KL

DK

Tusass 1,9 milliardit koruuninik aningaasaliiniarpoq

Tusass periusissiamik nutaamik ukiuni tulliuttuni milliardilikkaanik aningaasaliinissamik siunertaqartumik saqqummiussivoq.

Thomas Munk Veirum
Tusagassiortoq
Saqqummersinneqarpoq

Tusassip periusissiamini nutaami akikinnerusumik sukkanerusumillu interneteqalernissaq, digitalikkut isumannaallisaaneq annerusoq, teknologiit nutaat piusut pitsaanerusumillu sullissineq anguniarpaa.

Periusissiaq Tusassip ukiuni sisamani tullerni anguniagaraa, piviusunngortinniarlugulu annertuumik aningaasaliinissaq siunertarineqarpoq.

Tusassip ukiuni tulliuttuni katillugit 1,9 mia. koruuninik aningaasaliinissaq siunertaraa.

Pisortap Toke Binzerip immap naqqatigut kabeli Qaqortumiit Aasiaat aqqusaarlugu Ilulissanut peqalernissaq pilersaarutaasoq videomi oqaluttuaraa.

Aningaasaliissutissat 1,9 milliardit koruunit ilarujussuat immap naqqatigut kabelimut aningaasaliissutigineqassasut Tusassip Sermitsiamut ilisimatitssissutigaa, aamma kabelip sananeqarneranut EU-mit 350 millionit koruunit missaannik tapiissuteqartoqarnissaa naatsorsuutigineqartoq.

Fiberimik attaveqaatit datacenterilu nutaaq

Taassuma saniatigut Tusass ukununnga aamma aningaasaliissaaq:

  • Sineriammi tamarmi sakkortusaaviit sukkanerusumik attaveqalersinnaaqqullugit pitsanngorsarneqassapput.
  • Nuummi fiberimik ethernetimillu attaveqaatit pilersinneqassapput, taakkualu sukkassuseq 300 Mbit/s angusinnaassavaat.
  • Datacenterimik nutaamik pilersitsisoqassaaq.
  • Qaammataasatigut attaveqaatiteqarnikkut nutaanik suleqateqalertoqassaaq.

Niuernermut pisortaq Nikolaj Christoffersenip periusissiaq pillugu ima oqarpoq:

- Ukioq 2028 naammassippat digitali atorlugu inuuneq pitsaanerulersimassaaq attaveqaatillu aalajaannerulersimassallutik. 

- Attaveerunnerit pinngitsooratik pisussaasassapput, taamaattoqarpalli paasissutissanut ikiuisinnaasunullu attaveqarluassaatit. Saniatigut aamma imminut sullissivik aqqutigalugu atuisutut neqeroorutit pisiatit ajornanngitsumik allanngortissinnaassavatit. Aamma akikinnerusumik sukkanerusumillu attaveqarsinnaassaatit, Niuernermut pisortaq Nikolaj Christoffersen oqarpoq.

strategi samfund investeringer inuiaqatigiit toke binzer søkabel tusass

ATORFIIT Se alle jobs

Powered by Labrador CMS