Ilulissani mittarfissualiorneq Munck Civil Engineering
A/S-mit ingerlanneqartoq, aappaagulu naammassisussatut ilimagineqartoq, maanna
ingerlallualerpoq.
Mittarfik 2,2 kilometerisut takitigisoq maanna
siullermeerlugu asfaltimik qallerneqaleruttorpoq, timmisartunullu
eqqussuivissaq, illorsuaq sullissinermut atugassaq, nakkutilliivissaq ilaasullu
isersimaffissaat sanaartorneqaleruttorput.
Ilulissani mittarfissualiorneq Munck Civil Engineering
A/S-mit ingerlanneqartoq, aappaagulu naammassisussatut ilimagineqartoq, maanna
ingerlallualerpoq.
Mittarfik 2,2 kilometerisut takitigisoq maanna
siullermeerlugu asfaltimik qallerneqaleruttorpoq, timmisartunullu
eqqussuivissaq, illorsuaq sullissinermut atugassaq, nakkutilliivissaq ilaasullu
isersimaffissaat sanaartorneqaleruttorput.
Mittarfiliorneq, Greenland Airports A/S-p sanaartortitsisutut
inissisimaffigisaa, ilusinikkiartorpoq, suliniullu maanna Europap avannaani
qaartiterilluni suliniutini annerpaanut ilaavoq, aasallu ingerlanerani inuit
140-nit amerlanerusut nunarsuarmi tamarmeersut suliffissaat pilersaarutit
malillugit ingerlasoq, Daniel Jørgensen, mittarfiliornermi suliniummut
pisortatut Munck Civil Engineering A/S-p atorfinitsitaa oqarpoq.
Pilersaarutit malikkai
Ilaasunut illorsuaq ataatsikkut ilaasunik 450-inik
isersimaffigineqarsinnaasussaq mittarfittaalu sissap qulinnguaniittoq
Qeqertarsuup tungaanut iluliarasaartumut isikkivigissorsuuvoq. Ilaasunut
illorsuassap tungaanut aqqusiniugallartussamik sanasoqarpoq, taannali matuppat
aqqusineq nutaaq maanna mittarfikkut 900 meterikkoortussaq atorneqalissaaq,
taamaalillunilu nunatami maniitsumi nutaamik aaqqusinersualiornissaq
pinngitsoortinneqassaaq.
Munck Civil Engineering A/S sanaartornermik suliamik
ingerlatsisuuvoq, tassanilu qaartiterinernik immiinerit imermut aqqusiornerit
mittarfiullu qullitaanik sanaartornerit tamarmik ilaapput, KJ Greenlandillu
sanaartornermik qaartiterinermillu ingerlatsisup, timmisartunut eqqussivik illorsuaq
sullissivik ilaasunullu illorsuaq suliarai. Maannakkut Munckikkunni inuit 115-t
missaat sulipput, Daniels Jørgensenilu naapertorlugu piffissami aggersumi
taakku 145-nut amerlassapput.
- Maanna sulisuvut inissisimalluarput,
pisariaqartitavullu pigaavut, assigiinngitsunillu suliallit sullipput,
suliniullu ingerlalluarpoq, taanna oqarpoq.
Strøm Hansen Danmarkimi automationinut, kallerup
innilerinernut installationinullu immikkut ilisimasallit nuimanersaasoq
Arssarnerillu nunarput tamakkerlugu suliffeqarfik, pisortat namminersortullu
suiffeqarfiutaanik teknikimut tunngasunik suliaqarlunilu sullissisoq,
Ilulissani mittarfiliorluni sanaartornermut atatillugu Munck Civil Engineering
A/S-mut sullissivoq.
Suliniut annertoorsuaq
Mittarfiup kujataata tungaa siullermeerlugu
asfaltilerneqareerpoq, mittarfiullu sissamut maniitsumut qaninnera
pissutigalugu, 30 meterisut qatsitsigisumut piffiit ilaanni ujarassuit
atorlugit sanaartortoqartariaqarsimavoq.
- Affaata missaa siullermeerlugu asfaltimik
qallerneqareerpoq, oktobarimilu mittarfik tamakkerlugu aappassaanik
qallereerlugulu, aqqusinernit, biilit unittarfii mittarfiullu saava
asfalteriissallugu pilersaarutigaarput, Daniel Jørgensen oqarpoq.
Mittarfiup saava tassaavoq timmisartut illorsuup
saavani unittarfiat, usinik immiiffittut, ilaasunillu ikillunilu niusarfittut,
orsersorfittut iluarsaavittulluunniit naatsorsuussaq. Mittarfiup avannaata
tungaani asfalterinissaq sioqqullugu ujaraaqqanik qallersuineq
aallarteqqammerpoq, kingornalu illorsuup saava kingullermeerlugu ujaqqanik
immerneqassaaq.
Munck Civil Engineering A/S namminneq ujaqqerivimminni
ujaqqanik assigiinngitsunik aserorteriveqarpoq. Betonimut cementi kiisalu
asfaltimut bitumen, Danmarkimeersut kisimik piffimmi sanaartugaanngillat.
- 7 million kubikmeterit missaannik qaartiterillutalu
immiisimassagunarpugut, taamaalillutalu Europap avannaani qaartiterinerit
annersaat suliarisimassavarput, ilaatigummi qaqqaq qaartiterlugulu iterlak
ujaqqanik immerparput.
- Suliniut tamanna annertooq maskiinanik
assigiinngitsunik soorlu dumperinik, asfaltilersuutinik, assaassutinik 13
tonsinit 200 tons angullugit oqimaatsigisunik pisariaqartitsiviuvoq, taakkulu
saniatigut inunnut biilerpassuit aamma, suliniummi pisortaq oqarpoq.
Strøm Hansenip sulisuisa maanna kabelit 70 kilometerit
mittarfiup qullinut tamanut atorneqartussat ivertissuleruttorpaat, suliarlu
oktobarip aallartinnerani naammassisussatut naatsorsuunneqarpoq. Munck Civil
Engineering A/S aamma nammineq asfaltiliorfeqarpoq, piffissamilu aggersumi
asfalti 60.000 tons sanaartorneqassaaq.
Sulisut assigiinngitsuneersut
Daniel Jørgensen naapertorlugu sulisut pingajorarterutaat
Danmarkimeerlutillu nunatsinneersuupput, sinnerilu Europap kangianeerlutillu,
nunanit kangianeersuupput, Afrikaminngaanneerlutik Amerikallu
kujataaninngaanneerlutik.
- Mittarfiliorneq inuiappassuit ingerlappaat, tamannalu
eqqarsaatigalugu nunanit assigiinngitsuneersut taama amerlatigigaluartut
ulluinnarni sulinermi annertunerusumik unammillernartoqanngilaq, suliniummi
pisortaq oqarpoq.
Sanaartorfiup eqqaani tammaarsimaffeqarpoq, tamaanilu
sulisut 100-t amerlanerit najugaqarput. Tammaarsimaffittaaq allaffeqarpoq
ilaatigullu nammineq kantiinaqarluni, errorsisarfeqarluni kiisalu ullormut
qamutinik motoorilinnik arlalinnik suliaqarfimmik iluarsaaveqarluni.
- Taamaalilluni mittarfiliornermi ingerlatarpassuit
tunuliaqutaapput. Piffissami taama sivisutigisumi taamatut sulissagaanni
immikkuullarissuusariaqarpoq.
- Soraarnerup kingorna sulisuvut bussinik illoqarfimmut
angallattarpagut, taamaalillutillu Iluliarmiunut akuliunnissamut
periarfissaqarluarput, Daniel Jørgensen oqarpoq.
Suliniummi pisortaq naapertorlugu taama
sivisutigisumik sulinissamut sulisut iluarisimaarnissaat pingaaruteqarpoq.
Annikitsunik pisoqalaartarsimavoq, tamakkuli Munckip sulisuinut annertunersumik
ajornartorsiortitsisimanngillat.
