KL

DK

Unnerluussisoq sakkortunerusumik piumasaqarpoq, pinerluuteqaqqittoqassappalli pineqaatissiisoqaqqullugu

Unnerluussisussaatitaasup Lars-Emil Johansen Lars Møller-Sørensenilu ukiumi ataatsimi pineqaatissinneqarsimasunut inissiisarfimmiittussanngortinneqarnissaat piumasaraa. Pinerluuteqaqqissagaluarpatali atuuttussanngoqqullugu.

Lars-Emil Johansenip Lars Møller-Sørensenillu Nunatta Eqqartuussisuuneqarfiani eqqartuunneqarnerat ataasinngornermi aallartippoq.
Morten Okkels Morten Okkels Tusagassiortoq
Saqqummersinneqarpoq

Politikeriusimasup Lars-Emil Johansenip kommunimilu pisortaasimasup Lars Møller-Sørensenip, peqquserlussimasutut oqartussaaffimmillu atornerluisimasutut pineqaatissinneqarsimasunut ukiup affaa inissiisarfimmiittussanngorlugit januaarimi eqqartuunneqarnerisa suliareqqitassanngortinnera, Nunatta Eqqartuussisuuneqarfiani ataasinngornermi ullaakkut aallartippoq.

Unnerluussisup Eqqartuussisoqarfik Sermersuumi piumasaa attatiinnarneqartoq maanna paasivarput. Pineqaatissinneqarsimasunulli inissiisarfimmiittussanngortitsinissaq qaammatinut aqqaneq-marlunnut sakkortusinissaa piumasarineqarpoq, pinerluuteqaqqissagaluarpatali aatsaat atuuttussanngortinneqassalluni.

Politikeriusimasup Lars-Emil Johansenip kommunimilu pisortaasimasup Lars Møller-Sørensenip, peqquserlussimasutut oqartussaaffimmillu atornerluisimasutut pineqaatissinneqarsimasunut ukiup affaa inissiisarfimmiittussanngorlugit januaarimi eqqartuunneqarnerisa suliareqqitassanngortinnera, Nunatta Eqqartuussisuuneqarfiani ataasinngornermi ullaakkut aallartippoq.

Unnerluussisup Eqqartuussisoqarfik Sermersuumi piumasaa attatiinnarneqartoq maanna paasivarput. Pineqaatissinneqarsimasunulli inissiisarfimmiittussanngortitsinissaq qaammatinut aqqaneq-marlunnut sakkortusinissaa piumasarineqarpoq, pinerluuteqaqqissagaluarpatali aatsaat atuuttussanngortinneqassalluni.

Piumasarineqartoq sivitsorneqaraluartoq unnerluutigineqartunut marlunnut iluaqutaasinnaavoq. Taakkumi pineqaatissinneqarsimasunut inissiisarfimmiinnissaraluat atorunnaarsinnaagami.

Unnerluussisup pinerlunnerup qanoq ittuunera pissutigalugu pineqaatissiineq sivitsorneqaqqugaa, aammali pineqartut atugaat pissutigalugit pinerluuteqaqqissagaluarpata aatsaat atuuttussanngortinnissaa piumasaqarneranik paasineqarsinnaavoq.

Lars-Emil Johansen Lars Møller-Sørensenilu pinngitsuunerarput.

Ilisimannittut aqqanillit qaaqquneqarsimasut eqqartuussisoq Mette Søndergaard oqarpoq. Eqqartuussisoqarfik Sermersuumi eqqartuussinermit allattorsimaffik allanngorsimavoq, sulili tamakkiisumik paasisaqanngilagut.

Unnerluutigineqartut illersuisuisa nutaat suliamut tunngasunik nutaanik paasissutissaateqartut aamma paasinarsivoq. Taamaakkaluartoq unnerluussisup isumaanut allannguinani. Suussanersut paasisaqarfigissavavut.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

peqquserlunneq Kalaallit Nunaanni Eqqartuussivik inuiaqatigiit lars møller-sørensen lars-emil johansen oqartussaaffimmik atornerluineq

Atorfiit tamaasa takukkit

– Se alle jobs

Powered by Labrador CMS