpoq.

Iluatsitserujussuartoq

- Ajutoornerup taamaattup anigorneqarsinnaanera, nalinginnaanngilaq. Uanga iluatsitserujussuarsimavunga, Palle Heilmann oqaluttuarpoq.

Rigshospitalimi iterami sumiinnini aamma sooq tassaniinnerluni naluaa.

- Isumaqaqqaaraluarama Maniitsumiillunga, sanaartukkat illut Maniitsumiittunut eqqaanaramik. Tassanngaannaq illu portusooq takulerakku isumaqaraluarlungalu Nuuk Centeriusoq. Eqqarsalerpunga kalaalimineerniarfimmut tuttup neqaanik pisiniarusullunga. Paatsiveerusimaartorujussuuvunga, Palle Heilmann oqaluttuarpoq.

Qaammatit marluk missaanni Danmarkimiinnerani aappaata, meeraasa marluk ilaqutaasalu najortarpaat.

- Aappara ilaquttakkalu qujamasuutigeqaakka. Taakkumi pissutigalugit nukittujuaannarama, oqarpoq.

Palle Heilmann ullumikkut Nuummut utereersimalerpoq. Nuup qeqqani aappanilu najugaqarput. Ajutoornerminit ajoquserneri inuuneranut sunniusimasorujussuupput. Sapaatip akunneri arlaqanngitsut matuma siornagut kigutit nakorsaanukartariaqarsimavoq. Alleqquini kigutaasa ataatungaanniittut kikiaasa ilaat ersiinnalermat.

- Uippallerpunga. Kingunerlutsitsinerami ima sakkortutigaaq allaat imminut mattulluinnarlunga. Suliaritissinnaanngilanga, Palle Heilmann oqaluttuarpoq, taanna alleqqumigut qulinik qerattaqquteqarpoq sisamanillu kikiattaqarluni. Taassuma oqaatigaa puigutoorujussuanngoraluttuinnarluni.

- Assersuutigalugu tarnip pissusiinik ilisimasalimmik oqaloqateqartalerpunga. Naak ulluni arlalinni qilanaarereeraluarlugu ullaakkut puigortarpara, oqarpoq qaammatisiutit iikkamini nivingasut tikkuarlugit.

Palle Heilmann ajutoornermi kinguneranik ullutsinni sulineq ajorpoq. Sulisartutut inuuneq maqaasisarpaa.

- Siornatigut ullut tamaasa nalunaaquttap akunnerpassuini sulisinnaasarpunga. Maannali Brugsenimut pisiniaraangama puussiat marluk angerlaakkaangakkit qasusorujussuusarpunga. Seeqqora annernartalerami, timiga siornatigutut ikkunnaarami, taava nalaasaartariaqartarpunga, oqarpoq nangillunilu:

- Pissutsit taamaannerat ilungersunarpoq. Pisinnaasama killeqalernerat akueriuminaappoq, misigisimavungali sulissagaluaruma timera ajortikkaluttuinnartissallugu. Taavami sulerissaanga? Tamanna nikallornarpoq.

Pakatsinartoq

Palle Heilmann allaaserisap matuma allanneqarnerata nalaani aningaasatigut isertitaqanngilaq, kommunimiillu sulisinnaanngitsutut naliliiffigineqarluni. Napparsimalluni sulinngiffeqarnini pissutigalugu juunip 20-anni juulip 5-iannilu napparsimasutut ullormusissaaq. Sulisitsisorisimasaminit, sanaartornermik suliakkerneqartartumit ISTAK-imit, 2024-mi maajip 15-iata tungaanut akissarsiaqartinneqarpoq. Palle Heilmann nassuiaavoq, suliaq namminerminut tunngasoq sulinermi ajoqusernertut suli akuerineqanngitsoq.

- Taama sivisutigisumik suliarineqarnera pakatsinarpoq. Suliap uannut tunngasup sulinermi ajoqusernertut akuerineqarnissaa neriuutigaara, oqarpoq.

Palle Heilmann atukkani ajortut pillugit arlaleriarluni oqartussaasunut saaffiginnittarsimavoq.

Palle Heilmannip pitsaanngitsumik inissisimanini pisortanut arlaleriarluni saaffiginnissutigisarpaa.

- Pisinnaatitaaffinnik assigisaanillu eqqortumik paasissutissinneqartanngitsutut misigisimavunga. Soorlu arlaannaalluunniit akisussaaffimmik tiguserusunngilluinnartoq. Ima iliuusissaaleqitigivunga pakatsisimaartigalungalu, oqaloqatiginniffinnit arlaleriarlunga aniinnartariaqartarlunga, Palle Heilmann oqaluttuarpoq.

Suliat taamaattut sukkanerusumik suliarineqarsinnaanissaat, taassuma kissaatigaa, utaqqinermi artornartorujussuummat.

- Isumaqarpunga aaqqissuussineq misigittaatsuusoq, kissaatigigaluarlugulu tamakku pillugit sukumiinerusumik paasissutissiisoqartarnissaa. Inuuninni ingerlariaqqinnissara kissaatiginartiinnarpara, Palle Heilmann oqarpoq.

Pisartagaqarneq

Er du allerede abonnent? Log ind

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS