KL

DK

Ulloq unnuarlu nalunaarusiaq: Angut persuttarneqartoq - takunnissimasut saaffiginneqquneqarput

Kalaallit Nunaanni Politiit Nuummi qitiusumik kigutileriffiup eqqaani arfininngornerup unnuaani angut inunnit arlalinnit saassunneqarsimasoq pillugu takunnissimasinnaasunik ujaasipput.

Grønlands Politi
KASSAALUK KRISTENSEN
Digitalimik aaqqissuisoq
Saqqummersinneqarpoq

Kalaallit Nunaanni Politiit Nuummi arfininngornerup unnuaani persuttaasoqarsimanera pillugu paasiniaapput. Nalunaarut politiit arfininngornerup unnuaani januaarip 25-ani nal. 02.32 tiguaat.

- Angut arfininngornerup unnuaani nalunaaqutaq 02.00-ip missaaniit 02.32-ip tungaanut, saassunneqarluni persuttarneqarsimavoq. Tamanna pivoq Nuummi qitiusumik kigutileriffiup eqqaani, Tuapannguit tungaannut aqqusinermi. Saassussisut qassiuneri ilisimaneqanngilaq, arlariiuppulli, Kalaallit Nunaanni Politiini pigaartut pisortaat Jørgen Madsen Sermitsiamut oqarpoq.

Politiit takunnissimasunik ujartuipput

Saassunneqartoq kingornatigut nakorsamit misissorneqarpoq.

- Suliaq maanna paasiniaaffigaarput. Saassussisoqarnerani takunnissimasinnaasut sumiiffiullu nalaaniissimasinnaasut oqaloqatiginissaat soqutigaarput, Jørgen Madsen oqarpoq.

Takunnissimasinnaasut politiit attaveqaqquneqarput, oqarasuaat 70 14 48.

samfund inuiaqatigiit overfald politi nuuk

ATORFIIT Se alle jobs

Powered by Labrador CMS