- Innuttaasut
avannaaniillu angalasut unnuinissaminnut akissaqalissammata
iluaqutaangaatsiassaaq, Hotel Arcticimi pisortaq Morten Nielsen oqarpoq
Akunnittarfittaassaq
akikitsuusussaq Hotel Siku Ilulissani politeeqarfittaap eqqaani sananeqartussaq
130-nik assigiinngitsunik angissusilinnik quleriaanut pingasunut
agguataarsimasunik ineeraqarlunilu mittarfissuartaassaq naammassippat
atulerneqarnissaa naatsorsuutigineqarpoq.
- Innuttaasut
avannaaniillu angalasut unnuinissaminnut akissaqalissammata
iluaqutaangaatsiassaaq, Hotel Arcticimi pisortaq Morten Nielsen oqarpoq
Akunnittarfittaassaq
akikitsuusussaq Hotel Siku Ilulissani politeeqarfittaap eqqaani sananeqartussaq
130-nik assigiinngitsunik angissusilinnik quleriaanut pingasunut
agguataarsimasunik ineeraqarlunilu mittarfissuartaassaq naammassippat
atulerneqarnissaa naatsorsuutigineqarpoq.
- Hotel Siku illoqarfimmut
qanittumi inissisimasoq illoqarfimmut sanilliullugu qitiusumi inissimavoq, Hotel
Arcticimi pisortaq Morten Nielsen oqarpoq, taassumalu sanaartornissaq
suliarinnittussarsiuuppaa, tassani akikinnerpaamik suliarinnissinnaasut
suliakkerneqassallutik.
Sanaartorneq 2024-ip
naanerani aallartissinnaassasoq akunnittarfillu Ilulissani mittarfissuassaq
2027-mi maajimi atulerpat naammassisimassasoq naatsorsuutigineqartoq
suliarinnittussarsiuussinermut pappiaqqani allassimavoq.
- Ukiut marlussuit
sanaartotoqarnissaa naatsorsuutigaarput. Mittarfissuartaaq 2026-mi atulereerpat
ammarnissarput naatsorsuutigaarput. Ukiuni marlussunni sanaartortoqarnissaa
naatsorsorparput, Morten Nielsen oqarpoq.
Akunnittarfimmi
kaffisorniartarfik
Kissartutortoqarsinnaassaaq,
assigiinngitsunilli sassaalliuteqassanngilaq.
- Neriniartarfiliornata
kaffisorniartarfiliussaagut. Neriniartarfimmi
sassaalliutit qulit toqqarsinnaallugit nerisoqarsinnaassanngilaq, kisianni ullaakkorsiuteqarlunilu
ullup-qeqqasiuteqassaaq, kiisalu annikitsunnguanik unnukkorsiuteqassalluni. Sassaalliutit
annikitsuinnaassapput, Morten Nielsen oqaluttuarpoq, taassumalu akunnittarfimmi
unnuisussat Hotel Arcticimut, neriniartarfeqarlunilu kaffisorniartarfeqartumut
illoqarfimmiluunniit neriniartarfinnut allanut, pisuinnarlutik
apuussinnaassasut nassuiaatigaa.
Akunnittarfiit
amigaataasut
Takornariaqarfimmi
Ilulissani aasaanerani tikerartoqarneruffiata nalaani akunnittarfiit
unnuisarfiillu amigaataasarput.
- Juunimiit
septembarip qeqqata missaata tungaanut ulapaarfiukkajuttarpoq, piffissamilu
tassani akunnittarfiit ulikkaaqqajuaannarput. Ineeqqat tamarmik
inniminnerneqarsimasarput, taamaammat illoqarfimmi pisariaqartinneqarput, Morten
Nielsen oqarpoq.
Ilulissani
mittarfissuassaq ammarpat akunnittarfiit unnuisarfiillu ulapinnerulissapput.
- Ineeqqat
nutaat amigaataapput, taamaammallu Hotel Arctic illoqarfimmi
akunnittarfiliorluni annertusaavoq. Akunnittarfittaami ineeqqat
assigiinngitsunik angissusillit 130-iussapput, illoqarfimmullu
iluaqutaangaatsiassapput, Morten Nielsen oqarpoq.
Akikinneri avannaaniit
angalasunut iluaqutaassasut
Najukkami innuttaasut
angalasulluunniit illoqarfimmut aqqusaartut ingerlaqqinnginnerminni
akikinnerusunik unnuiffissarserusuttut aamma iluaqutigissavaat.
- Najukkami
innuttaasut unnuinissaminnut akissaqalissapput, ingammik avannaaneersut
illoqarfimmi unnuisussat. Hotel Sikumi akigititat immikkoortunut pingasunut
agguataarneqassapput, akillu assigiinngitsuussammata akisunerpaat 1.800 - 1.900
koruuninik akikinnerpaallu 600-700 koruuninik
akeqassapput, Morten Nielsen oqarpoq.
