Zelenskyj: Europamiut isumannaatsuunissamut qulakkeerinnissutaat Ukrainemut naammanngillat

Ukraine Nato-mut ilanngutissava? Imaluunniit Europa Ukrainemut eqqissisimatitsisussanik sakkutuuliissava eqqisseqatigiittoqarnerani illersuinissamut sillimasussanik?

Apeqqutit taakku tassaapput Ukrainemi eqqissineqarsinnaaneranut suli akissutissarsineqanngitsut ilaat.

EU-mi Bruxellesimi qullersat ataatsimiinneranni siuttut arlallit oqaatigaat maanna Ukrainemut sakkussanik pilersuinissamik ukkatarinnittoqassasoq eqqissinissamik isumaqatigiinniarnernut sakkuaakkunnaarnissamullu oqaluuserinninnissamut sanilliullugu.

Zelenskyj isumaqarpoq eqqisseqatigiinnissamik, taamaalillunilu sakkuaakkunnaarnissamik isumaqatigiissuteqartoqassappat, taava tamatuma kingorna susoqassanersoq pillugu erseqqissumik isumaqatigiissuteqartoqartariaqartoq:

- Killeqarfitsinni saqitsaattoqaraluartoq saassussinaveersaarnermik tunngaveqarsinnaanngilagut. Innuttaasut nalunngittariaqarpaat eqqisseqatigiittoqassappat, taava tamatuma kingorna susoqassanersoq. Ilisimaneqartariaqarpoq aqagu qanoq pisoqassanersoq, sakkuaakkunnaarnermik isumaqatigiissut pilersinneqarpat.

- Taamaattumik Ukraine ilisimasariaqarpaa qanoq pisoqassanersoq, aammalu illersornissamut qulakkeerinninnerit nukittuut pisariaqartippagut, Zelenskyj oqarpoq.

Taanna naqissusiivoq, Europamiit nunanit isumannaallisaatit qulakkeerinnissutigineqarneri Ukrainemut naammanngitsut, tassami Nato-mi kissaatigilluinnarlugu transatlantisk forsvarsalliancemi, ilaasortanngorniarpoq.

- Europamut taamaallaat oqaloqatigiinnissaq ajornarpoq. Eqqissisimasumik qulakkeerinninnerit uagut maanna imaluunniit siunissami Nato-miit pisuupput, Zelenskyj oqarpoq, taamaattumik oqaloqatigiinnerni USA-p peqataatinnissaa kissaatigaa.

Zelenskyj isumaqarpoq aamma pingaaruteqartoq, oqaloqatigiinnerit nunanit allanit eqqissisimasumik illersuinissamut sakkortusaasinnaasut maanna pisariaqartoq.

Oqariartuut taanna pivoq, EU-mi nunat Donald Trumpip januaarip 20-ani atuutilerneranut piareersaleruttorneranni.

Taama pisoqarpoq Ukrainemut sakkunik pilersuinissamut qitiutitsinerulluni ukkatarinninnissaq aallunneqaleruttortoq.

Taamaasilluni amerikamiut tapersersuinissaat Ukrainemut qulakkeerniarlugu pitsaanerpaamik aqqutissiuussivoq, EU-mi nunat siuttutt ataatsimiinneranni naliliisoqarpoq.

Akerlianilli ministeriuneq Mette Frederiksen (S), Nato-mi generalsekretæri, Mark Rutte, EU-mi nunanut allanut tunngasunut pisortaq, Kaja Kallas, eqqissineq pillugu oqaloqatigiinnerit sakkulersuinerlu Ukrainemut nukittorsarneqarsimasumut kinguartikkusuppaat.

Aamma Zelenskyj-mut Donald Trump-ip qanittukkut præsidentinngornissaa inituvoq.

Zelenskyj USA-mut Europamullu kajumissaarivoq suleqatigiinnissaannik Ukrainemullu tapersersuinerup nanginnissaanik.

- Præsident Trump nukittuujuvoq. Assut kissaatigaara taassuma uagutsinnut ilanngulluni inissisimanissaa, Zelenskyj oqarpoq.

Europamiilli ernumassutigineqarpoq Trump-ip ilungersuutigissagaa Ukrainemut tapersersuinerup unitsinnissaa, nunap isumaqatigiissusiornissamut ataatsimiinnissamut peqataanngippat.

Zelenskyj-ip neriuutigaa Trump-ip Putinimut akiuunnermi Ukrainemut tapersersuinini nangissinnaassagaa.

- Trump-ip sorsunneq peqataaffiginngilaa, præsidentiunngilarmi sorsunneq aallartimmat. Assut kissaatigaara paasissutissanik avitseqatigiinnissarput taassumalu isumaanik tusarnissara aammalu isummatsinnik avitseqatigiinnissarput.

- Neriuutigaara paasissagaanga. Inuinnannguuvugummi, misigissutsigut naleqartitagullu assigiipput. Tamanna neriuutigaara. Assut kissaatigaara Trump-ip sorsunnermi ajugaasinnaanissatsinnut ikiuunnissaa, Zelenskyj oqarpoq.