Utoqqarmiut
Kangerluarsunnguani engup nukinganik nukissiorfiup allilerneqarnissaanut
suliassanut tamakkiisunut sanaartugassamut akigititassanut
piukkunnartussarsiuussineq maanna ingerlanneqareersoq suliffeqarfik
Namminersorlutik Oqartussanit pigineqartoq NunaGreen Construction Nuuk A/S
paasissutissiivoq.
Alliliinermi 16 km-isut takissusilimmik sulluliorneq, pingasunik kaavittulimmik
nutaamik innaallagissiorfiliorneq kiisalu erngup nukinganik
innaallagissiorfittaassamiit innaallagissiorfimmut pioreersumut
atassusiisussaq innaallagiamut aqqut 36 km takissusilik
suliarineqartussaapput.
Utoqqarmiut
Kangerluarsunnguani engup nukinganik nukissiorfiup allilerneqarnissaanut
suliassanut tamakkiisunut sanaartugassamut akigititassanut
piukkunnartussarsiuussineq maanna ingerlanneqareersoq suliffeqarfik
Namminersorlutik Oqartussanit pigineqartoq NunaGreen Construction Nuuk A/S
paasissutissiivoq.
Alliliinermi 16 km-isut takissusilimmik sulluliorneq, pingasunik kaavittulimmik
nutaamik innaallagissiorfiliorneq kiisalu erngup nukinganik
innaallagissiorfittaassamiit innaallagissiorfimmut pioreersumut
atassusiisussaq innaallagiamut aqqut 36 km takissusilik
suliarineqartussaapput.
Alliliinermi
nukissiorfiup pilersuinera 45 MW-imit 121 MW-imut annertusissaaq, tamannalu
Nuummut innaallagissamik pilersuineq ukiorpassuarni tulliuttunut
qulakkeerinnittuussalluni.
Suliffeqarfiit suleqatigiilersut
Sanaartugassanik suliakkerneqartartut pingasut piukkunneqarput. Taakkuuppullu
spaniamiunit qallunaanillu pigineqartoq JV Cobra - MT Højgaard, canadameersut
Pennecon Aecon Partnership aamma tyskinit portugalimiunillu pigineqartoq
Thyssen Schachtbau GmbH and Alberto Couto Alves, S.A.
– Piumasaqaatit aalajangersimasut naammassiniarlugit
qinnuteqartut suleqatigiilerput, ilaatigut Kalaallit Nunaanni nunamik
suliaqarnermik misilittagaqarnermik uppernarsaatilinnik. Erngup nukinganik
nukissiorfiliornermi, qaqqani sullorsuarliornermi kiisalu silami
peqqarniissinnaasumi attaveqarnermut suliniutini suliffeqarfiit
piukkunneqassagunik misilittagaqarluarnissaat piumasarineqarpoq,
NunaGreen A/S-imi pisortaaneq Aviaaja Karlshøj Knudsen Sermitsiamut oqarpoq.
Suliniutinit
allanit misilittagallit
Canadamiut
suliffeqarfiutaat Pennecon Qaqortumi mittarfiliorpoq, taakkulu aamma Canadamiut
suliffeqarfiutaat Aecon nukissiorfiliornermik attaveqaqatigiinnermillu
suliaqartunik suleqateqarput. Suliffeqarfiit suleqatigineqartut pingajuat
tassaavoq tyskit suliffeqarfiutaat Thyssen Schachtbau, kingullermik Nalunami
kuultisiorfimmik Amaroq Mineralsimik pilersitseqqittoq, aamma Portugalimiu
suliffeqarfiutaat Alberto Couto Alves (ACA), attaveqaqatigiinnermik
suliffissuarnilu atortunik, soorlu suliarinneqqittarfimmik il.il., suliaqartoq.
Isumaqatiginninniarnermi
unammillerneq
Utoqqarmiut
Kangerluarsunnguanni erngup nukinganik nukissiorfiup allilerneqarnera
tamakkiisumik suliariumannittussarsiuunneqarpoq, sanaartorsinnaasutut
piukkunneqartut neqeroornerminnik pitsanngorsaanissamut
periarfissaqartinneqarlutik. Sanaartorneq 2026-mi aallartinnissaa
naatsorsuutigineqarpoq, erngup nukinganik nukissiorfik nutaaq 2032-mi
atulernissaa pilersaarutaalluni.
NunaGreenip
nunap suliarineqarnissaa pillugu neqeroortitsineq alla qanittukkut pissasoq
naatsorsuutigaa. Suliassaq taanna suliassatut pingaarnertut
neqeroorutigineqarpoq, najukkami ingerlatsisunut, aqqusernullu pioreersut 14
kilometerisut takitigisup nutarterneqarnera kiisalu sanaartornermi aqqusinermut
8 kilometerisut takissusilimmut aamma periarfissaqassalluni.
Naalakkersuisuusimasut
qallunaat naalakkersuisui 2024-mi novembarimi tunngaviusumik
isumaqatigiissuteqarfigaat, taakku alliliinissamut aningaasaliineq
naalagaaffiup 95 procentimik qularnaveeqqusiinissaa pillugu, NunaGreen
Construction A/S-ip akisussaaffigisassaanut. Suliniut 3 milliardit koruunit
missaannik akeqassasoq missingerneqarsimavoq.
