Australiamiut aatsitassarsiortitseqatigiiffiata Energy Transition Mineralsip suliffeqarfiullu
pigisaata Greenland Mineralsip suli isumaqatigiissitsiniartartumi imaluunniit
Kalaallit Nunaanni Danmarkimilu eqqartuussivinni namminersorlutik oqartussanut
suliassanngortitsinermi ajugaanissartik, Narsallu eqqaani Kuannersuarni
qalluinissamut akuersissummik pinissartik suli upperaat.
– Eqqartuussivinni suliat ineriartornerat malillugu soqutiginnittuvut
ilisimatittuarumavavut.
Australiamiut aatsitassarsiortitseqatigiiffiata Energy Transition Mineralsip suliffeqarfiullu
pigisaata Greenland Mineralsip suli isumaqatigiissitsiniartartumi imaluunniit
Kalaallit Nunaanni Danmarkimilu eqqartuussivinni namminersorlutik oqartussanut
suliassanngortitsinermi ajugaanissartik, Narsallu eqqaani Kuannersuarni
qalluinissamut akuersissummik pinissartik suli upperaat.
– Eqqartuussivinni suliat ineriartornerat malillugu soqutiginnittuvut
ilisimatittuarumavavut.
- Kalaallit inatsisilerinermik ingerlatsinerat
ataqqivarput, inatsisitigullu pisinnaatitaaffitsinnik illersuisumik
avatangiisinik ingerlatsinermik nalimmassaassisumik aaqqiissutissarsiornissaq
siunertaralugu kalaallit oqartussaasuinik siunnerfeqarluartumik
oqaloqatiginninnermik ingerlatsissaagut. Kuannersuarni suliniutip Kalaallit
Nunaanni aningaasaqarnikkut siuariartornermi, atugarissaarnermi
pigissaarnermilu pingaaruteqalersinnaaneranik upperinninnerput aalajangiusimavarput.
Kalaallit Nunaata pinngortitami pisuussutaasa annertuut iluaqutiginerisigut
aatsitassat qaqutigoortut, nunarsuarmi mingutsitsinnginnermut ikaarsaarnermut
pingaarutillit ineriartortissinnaavavut, sumiiffimmilu suliffissatigut
attaveqaatitigullu ineriartortitsinermi aamma periarfissiisinnaalluta, Energy
Transition Mineralsimi pisortaq, Daniel Mamadou pappiaqqanik nalilinnik
niuerfimmut aggustip 30-anni nalunaarummini allappoq.
Aalajangiinissaq
utaqqigaat
Aatsitassarsiortitseqatigiiffiup
juulip qulinganni Kalaallit Nunaanni eqqartuussivimmut, aggustillu 27-anni Københavns
Byretimut akissuteqaatitik tunniuppaat, maannalu suliami aallarniutaasumik
aalajangiinissaq utaqqillugu.
Peqatigisaanik
ingerlatseqatigiiffiup isumaqatigiissitsiniartartut suliami
aalajangiisinnaassuseqarneq pillugu aalajangiinissaa
aatsitassarsiortitseqatigiiffiup utaqqivaa.
Namminersorlutik
Oqartussat qallunaallu naalagaaffiat naapertorlugit, suliaq Kalaallit Nunaanni
eqqartuussivinni suliarineqartussaanera tunngavilersuutigalugu,
isumaqatigiissitsiniartarfimmi itigartinneqartariaqarpoq.
Eqqartuussiviit avaqqullugit isumaqatigiittoqarsinnaanera itigartikkaa
Energy Transition mineralsip pappiaqqanik nalilinnik
niuerfimmut nalunaarutaa kingulleq soorunami takusimallugu,
Inuussutissarsiornermut, niuernermut, aatsitassanut, inatsisit
atuutsinneqarnerannut naligiissitaanermullu naalakkersuisoq Naaja H. Nathanielsen
oqarpoq:
“Manna
tikillugu periusaat assigalugu ETM-ip suliffeqarfik pigisartik Greenland
Minerals A/S sinnerlugu matumani isumaliutit akuliussuinerillu saqqummiuppaat.
ETM-ip eqqartuussiviit avaqqullugit isumaqatigiissinnaanermut periarfissaq
taagaa maluginiarpara. Eqqartorneqarsimanngilaq uagullu tamanna
isumaliutigisimanngilarput. Tamanna erseqqissarumavara”.
Namminersorlutik
Oqartussanit oqaatigineqartut naapertorlugit Greenland Minerals A/S-ip suliat
isumaqatiginninniartitsivimmi kiisalu Kalaallit Nunaanni Eqqartuussivimmi Københavnimilu
eqqartuussivimmi suliassanngortitai suli ingerlapput.
– Suliat
pilertortumik naammassinissaat ilimagineqanngilaq. Eqqartuussisut akuusut
suliap pisariunera paasilluarlugu piffissaq pisariaqartoq atussagaat
tatigilluinnarparput, aatsitassanut naalakkersuisoqarfimmit taama nalunaarput.
Qalluinissamik
akuersissummik inatsisitigut qulakkiigaaneq
Eqqartuussivilersuussinermi Energy Transition
Minerals/Greenland Mineralsip kujataani qalluinissamik akuersissummik
tunineqarnissamik inatsisitigut illersugaanerarput. Kujataani misissuinissamik
akuersissummut tunngatillugu urani pillugu inatsit atorsinnaannginnerarpaat.
Naalakkersuisut qalluinissamik akuersissummut qinnuteqaammik
itigartitsisimanerat atorsinnaannginnerarpaat, taamatullu qalluinissamik
akuersissummik pinngikkunik taarsiivigineqarnissamut
pisinnaatitaaffeqarnerarput
