Qeqertarsuarmi
qaqqat kusanassutsimmikkut tusaamasaasut aasaanerani inuppassuarnit
majuarneqartarput, qaqqallu qaaviniit avammut isikkivik alutornartoq
qimerluualaarneqartarpoq.
Ataasinngormalli seqinnarilluni allaaqqillunilu
alianaasseruttortoq naliginnaanngitsumik pisoqarpoq.
Qeqertarsuarmi
qaqqat kusanassutsimmikkut tusaamasaasut aasaanerani inuppassuarnit
majuarneqartarput, qaqqallu qaaviniit avammut isikkivik alutornartoq
qimerluualaarneqartarpoq.
Ataasinngormalli seqinnarilluni allaaqqillunilu
alianaasseruttortoq naliginnaanngitsumik pisoqarpoq.
Tassami tyskeq
takornariaq, maannakkut Schweizimi najugaqartoq, 53-inik ukiulik Martin Denk,
Qeqertarsuup illoqarfiata saaniittumut qaqqamut Akuarumut majuarsinnarluni
aarsaarummik tingivoq, minutsillu 20-t missaanni isikkivik alutornartoq
qimerlooreerlugu illoqarfiup ungasinngisaanut milluni.
Qeqertarsuup
qaqqai aarsaarfigissallugit pitsaalluinnartut, misigisarlu immikkuullarissoq
misigeqqikkumallugu uteqqikkumaarluni taassuma oqaatigaa.
Arlaleriarluni
nunatsinniittartoq
Martin
Denk siullerpaamik 1993-imi Kalaallit Nunaanut takornariarpoq, kingornalu
suliffimmi saniatigut tyskit takornariartitsivianni Nordwind Reisenimi
takornarissanik angallassisartunngorluni - tassungalu atatillugu arlaleriarluni
Kalaallit Nunaaniittarsimalluni. Takornarissanik angallassisarnermi saniatigut
nammineerluni nunatsinni takornarissatut angalasarpoq, 1996-imilu maajimiit
septemberi ilanngullugu Nanortalimmiit Ilulissanut qajarissamik angalavoq
aammalu 2022-milu allanik marlunnik ilaqarluni junimiit augusti ilanngullugu
Tasiilamiit Nanortalimmut aamma qajartorluni.
Kiffaanngissusermik
tunisisartoq
Martin
Denk ukiorpassuarni qajariartartuusinnarluni ukiut tallimat matuma siorna
aatsaat aarsaartartunngorpoq, tamannalu peqqissimassutiginngilaa.
- Ukioqqortusereerlunga
aarsaartartunngornera peqqissimassutiginngilara, inuusunnerusimasuugumami
sapiiserumatunerusimassagaluarpunga immaqalu ajutoornissannut qaninnerullunga.
- Siorna
siullerpaamik Kalaallit Nunaani aarsaarpunga. Kammalaatigalugu Ittoqqortoormiit
eqqaani sapaatit akunneri arfinillit qajartorpugut tassungalu atatillugu
qaqqaniit portoqisuniit aarsaarsinnarluta iluliarsuit qulaavaasarpagut,
tamannalu inuuninni misigisaavoq puigunngisaannaagassara.
- Aarsaarneq
kiffaanngissusermik tunisisarpoq, aarsaartartuussagaannilu imminut
tatigisariaqarpoq aammali pisariaqanngitsumik sapiisernissaq
pinngitsoortinneqartariaqarpoq, taanna oqarpoq.
Misigisaq
puigunaatsoq
Martin
Denk Qeqertarsuarmut tikimmat ullut siulliit arlallit siallermat
aarsaarnissaanut periarfissaqarsimanngilaq, kisiannili aallarnissaanut ullut
marluk sioqqullugit silagissimmat periarfissaq kingulleq atorlugu
aarsaarnissamut periarfissaqalerpoq.
- Nordwind
Reisenimi takornarissanik angallassillunga siornatigut
Qeqertarsuarmiittarnikuuvunga, qaqqallu aarsaarfissatut piukkunnarluartut
ilisimalersimallugu, tamannarpiarlu peqqutigalugu ukioq manna maani
aarsaassallunga aalajangersimavunga.
- Kisianni
Qeqertarsuarmi ullut arlallit siallermat naammagittarlunga
utaqqisariaqarsimavunga, taanna oqarpoq.
Illoqarfiup
eqqaani tupeqarfimminiit qaqqap qaanut tiimit pingasut missaat majuarpoq,
qaqqallu qaani aarsaarfissatut piukkunnartumik nassaarami tassanngaanniit
tigivoq.
- Misigisaq
immikkuullarissuullunilu puigunaappoq isikkivillu kusanaqaluni. Taamaattumik
kingusinnerusukkut aarsaariartorlunga maannaqqissallunga aalajangereerpunga,
Martin Denk oqarpoq.
Qeqertarsuarmi
qaqqat aarsaarfigissallugit periarfissarissaartut, tamannalu siunissami
ineriartortinneqarluarsinnaasoq, taanna isumaqarpoq.
