Ukrainemut tunissuteqartoqaqqilerpoq
Ukrainep Ruslandimut sorsunneranut Danmarkip 2,4 milliardit koruuninik Ukraine tunivaa.
NATO-p generalsekretærinngorlaava Mark Rutte illersornissamut ministerimik Troels Lund Poulsenimik ilassinnittoq.
Virginia Mayo/Ritzau Scanpix
Aningaasat ilaatigut sakkutuut timmisartuisa illersornissaannut sakkutuullu immikkoortortaqarfiinik nutaanik pilersitsinissamut atorneqartussaapput.
Isumannaallisaanermilli pissuteqartumik paasissutissat sukumiinerusut saqqummiunneqarsinnaanngillat, illersornissamut ministeri Troels Lund Poulsen (V) oqarpoq.
Ruslandip 2022-mi Ukraine tiguarmaguli danskit naalakkersuisui ilaatigut timmisartunik F-16-inik qamutinillu sorsuutinik tunissuteqartarsimapput.
Ukrainemut aningaasaateqarfimmut katillugit 64,8 milliardit koruunit immikkoortinneqarsimapput, maannamullu 48,5 milliardit koruunit missaat pillugit aalajangiisoqarsimavoq.
Tunissut nutaaq tunissutit 21-ssaattut ippoq.
Nunarpaaluit allat assiginagit Danmarkip Ukrainemut tunissutisiani sumiiffimmi killilersunngilaa.
/ritzau/
