KL

DK

Tuukkaq Nuummut merngaarpoq

Nalunaaqutaq 13.15 Air Greenlandip timmisartua Nuummi mittarfimmut nutaamut mippoq.

Tuukkaq
Tuukkaq under indflyvning.
Tuukkaq mittarfimmut mikkiartortoq.
Tuukkaq Nuup mittarfianeerngaartoq.
Mittarfimmi sulisut Tuukkamik Nuummut tikilluaqquserngaarnissaminnut piareersimasut
Innuttaasorpassuit takkussuussimapput Tuukkarlu mittoq takujumallugu qaqqami inisserrassimallutik
Timmisartornermut oqaluttuarisaanermut ilaasut Tuukkamit niusut.
Naalakkersuisut siulittaasuat Múte B. Egede (IA) Tuukkap tikereernerani mittarfimmi oqalugiarpoq.
Thomas Munk Veirum
Tusagassiortoq
Saqqummersinneqarpoq

Air Greenlandip timmisartua Airbus Tuukkaq Nuummut merngaarpoq.

Tamanna nalunaaqutaq 13.15 pivoq.

Timmisartoq mittarfimmut nutaamut mimmat Atlantikoq qulaallugu timmisartuussinerit siulliit aallartipput, Air Greenlandillu Nuup Københavnillu akornanni timmisartuussisarnerani nutaami siullermeersuulluni.

Timmisartoqarfiup qatserisartuisa biilii nutaat timmisartumik tikilluaqqusisuupput.

Timmisartoq ilaasorpassuaqarpoq, taakkulu mittarfiup pisortatigoortumik atoqqaartinneqarneranut sisamanngornermilu unnukkut Katuami nalliuttorsiorpalaartumik nereqatigiinnermut peqataassapput.

Ilaatigut nunanut allanut ministeri Lars Løkke Rasmussen, naalakkersuisunut siulittaasuusimasoq Kim Kielsen aamma aningaasaqarnermut ministeri Nicolai Wammen peqataassapput.

Nalliuttorsiorpalaartumik nereqatigiinnerup aallartinnginnerani mittarfiup inersuaani aaqqissuussisoqassaaq, ilaatigut Naalakkersuisut siulittaasuat Múte B. Egede (IA) oqalugiassalluni.

Pilersaarutit naapertorlugit Tuukkaq Nuummit nalunaaqutaq 15.00 aallartussaavoq Københavnimullu utertussaalluni.

Timmisartornermut siullermut ilaasunut eqqaassutissaq.
inuiaqatigiit ny lufthavn i nuuk samfund

ATORFIIT Se alle jobs

Powered by Labrador CMS