AATSITASSAT
Akuersissut pillugu eqqartuussineq: Akuersissutinik qinnuteqartartut nutaat mattunneqarput
Akuersissutaateqarfik Isukasia qinnuteqartunut nutaanut kisermaassilluni akuersissutaateqarnissamut matoqqavoq. Matusineq Namminersorlutik Oqartussat aamma akuersissutaateqartut London Miningip akornanni eqqartuussinerup januaarimi 2025-mi aalajangiiffigineqarnissaata tungaanut pivoq. Nunaqavissulli sumiiffimmi atortussiassanik nunamut atanngitsunik suli katersisinnaapput
London Mining novembarimi 2021-mi Isukasiani piiaanissamut akuersissutaatiminnik utertitsinissamik qinnuigineqarput, tassani suliniutip siuariartorfiunnginnera tunngavilersuutigineqarpoq. Tamanna ukiup tulliani ingerlatseqatigiiffik eqqartuussivimmut aggeqqusineranik kinguneqarpoq, akuersissutip utertinneqarnissaa piumasarineqarluni. Suliaq iluatsinngippat ingerlatseqatigiiffik 20 millionit koruuninik taarsiiffigineqarnissamik piumasaqarpoq. Suliaq januaarimi 2025-mi ingerlanneqartussaavoq. Tamatuma tungaanut akuersissutaateqarfik qinnuteqartunut nutaanut matoqqavoq, naalakkersuisoqarfik ilisimatitsivoq
Poul Krarup
Kinamiut
ingerlatseqatigiiffiutaata London Miningip Namminersorlutik eqqartuussivimmi
sassartussanngortippaat, Nuup Kangerluata avannaani Isukasiani saviminissamik
piiaanissamut akuersissut oqartussat unioqqutitsillutik 2021-mi
arsaarinnissutigisimagaat isumaqaramik.
Akuersissut
imaluunniit taarsiineq
Ingerlatseqatigiiffiup
aggeqqusissutaa naapertorlugu, eqqartuussuteqarnermit qaammatit 18-it iluaanni
piiaanissamut aamma matusinissamut pilersaarummik tunniussisinnaagunik
piiaanissamut akuersissut 2013-meersoq suli atuuttussaagaluarpoq. Aappaa
iluatsinngippat 20 millionit koruuninik taarsiiffigineqarnissartik aamma
kontumut sillimmasiiffimmut 6 millionit koruuninik
akiliisussaatitaannginnissamik piumasaqarput.
London Mining Greenlandip piiaanissamut akuersissutaateqarfia Nuummit avannamut kangimut 150 kilometerisut ungasissusilimmi inissisimavoq, 290 km2-it sinnerlugit angissuseqarluni
Mineralmyndigheden
Nuna
Advokater aamma Horten Advokatpartnerskab ingerlatseqatigiiffik sinnerlugu
suliamik ingerlatsipput, naalagaaffik sinnerlugu eqqartuussissuserisoq Poul
Schmith aatsitassanut oqartussanut suliamik ingerlatsisoq.
Killiliussamik
sivitsuisaqattaarnerit
Naalagaaffik
sinnerlugu eqqartuussissuserisup allagaqarluni akissutaa naapertorlugu suliaq
nutaamik allaffissornikkut suliareqqinneqassappat, oqartussat
pinngitsuutinneqarnissamik piumasaqarput. Aamma taarsiissuteqarnissamik aamma
kontumut sillimmasiiffissamut akiliinnginnissamik piumasaqaat
itigartitsissutigaat.
Oqartussat
oqarnerat naapertorlugu ingerlatseqatigiiffik arlaleriarluni piffissanik
killiliussanik sivitsuinerit aamma saliinissamut sillimmatinut kontumut
oqartussat piumasaqaataanik naapertuinnginnerup kingunerisaanik arsaarneqarpoq.
Oqartussat oqarnerat naapertorlugu ingerlatseqatigiiffik kontumut
sillimmasiiffissamut 1,5 millionit koruuninik suli akiligassaqarpoq, taakku
sumiiffimmi saliinissamut aningaasanik naammattunik
qulakkeerinnittussaapput.
Nunaqavissut
atortussiassanik katersisinnaapput
Kalaallit
Nunaanni Eqqartuussiviit naapertorlugit suliaq suli allakkatigut
piareersarneqarpoq, kisianni pingaarnertut isumaqatiginninniarnissamut ulluni
13.-25. Januar 2025-mi inniminniisoqarsimavoq.
Suliap
aalajangiiffigineqarnissaata tungaanut Inuussutissarsiornermut, Niuernermut,
Aatsitassanut, Inatsisit Atuutsinneqarnissaannut aamma Naligiissitaanermut
Naalakkersuisoqarfik sumiiffiup kisermaassilluni aatsitassarsiornermik sulianut
akuersissutaateqarfigineqarnissaanut qinnuteqaatinut nutaanut
matoqqagallassasoq aalajangerpaa. Tamanna aamma aatsitassarsiornermut
akuersissutinut aamma najugaqartut aatsitassarsiornerannut akuersissutinut
(siornatigut annikitsumik aatsitassarsiornermut akuersissutit) atuuppoq.
Aammattaaq sumiiffimmi misissueqqaarnissamut akuersissuteqarluni
suliaqartoqarsinnaanngilaq. Najugaqartut aatsitassarsiornermik suliaqarnerannut inatsimmut nutaamut
tunngatillugu nunaqavissut (tassa imaappoq, Kalaallit Nunaanni
aalajangersimasumik najugaqartunut aamma ukiuni tallimani tamakkiisumik
akileraaruteqartussaasunut) atortussiassanik nunap qaavaniittunik
katersinissamut akuersissuteqarnissamik pisariaqartitsinngitsut
katersisinnaapput aamma sakkunik tigummiartakkanik atorlutik piiaasinnaapput,
naalakkersuisoqarfik ilisimatitsivoq.
