Ukrainemut sakkutooqarnikkut ikiuiniarnermi Nato ataqatigiissaarisuussaaq
Ukrainemut sakkutooqarnikkut ikiuiniarnermi Nato ataqatigiissaarisunngortoq, NATO-p generalsekretæria Jens Stoltenberg sisamanngormat Bruxellesimi illersornissamut ministerit ataatsimiinneranni oqarpoq.
Johanna Geron/Reuters
NATO-p generalsekretæria Jens Stoltenberg naapertorlugu Ukrainemut sakkutooqarnikkut ikiuiniarnermi Nato ataqatigiissaarisussaatitaalerpoq.
Illersornissamut ministerit sisamanngormat Bruxellesimi ataatsimiinneranni taama oqarpoq.
Ukraine Defense Contact Group-ip (UDCG), aamma Ramstein-gruppen-imik taaneqartartup, sulineranut USA maannamut siuttuusimavoq.
Novembarimi USA-mi præsidentimut qinersinermi Trumpip ajugaanissaanut illersuutitut NATO-p akisussaaffimmik tigusinera isigineqarpoq.
Nunat ilaasortaasut tamarmik Ruslandip isertortumik paasiniaasartui sakkortunerusumik iliuuseqarfigissagaat Stoltenbergip naatsorsuutigalugu aamma oqaatigaa.
Piffissami kingullermi nunani arlalinni internetikkut ajoquseeriarnerit saassussinerillu assigiinngitsut pisimapput.
/ritzau/Reuters
