Aalisakkanik tunisassiorfik februaarimili matoqqasoq: Royal Greenland neriorsuivoq ammaqqissasoq

Sarfannguani suliffeqarfik anginersaat aalisakkanik tunisassiorfik februaarimili tunisassiorfiginqartoq, nunaqarfimmi innuttaasut oqaatigaat.

Sarfannguani aalisartup tunisassiorfiup matoqqanera akuersaarsinnaanngilluinnarnerarpaa. Noah Jonathansen Sarfannguani aalisartuuvoq, kingullermillu febriaarip 24-anni tunisivoq:

- Februaaarimili tunisivunga, akilersugaratta ilungersoraluarpugut.

Taassuma ilanngullugu oqaluttuaraa siku ajornartsitsiunnaarmat Sisimiunukarluni aalisakkanik tunisiartorsimalluni. 

Sisimiuni Royal Greenlandimi ittuusoq, Hans Lars Olsen Sermitsiamut oqaluttuaraa tunisassiorfiup matunera marsip arferngani allakkiarisimallugu. Qerigasuartitsiviup akornuteqarnera peqqutaalluni matuneqartariaqarsimanerarpaa.

-Ima nutaanngitsigilernikuupput imatut teknikerinit nakkutigiinneqaannaavinngikkunik ingerlasinnaanatik. 

Ilanngullugu oqaluttuaraa Sisimiuniit snescooterinik umiatsiamillu Sarfanngualiarnissaq ajornarsimmat matusariaqarsimallugu. Teknikerinillu sulisoqarniarneq ajornarsimavoq.

-  Siusinnerusumik misilinnikuugaluarparput Sarfannguani najugaqartitsilluta. Qerititsivilerinermut ilinniarnikut sulisut akuttusuujupput. Pissarsiarinissai ajornakusoorput, tamannalu iluatsinnaasimanngilarput.  Nunaqarfinni najugaqarnissamut soqutiginnittoqarpallaanngilaq.

Taassuma ilanngullugu oqaluttuaraa nammineq Sisimiuni teknikerit aamma pisariaqartikkamikkit Sarfanngualiaqattaartitsisinnaasimanatik,

Nutarterisoqassasoq

Upernaaq siku aatsikkiartulermagu sapaatip akunnerata tulliani, marlunngornermi sulisunik Sarfanngualiartitsisoqassaaq. Tassani qerititsivik aaqqissorneqassaaq nutaamillu ammoniakkilerneqassalluni.

Ammaqqinniarnerli sivisusinnaammat piffissami qanittumi aalisakkerivik ammarniavianngilaq.

- Nutarterinissaq aamma siunniunnikuuarput, Sisimiuni fabrikkimi ittuusoq, Hans Ole Olsen naggasiivoq.