Naalakkersuisuni siulittaasup Múte B. Egedep arlaleriarluni
oqaatigaa: Royal Greenlandip qullersaqarfia Kalaallit Nunaanniissaaq.
Tamanna
maanna nutaamik sanaartornikkut piviusunngortinneqassaaq, tamannalu Royal
Arctic Linep illutaanni Qeqertaniittuni issuminernik nivariaqqaarnermik
ataasinngornermi malunnartinneqarpoq.
Naalakkersuisuni siulittaasup Múte B. Egedep arlaleriarluni
oqaatigaa: Royal Greenlandip qullersaqarfia Kalaallit Nunaanniissaaq.
Tamanna
maanna nutaamik sanaartornikkut piviusunngortinneqassaaq, tamannalu Royal
Arctic Linep illutaanni Qeqertaniittuni issuminernik nivariaqqaarnermik
ataasinngornermi malunnartinneqarpoq.
Qullersaqarfik pingasunik
qulileriaaqartussaq pilersaarutit malillugit 2026-mi naammassissaaq.
Nutaamik qullersaqarfittaarnermi sulisut aqutsisoqatigiillu
Kalaallit Nunaanni ataatsimuulissasut Múte B. Egede oqarpoq.
- Nunarput inuussutissarsiutitta pingaarnersaasa – aalisarnerup - iluani
inuussutissarsiutinik ineriartortitsinerup sammivissaanik aalajangiisussaavoq,
taamaattumillu pisoq manna suliassaqarfimmi nukittorsaaqqinnermut
aallarniutaavoq., Naalakkersuisut siulittaasuat oqarpoq.
Aqutsisoqarneq annertusarneqassasoq
Pisortaanerup Susanne Arfelt Rajamandip, 2023-mi februaarimi
atorfinitsinneqartup 2023-milu septembarimiilli Malmømi Sverigemiittumi
najugaqartup, 2026-miit Nuummi sulissanerluni akiumanngilaa, nutaamilli
sanaartornikkut Kalaallit Nunaanni aqutsisoqarneq annertusarneqassasoq
oqaatigaa.
– Pisortat arlallit Kalaallit Nunaanni qullersaqarfimmi ullumikkut
sulipput, aqutsisoqarnerlu annertusassavarput, piginnaasallu assigiinngitsut
inuttalersorneqarnerinut piareeriartuaarnermut ilutigalugu tamanna
ingerlatissavarput. Bodil Marie Danmgaardip Joanna Hutchinsillu –
suliffeqarfissuarmi aqutsisoqatigiinnut ilaasut – ulluinnarni Kalaallit
Nunaanni sulisarnerisigut annertuumik allannguereerpugut, Susanne Arfelt
Rajamand oqarpoq.
Pisortaqatigiit amerlineqassasut
Royal Greenlandimi pisortaqatigiit ullumikkut tassaapput Susanne Arfelt
Rajamand, aningaasaqarnermut pisortaq Niels Duus Kinnerup, suliffeqarfissuarmi
tunisassiornermut pisortaq Lars Nielsen kiisalu sulisoqarnermut
attaveqatigiinnermullu pisortaq Bodil Marie Damgaard.
Taakkunani sisamaasuni Bodil
Marie Damgaard kisimi Kalaallit Nunaanni najugaqarpoq.
Suliffeqarfissuarmili aqutsisut inunnit taakkunanit
sisamanit amerlanerupput, siulersuisuni siulittaasoq Maliina Abelsen
nassuiaavoq.
– Ingerlatseqatigiiffimmi kina pisortaqatigiinniillunilu kina
aqutsisoqatigiinniissanersoq ataavartumik nalilersussallugu pissusissamisoorpoq.
Aap, pisortaqatigiinniittut amerlanerusut Kalaallit Nunaanni najugaqassapput,
taamaammat anguniagaraarput.
Piginnittuunani attartortuuneq
Nutaamik sanaartorneq ukiorpassuarni pilersaarutaasoq,
ingerlatseqatigiiffimmili aningaasaqarnerup ingerlanerliornera pissutigalugu
maanna illuutileqatigiiffimmi Qeqertat A/S-imi attartortuunissamik
aaqqinneqartoq Maliina Abelsen nangilluni nassuiaavoq. Royal Greenlandip
illuutileqatigiiffimmi piginneqataassutini 49 procentiusut Illuut A/S-imut,
soraarnerussutisiaqalernissamut aningaasaateqarfik SISA kiisalu
annikinnerusunik piginneqataassutilik
peqatigalugit illuutileqatigiiffimmik piginnittuusumut, tunivai.
– Aningaasaqarnerput pitsaanerpaanngitsoq isertugaataanngilaq, qullersaqarfilli
nammineq pigerusunnerugaluarlugulu sanatikkusunnerugaluarparput, aningaasaqarnerpulli
taama inissisimanngilaq. Taamaammat ingerlatseqatigiiffiit allat
suleqatigalugit sanaartortitsisinnaanerput pitsaasuuvoq.
Aalisarnissaq ukkatarineqassasoq
Pisortaaneq Susanne Arfelt Rajamand ilassuteqarpoq:
– Ingerlatsineq ukkatarissagutsigu illorsuarmik taamak angitigisumik
sanaartorniarluta aningaasartuuteqaqqissagutta akisussaassuseqannginnerussaaq. Taamaammat
allannguingaatsiarnermik aaqqissuussinitsinnut atatillugu
annikillisaangaatsiarluta pingaarnertut aallussagut ukkataraagut, taamaammallu
illorsuarmut piginnittuunata aalisarneq ukkatarissavarput.
