Aalisarnermut
inatsisissaq Inatsisartut upernaakkut ataatsimiinneranni aappaagu januarip
aallaqqaataani atuutilertussanngorlugu akuersissutigineqartoq politikkikkut
annertuumik qassiiliuutaanera suli ingerlajuarsinnarpoq.
Nalunaarutit
assigiinngitsut sisamat piffissami matumani tusarniutigineqartut, taakkulu
aalisarnermut inatsisissamut ilaatinneqassasut, Aalisarnermut Piniarnermullu
Naalakkersuisoqarfimmiit qanittumi nalunaarutigineqarpoq.
Aalisarnermut
inatsisissaq Inatsisartut upernaakkut ataatsimiinneranni aappaagu januarip
aallaqqaataani atuutilertussanngorlugu akuersissutigineqartoq politikkikkut
annertuumik qassiiliuutaanera suli ingerlajuarsinnarpoq.
Nalunaarutit
assigiinngitsut sisamat piffissami matumani tusarniutigineqartut, taakkulu
aalisarnermut inatsisissamut ilaatinneqassasut, Aalisarnermut Piniarnermullu
Naalakkersuisoqarfimmiit qanittumi nalunaarutigineqarpoq.
Aammali
nalunaarutit allat sisamat ukiortaami tusarniutigineqassasut, taakkulu
kingusinnerusukkut aalisarnermut inatsisissamut ilanngunneqassasut ilanngullugu
nalunaarutigineqarpoq. Tamannalu aalisarnermut inatsisissap naammassineqarani
tuaviuussaalluni atuutilersinneqarnissaanut ersersitsisoq, Kalaallit Nunaani
Aalisartut Piniartullu Kattuffiani, KNAPK-mi siulittaasoq Nikkulaat Jeremiassen,
piffissami aggersumi akerliussutsimik takutitsisoqarnissaanik ilimasaarisoq,
kiisalu Inatsisartuni Aalisarnermut Piniarnermut Nunalerinermullu
Ataatsimiititaliami siulittaasup tullia aamma aalisarnermut inatsisissap
taamatut isikkoqarluni atuutilersinneqarnissaa pillugu sakkortuumik
isornartorsiusarsimasoq, Jens Napaattooq, Naleraq, isumaqarput.
Isornartorsiunerli
tunngavissaqanngitsoq Aalisarnermut Piniarnermut Nunalerinermullu
Ataatsimiititaliap siulittaasua inatsisissallu atuutilersinneqarnissaanut
annertuumik sunniuteqataasimasoq, Kristian Jeremiassen, Inuit Ataqatigiit,
isornartorsiunermut akissuteqarluni oqarpoq.
Akerliussutsimik
takutitsisoqaratarsinnaasoq
Aalisarnermut
inatsisissap atuutilersinneqarnissaa sioqqullugu nalunaarutit
pingaaruteqarluinnartut tamarmik tusarniaassutigineqarlutillu
suliarineqarsimanissaat pingaaruteqartoq, KNAPK-ip siulittaasua Nikkulaat
Jeremiassen isumaqarpoq.
- KNAPK-mi
ilaasortarpassuagut aalisarnermut inatsisissamik atuisuusussaapput taakkulu
illersorniarlugit aalisarnermik initsisissap peqqissaarullugu piffissami
sivisunerusumi suliarineqarnissaa arlaleriarluta piumasarisarsimagaluarparput,
tamannali ilisimaneqartutut naalakkersuisoqatigiinnit tusaaneqarsimanngilaq.
- Nalunaarutit
pingaarutillit assigiinngitsut aalisarnermut inatsisissamut naafferarlugit
atuutilersinneqarnissaat siunissamut sattaaserluni sulinertut
isigineqartariaqarpoq, tamannalu aalisartorpassuarnut annertuumik
kingunerlussinnaavoq.
- Aalisarnermut
inatsisissamik atuisuulertussat isumaat tusaaniarneqanngillat, tamannalu
politikkikkut akisussaassuseqanngitsuliornertut isigineqartariaqarpoq, taanna
oqarpoq.
Aalisarnermut
inatsisissap naafferarlugu suliarineqarnera atuisullu naammaginartumik
tusarniarneqannginnerat pissutigalugu KNAPK-p ilaasortaasa akerliussutsimik
takutitsisoqarnissaanik kissaateqarnerat annertusiartortoq, Nikkulaat
Jeremiassen oqarpoq.
Aalisarnermut
naalakkersuisoqarfik piukkoorfigineqartoq
Aalisarnermik
inuussutissarsiuteqarnerup ineriartortinneqarnissaa pillugu politikkikkut
siunnerfik ersarluppallaartoq, Aalisarnermut Piniarnermut Nunalerinermullu
Ataatsimiititaliami siulittaasup tullia, Jens Napaattooq, Naleraq, isumaqarpoq.
- Aalisarnermut
inatsisissap atuutilersinneqarnissaa sioqqullugu pissutsit assigiinngitsut
qulaajaaffigineqarnissaat piumasarisarsimagaluarparput.
- Nalunaarutit
aalisarnermut inatsisissamut pingaaruteqarluinnartut suliarineqarnerat
kingumoortumillu atuutilersinneqarnissaat ilungersunartorujuussuuvoq
akuersaarneqarsinnaananilu.
- Inatsisartunut
qinersinissaq qallivoq aalisarnermullu inatsisissap ammanerusumik
suliarineqarnissaanut siuttuunissarput, Naleqqamiillu aalisarnermut
piniarnermullu naalakkersuisuutitaqalernissaq tunuarsimaarfiginngilarput,
taanna oqarpoq.
Kinguarsaqqinneqarsinnaanngitsoq
Aalisarnermut
inatsisissap suliarineqarnera piffissaq sivisooq atorlugu sukumiisumik
suliarineqarsimasoq atuutilersinneqarnissaalu kinguarsarneqaqqissinnaanngtsoq,
Aalisarnermut Piniarnermut Nunalerinermullu Ataatsimiititaliap siulittaasua
Kristian Jeremiassen oqarpoq.
- Nalunaarutit
ilaasa taamak kingusitsigisumik suliarineqarnerat kingusiginarsinnaavoq,
kisianni nalunaarutit piffissap ingerlanerani suliarineqartarnerat
naliginnaasuuvoq, nunatsinnilu inuussutissarsiutit pingaarnersaat pillugu
inatsisiliornissaq kinguarteqattaarneqartuaannarsinnaanngilaq, taanna oqarpoq.
Aalisarnermut
inatsissaq sukumiisumik suliarineqarnikuusoq, taamaattumillu naammassineqarani
atuutilersinneqarnissaanik isornartorsiuneq tunngavissaqanngitsoq, Kristian
Jeremiassen isumaqarpoq.
