2024-mi
puisit amii 34.000-it sinneqalaartut Great Greenlandimut tunineqarput, taakkulu
ukiup siulianut naleqqiullugit 9.000-it tungaanut amerlanerupput.
Tassungalu Kujataani
2024-mi sikorsuaqarujussuaqarnera, puisillu amiinik tunisinermi akit
qaffanneqarnerat peqqutaaqataasimasinnaasoq, Great Greenlandimiit
oqaatigineqarpoq.
2024-mi
puisit amii 34.000-it sinneqalaartut Great Greenlandimut tunineqarput, taakkulu
ukiup siulianut naleqqiullugit 9.000-it tungaanut amerlanerupput.
Tassungalu Kujataani
2024-mi sikorsuaqarujussuaqarnera, puisillu amiinik tunisinermi akit
qaffanneqarnerat peqqutaaqataasimasinnaasoq, Great Greenlandimiit
oqaatigineqarpoq.
Tunisallu
suli amerlanerulissappata illoqarfinni nunaqarfinnilu puisit amiinut
tunitsiviit maannakkut 34-usut ilaqqittariaqartut, tamannalu qulakkeerniarlugu aningaasaliisoqartariaqartoq,
Great Greenlandimi pisortaaneq, Preben Møller oqarpoq.
PUISIT AMIINIK TUNISINERMI AKIT TUNISALLU AMERLASUSAAT
2023:
- Aataaq 406 kr.
- Natseq mikineq 281 kr.
- Natseq angineq 306 kr.
- Aataat tunisat 16.777-it
- Natsiit tunisat 9.299-it
- Ammit tunisat katillugit: 26.076-it
2024:
- Aataaq 478 kr.
- Natseq mikineq 329 kr.
- Natseq angineq 358 kr.
- Aataat tunisat 25.139-it
- Natsiit tunisat 9.837-it
- Ammit tunisat katillugit: 34.976-it
2025:
- Aataaq 478 kr.
- Natseq mikineq 329 kr.
- Natseq angineq 358 kr.
- Kilde: Great Greenland.
Init
imigaataasut
Sinerissami
puisit amiinut tunitsiviit amerlanerulernissaat Great Greenlandimit sulissutigineqarpoq,
tassungalu atatillugu kommunit aamma aalisartut piniartut peqatigiiffii
suleqatigineqartarput. Tunitsivinnilli nutaanik ammaaniarneq suli annertuumik
unammilligassaqarpoq.
- Amernut
tunitsivinnik ammaasoqarnissaanut inip imermut, kallerup inneranut kuuffimmullu
attaveqarnissaa piumasaqaataavoq, ajoraluartumilli illoqarfiit nunaqarfiillu
ilaanni ininik taamak ittunik pissarsiniarneq suli ajornartorsiutaavoq.
- Assersuutigalugu
Uummannami ukiut kingulliit marluk amernik tigooraavimmik ammaaniarluta
sulissutigaarput, tamannali suli iluatsinngilaq, neriuppugullu piffissami
qanittumi iluatsikkumaartoq.
- Ajornartorsiut
ukiut arlallit atuuppoq. Puisit amiisa tunisat amerlanerulernissaat
anguneqassappat iliuuseqartoqartariaqarpoq, pisortaaneq oqarpoq.
Suleqatigiinnissaq
pisariaqartoq
Nunaqarfinni
puisit amiiniut tunitsivilinni qerititsiviit naliginnaasut amerlanertigut 400
literitut imaqarsinnaasut atorneqartarput, taakkuli ulikkaaraangata ammit
umiarsuakkut nassiunneqarnissaasa tungaanut tunisineq
unitsinneqartariaqartarpoq.
Nunaqarfinni
amerlanerpaani Royal Greenland aalisakkanut tunitsiveqarpoq Pilersuisorlu
pisiniarfeqarluni, taakkulu tamarmik annertuumik imaqarsinnaasunik
qerititsiveqarput. Puisilli amii qerititsivinni taakkunani
uninngasuutigineqarsinnaanngillat.
- Ajoraluartumik
pisortat suliffeqarfii taakku pingasuusut suleqatigiinniarneri imminnut
ungasippoq, suleqatigiinnerlu pitsaanerusuuppat, tunitsiveqarnikkut
qerititsiveqarnikkullu ajornartorsiutit aaqqiivigineqarsinnaagaluarput, Preben
Møller oqarpoq.
Nunaqarfinni
qerititsiveqarnikkut maannakkut aaqqissutaasinnaasunik Great Greenland
misissuivoq.
- Qerititsiviit
5 foditut imaluunniit 10 foditut angitigisut nunaqarfinni ajornartorsiummut
aaqqiissutaasinnaagaluarput, kisiannili taakkununnga maannakkorpiaq
akissaqanngilagut, taanna oqarpoq.
Umimmaat
savallu amii Great Greenlandimut aamma tunisaapput.
Aningaasaliisoqartariaqartoq
Great
Greenlandip aamma Namminersorlutik Oqartussat akornanni kiffartuussinissamut
isumaqatigiissummi aningaasaliissutaasartut iluanni, sinerissami amernik
tigooraavinnik nutaanik ammaanissaq Great Greenlandip nammineerluni
akissaqartinngikkaa, Preben Møller erseqqissaavoq.
Piniarnermik
inuussutissarsiutilinnut atugassaritaasut pitsaanerulernissaat, amernullu
tunitsiviit amerlanerulernissaat siunertaralugu, kiffartuussinissamut
isumaqatigiissummi siunertamut pineqartumut immikkut aningaasaliisoqarneratigut
ajornartorsiut aaqqiivigineqarsinnaasoq, taanna isumaqarpoq.
Paasiat:
