KL

DK

Ulloq unnuarlu nalunaarusiaq: Kukkusumik kalerrisaarisoqarnera annaassiniartoqarneranik kinguneqartoq – Nuummi biilinik ajutoornerit marluk

GPS-imik atortorissaarutip Garmin Inreachip pingasunngornermi kukkusumik kalerrisaarinera Arctic Circle Trailimi ujaasisoqarneranik kinguneqarpoq.

Politiit qatserisartullu Arctic Circle Trailimi pingasunngormat ajunaalernermik kalerrisaariffimmut pingasunngormatornigupput.
Thomas Munk Veirum
Tusagassiortoq
Saqqummersinneqarpoq

Kalaallit Nunaanni Politiit Garmin Inreachimit, Sisimiut Kangerlussuullu akornanni Arctic Circle Trailimiittumiittumiit, pingasunngornermi unnukkut nalunaaqutaq 20.14 ajunaalernermik kalerrinneqarput.

Tassannga piginnittoq arlaleriarluni attaveqarfiginiarneqaraluareersorlu iluatsinngimmat ujaasineq aallartinneqartoq pigaartut pisortaat Carl Sværd paasissutissiivoq.

Sisimiuniit kangisinnerusumi 35 kilometerit missaannik ungasitsigisumit ajunaalernermik kalerrisaarisoqarpoq, sumiiffimmullu politiit qatserisartullu ATV-nik ornigupput.

Annaassiniartut sumiiffimmut apuutingajalersut piginnittup attaveqarfiginiarnera, angut Argentinamiu pisuttoq, iluatsippoq.

Atortorissaarut kukkusumik kalerrisaarisimasoq paasissutissiissutigaa. Annaassiniartut angut ornereeramikku Sisimiunut uteqqipput.

Imigassartorsimalluni biilertoq ajutoortoq

Nuummi biilinik ajutoornerit marluk politiinut sisamanngornerup unnuaani nalunaarutigineqarput.

Nalunaarutigineqartup aappaani meeqqat 15-it inorlugit ukiullit biilinik aallarussisimasut pineqarput.

Taakku Politiinit paasisaagamik meeqqat biilinik ajutoortut Carl Sværd oqarpoq.

Meeqqat ukiui pissutigalugit suliaq isumaginninnermut oqartussaasunut tunniunneqarpoq.

Nalunaarutigineqartup aappaani biilertoq kussinermut nakkarsiimavoq, taannalu imigassartorsimanermut misissuummut suputinneqarnerani imigassartorpallaarsimasoq paasineqarpoq.

samfund inuiaqatigiit

ATORFIIT Se alle jobs

Powered by Labrador CMS