Upernavimmi aqquserngit nutaamik atserneqartut
Upernavimmi aqquserngit arfinillit atserneqarnissaannut unammisitsisoqarpoq, kommunimi innuttaasut siunnersuuteqarnissaminnut periarfissinneqarlutik. Katillugit 89-nik siunnersuutinik tigusaqartoqarpoq. Kommunalbestyrelse 89-nik siunnersuutinit siunnersuutit sisamat toqqarpaat.
Avannaata Kommunia
Upernavimmi aqqusernit sisamat nutaamik atserneqarsimapput. Upernavimmi innuttaasut aqquserngit sisamat aterilersimasaat ilikkarniartussanngorpaat:
Vilhem Christiansenip aqqutaa, Inussussuup ataa, Jørgen Mathæussenip aqqutaa aamma Rasmus Kleemann aqquserna.
Aqqusernit nutaamik atserneqarnissaannut kissaatigineqarneranut pissutaavoq Upernavimmi Telebakken sisamanut immikkoortiterneqarnissaa kissaatigineqarmat. Taakkunannga aqqutit ilaat Telebakkenimik ateqassasoq kissaatigineqarsimavoq, aqquserngillu sinneri nutaamik atserneqassasut kissaatigineqarsimalluni. Aamma kissaatigineqarpoq aqqusineq avannarlermiittoq nutaamik atserneqassasoq.
Atsiussinissamut unammisitsineq
Aqquserngit atserneqarnissaannut Avannaata Kommunia Upernavimmi innuttaasunut unammisitsivoq. Siunnersuutit 89-it tiguneqarsimapput. Kommunalbestyrelsemit siunnersuutit sisamat toqqarneqarsimalerput.
Kommuni maanna aqquserngit atiinut allagartanik pisisussanngorpoq.
