Umiatsiaq ikuallattoq – politiit takunnittussarsiorput

Marlunngornerup unnuaani nalunaaqutaq 00.19 Nuummi umiatsiaq ikuallattoq pillugu politiit nalunaarfigineqarput.

Politiit ikuallatsitsisoqarsimanissaanik pasitsaassisut, pigaartut pisortaat Jørgen Madsen Sermitsiamut oqarpoq.

Umiatsiaq Nuuk Imikup illutoqqaata eqqaani inisseqqavoq, sumiiffimmullu politiit qatserisartullu ornigussimapput, ikuallattorlu qamisarlugu.

Umiatsiaq qaqortumik qalipaatilittut 140-millu sakkortussusilimmik Suzukimik motoorilittut nassuiarneqarpoq. Soorunami umiatsiaq ajoquserpoq, kisianni nungunngilaq, pigaartut pisortaat oqarpoq.

Umiatsiamik piginnittumik ikuallannerlu pillugu paasiniaanermi ikiuutaasinnaasunik takunnissimasinnaasunik politiit ujartuipput.

- Pasitsannartumik takusaqartoqarsimappat politiinut saaffiginnillaqusivugut, Jørgen Madsen oqarpoq.

Politiit oqarasuaataannut sianersinnaavutit uunga: 70 14 48.