Takornariartitsinermut inatsisissatut siunnersuut naapertorlugu takornariartitsisartut minnerpaamik affaat Kalaallit Nunaanni najugaqarnissaat piumasarineqaraluartoq, inuussutissarsiornermut niuernermullu naalakkersuisoq Naaja H. Nathanielsen, IA, naapertorlugu tamanna takornariartitsisartut amerlanerpaartaasa kalaallinit pigineqarnissaannut qulakkeerinnittussaq, Helge Tangilli tamanna akuersaanngilaa.
Taassuma Naalakkersuisut takornariaqarneq pillugu inatsisissatut siunnersuutaat akuersaanngilaa.
Takornariartitsinermut inatsisissatut siunnersuut naapertorlugu takornariartitsisartut minnerpaamik affaat Kalaallit Nunaanni najugaqarnissaat piumasarineqaraluartoq, inuussutissarsiornermut niuernermullu naalakkersuisoq Naaja H. Nathanielsen, IA, naapertorlugu tamanna takornariartitsisartut amerlanerpaartaasa kalaallinit pigineqarnissaannut qulakkeerinnittussaq, Helge Tangilli tamanna akuersaanngilaa.
Taassuma Naalakkersuisut takornariaqarneq pillugu inatsisissatut siunnersuutaat akuersaanngilaa.
Ingammik inatsisissatut siunnersuummi malittariniarneqartoq isornartorsiorpaa, tassa takornarialerinermik ingerlatsisut minnerpaamik affaat inunnit Kalaallit Nunaanni najugaqartuusariaqarlutillu akileraartartuusariaqartunit pigineqartarnissaannut tunngatillugu.
- Inatsit taanna atorsinnaanngilaq, tassami Kalaallit Nunaanni takornariartitsisarnermik ineriartortitsinissamut aningaasat naammanngillat. Aningaasat amigaatigigaanni neriuutigineqartutut sukkatigisumik takornariartitsisarnermik ineriartortitsisoqarsinnaanngilaq. Naalakkersuisut taama piumasaqaateqarnermikkut siunissaq ungasinnerusoq eqqarsaatigalugu imminnut ajoqusissapput, tassa nunanit allanit aningaasaliisoqarsinnaassanngippat. Kalaallit Nunaanni takornariartitsisarneq avataanit aningaasaliiffigineqanngikkuni imminut napatissinnaanngilaq, Helge Tang isumaqarpoq.
Takornariartitsineq pillugu suliap aaqqiagiinngissutaanerata, inatsisissatut siunnersuutip Naalakkersuisunit Inatsisartunut saqqummiunnissaa sioqqullugu, qallunaat angalatitsisarfissuat Albatros, siulersuisuni siulittaasuullunilu pilersitsisoq Søren Rasmussen siuttoralugu, Kalaallit Nunaanni aningaasaliinissanik pilersaarutinik unitsitsivoq.
- Kangerlussuarmi aamma Ilulissani ukiuni kingullerni arlalinni hunnoruju millioninik arlalinnik aningaasaliisarpugut – koruunimik ataatsimilluunniit nunamit annissaqarata. Taama aningaasaliisoqassaariaannaavoq, tassa inatsimmi nutaami piumasarineqarpat, Kalaallit Nunaanni takornariartitsisarneq inunnit suliffeqarfinnillu Kalaallit Nunaanni najugaqavissunit taamaallaat ingerlanneqassasoq, Søren Rasmussen Sermitsiamut maajimi taama oqarpoq.
Helge Tangip tikkuarpaa, Albatrosip Ilulissaniittoq Hotel Hvide Falk 2018-imi pisiarisimagaa, kingullermillu Kangerlussuarmi akunnittarfik pisiarisimallugu. Suliffeqarfik Kalaallit Nunaanni takornariaqarneq siuarsarniarlugu Ilulissani Kangerlussuarmilu annertuumik aningaasaliissuteqarsimavoq.
Albatros Topasilu Kalaallit Nunaanni takornariaqarnermik aallarnisaalluarsimasut, Helge Tang isumaqarpoq .
Topas Explorer Group Kalaallit Nunaanni aallartimmalli, suliffeqarfissuaq Kalaallit Nunaanni ingerlatseqatigiiffimminut 350 millionit koruunit angullugit aningaasaliissuteqarsimavoq. Topas Kalaallit Nunaanni ingerlatseqatigiiffinnik pingasunik ingerlataqarpoq. Tassaasunik Hotel Icefjord, Blue Ice Explorer aamma Disko Line.
