Ilulissani
suliffeqarfik Halibut Greenlandimi aalisartunit aallussilluartunit pigineqartumi
isumalluarluartoqarlunilu aningaasaliinerorusuttoqarpoq.
Halibut Greenland
piginneqatigiiffiuvoq nunatsinni aalisartitseqatigiiffinni namminersortuni
aningaasaqarnikkut ingerlalluarnerpaanut ilaasuusoq akileraannginnermi 8
millionit koruunit missarluinnaanik siorna sinneqartooruteqarpoq.
Ilulissani
suliffeqarfik Halibut Greenlandimi aalisartunit aallussilluartunit pigineqartumi
isumalluarluartoqarlunilu aningaasaliinerorusuttoqarpoq.
Halibut Greenland
piginneqatigiiffiuvoq nunatsinni aalisartitseqatigiiffinni namminersortuni
aningaasaqarnikkut ingerlalluarnerpaanut ilaasuusoq akileraannginnermi 8
millionit koruunit missarluinnaanik siorna sinneqartooruteqarpoq.
Halibut Greenland
ingammik qaleraleerniarnermit isertitaqarluartartuusoq nutaamik misiliinissamut
kajumippoq. Tassa inerisaanissi isertitaqarnerunissilu suliniutigaa.
Halibut Greenlandip
aalisarnermi tunisassiornermilu ingerlalluarnerulernissaanut
aningaasaliinerunissaq pisariaqartoq, suliffeqarfiup ukiorpassuarni pisortaata Erik Sivertsenip oqaatigaa.
- Millionilikkuutaanik
marlunnik kisititsisitalinnik aningaasaliiniarpugut, aalisakkeriviutittalu
tulaassuiffigineqarnerunissaa qulakkeerniarlugutigu. Suliffeqarfimmi aallussat
amerliniarpagut periarfissallu atorlugit, pisortaq Erik Sivertsen Sermitsiamut
oqarpoq.
Halibut Greenlandip
ilaatigut Ilulissani aalisakkeriviutimini tunisassiornerulernissaminut qangali
pilersaarutiminut aningaaliineruniartoq, suliffeqarfiup pisortaata oqaatigaa.
- Piginnittutsinnut
aalisartunullu iluaqutaasussamik aalisakkat akigissaarneruleqqullugit
aningaasaliiniarpugut, taanna oqarpoq.
Aningaasaliissutiginiakkatilli
qasserpiaassanersut, Erik Sivertsenip oqaatigerusunngilaa.
- Aningaasaliinerusussanngorpugut.
Kingullermik 2017-imi taamaalioratta qaleralinnik saarullinnillu nerpiiaasalerpugut.
Tassa tunisassianik atorluaanerunissamut inerisaalersaarpugut.
- Aalisartortavut
aalisagartaminnik kasiilerissaarlutik aningaasarsiornerulersinnaaqqullugit niuerutigineq ajukkatta
niuerutigisalernissaannut periarfissanik aamma ujartuiniarpugut, pisortaq
oqarpoq.
Assersuutigalugu Halibut
Greenland allernat avaleraannik aamma tunitsivinngornikuuvoq. Tamannalu
ingerlalluarpoq.
Sanaartortitsisartunik
oqaloqateqartut
Tassa Halibut
Greenlandip saniatigut aningaasaliissutiginiagai ilaatigut Ilulissani
aalisakkeriviutaata allilerneqarnissaanut qangali pilersaarutaanut atussapput. Suliffeqarfik
sanaartortitsisartunik tamatuminnga suliarinnikkumarataannaasunik
oqaloqateqarluni aallartereerpoq.
Halibut Greenlandip aalisartut
marluk, tassa Julius Sandgreen aamma Arne Hansen suliffeqarfimmik Kassoq Aps-imikm
tassa sinerissamut qanittumi qaleralittanik nipisallu suaannik assartuinermik
aalisarnermillu aallussaqartussamik pilersitseqatigai.
Kassoq Aps-ip umiarsuaa 12 meteritut takitigisoq assartuutigisassavaat. Umiarsuaq taanna Halibut
Greenlandip Ilulissani aalisakkerivianut tulaassugassanik assartuutitut qangali
atuuppoq.
- Millionilikkuutaanik marlunnik kisititsisitalinnik aningaasaliiniarpugut, aalisakkeriviutittalu tulaassuiffigineqarnerunissaa qulakkeerniarlugutigu. Suliffeqarfimmi aallussat amerliniarpagut periarfissallu atorlugit, pisortaq Erik Sivertsen oqarpoq.
Ass: Sermitsiaq
- Umiarsuaq
taanna ilaatigut Qeqertami Kitsissuarsunnilu tigooraavitsinniit
tulaassugassanik assartuutigisassavarput, Erik Sivertsen oqarpoq.
- Qanoq
aalisallaqqitsiginitta aalisakkerivitsinnut tulaassugassanik umiarsuaq taanna
atorlugu pisaqarluartiginissatsinnut takutikkumaarpaa, pisortaq oqarpoq.
Naalakkersuisunit
qaleralinnik, saarullinnik nataarnanillu Kitaata avataani
pisassinneqarumaarluni, Halibut Greenlandip aamma neriuutigaa.
- Halibut
Greenlandip aalisartut tulaassaannik tunisassiaminik atorluaanerunissamut inerisaarusunnera
Ilulissani aalisakkeriviata ukiut 15-it matuma siorna pilersinneqartup
allilerneqarnissaanut pissutaavoq, Sivertsen oqarpoq.
Halibut Greenland
ilaatigut qaleralinnik saarullinnillu aalisakkerivimmini nerpiiaanermik
aallussaqalersaarpoq.
- Suliffeqarfipput
suli nutaajukannerpoq. Royal Greenland unammillersinnaajumallugu
nioqqutigisassatut tunisassiatsinnik atorluaanerunikkut inerisaasariaqarpugut.
- Sanaartortitsisartunik
aalisakkeriviutitta allilernissaanut suliarinnikkumarataannaasunik
oqaloqateqarluta aallartereerpugut, pisortaq oqarpoq.
8 millionit
koruuninik sinneqartooruteqartoq
Halibut Greenland akileraarnermi
8,3 millionit koruuninik siorna sinneqartooruteqarpoq, massa ukiup siuliani
11,2 millionit koruuninik sinneqartooruteqartoq. 2024-mi kaaviiaartitai 100
millionit koruuniupput, namminerlu aningaasaatai 64 millionit
koruuningajaallutik.
- Suliffeqarfik
isertitaqarluarsimasoq, 2024-mi angusat takutippaat. Tamanna suliffeqarfiup
siunissaata qulakkeernissaanut aningaasaliilluarsinnaanitsinnik kinguneqarpoq,
Erik Sivertsen oqarpoq.
