Ilulissat nunarsuarmiunit nuannarineqaqaaq, ukiullu tamaasa takornariarpassuit Nunatsinni Issittup killeqarfiata avannaani illoqarfiit annersaannut takkussuuttarput.
Takornariat 5.000-it 6.000-illu akornanniittut Ilulissani takornariartitsisartut mikinerit ilaat, Unique Tours, atorlugu ukioq manna angalasimapput.
Ilulissat nunarsuarmiunit nuannarineqaqaaq, ukiullu tamaasa takornariarpassuit Nunatsinni Issittup killeqarfiata avannaani illoqarfiit annersaannut takkussuuttarput.
Takornariat 5.000-it 6.000-illu akornanniittut Ilulissani takornariartitsisartut mikinerit ilaat, Unique Tours, atorlugu ukioq manna angalasimapput.
Aallarnisaasartoq 56-inik ukiulik Lars Erik Gabrielsen, ernini marluk, Aputsiaq aamma Aqissiaq Møller Gabrielsen, peqatigalugit Unique Toursimik ingerlatsisoq taama oqaluttuarpoq. Taakku pingasuullutik illoqarfimmi tassani inunngorlutillu peroriartorsimapput.
Unique Tours ilaqutariit sanasutut suliffeqarfiutaanut A.A.N. Møller ApS-imut
ilaavoq, Lars Erik Gabrielsenimit suleqataanillu marlunnit pigineqartumut ilaalluni. Taanna ingerlatseqatigiiffiup pisortaraa, ineriartortitsinissamullu pilersaaruteqarluni. Tassami suliffeqarfissuit angisuut kisimik taamaaliornavianngillat, soorlu Arctic Hospitality Corporations/Hotel Arctic, Ilulissani pingasunik quleriinnik initalimmik 131-nik initalimmik nutaamik akunnittarfiliortoq, maajimi 2026-mi ammaaniarpoq, aamma nukariit Frank aamma Tommy Bagger,illoqarfimmi nutaamik akunnittarfissualiornissaminnik pilersaaruteqarput.
A.A.N. Møllerip takornariartitsisarnini annertusarlugu Ilulissani unnuisarfiliornissani pilersaarutigaa. Aalisartut marluk illoqarfimmiut aningaasaleeqataatillugit tamanna pissaaq.
Unique Tours, A.A.N. Møllerimut ilaasoq ingerlatsisuupput Lars Erik Gabrielsenimit (qiterleq)
ernini Aputsiaq Møller Gabrielsen (talerperleq) aamma Aqissiaq Møller Gabrielsen peqatigalugit
ingerlanneqarpoq.
Unique Tours
2026-mi ammarnissaa pilersaarutaasoq – Assersuutigalugu akunnittarfinnik inissianik sanaartorneq naammassingajaleruttorparput, sanaartornerullu tamakkiisumik akia 25-30 millionit koruunit akornanniissasoraarput.
– Unnuisarfimmik 30-35-nik initalimmik sanaartornissarput neriuutigaarput, taannalu 2026-p naalernerani ammarneqassalluni. Ilulissani mittarfissap nutaap ammarneqarnerata nalaani tamanna pissaaq, suliniuteqarluartartoq Lars Erik Gabrielsen oqarpoq.
Avannaata Kommuniali nunaminertamik sanaartorfissamik maannamut suli nassaarsinnaasimanngilaq, tamannalu taassuma pakatsissutigeqaa.
– Kommunimi kinguaqqalaaramik. Maanna suliaq ingerlateqqipparput neriuutigalugulu qanittukkut nunaminertamik sanaartorfissamik tunineqarumaarluta, pisortaq oqarpoq.
Sanasut suliffeqarfiutaat Nuliani Ane Louise Anna Dorph Møller taassumalu qatanngutaa Karl Peter Ole Dorph Møller peqatigalugit Lars Erik Gabrielsenip sanasut suliffeqarfiutaat A.A.N. Møller pigisaraa.
Ilaqutariit suliffeqqarfiutaat siorna 1,2 millionit koruuninik sinneqartooruteqarpoq. Aningaasat isertitat tamakkerlugit 6,1 millionit koruuniupput, kaaviiaartitalli qanoq amerlatiginersut suliffeqarfiup ilisimatitsissutiginngilaa, qularnanngitsumilli isertitanit tamarmiusunit amerlanerungaatsiarsimassallutik.
Suliffeqarfiup aallaqqaammut pilersaarutigigaluarpaa unnuisarfimmik 12-16-inik initalimmik 8 millionit koruunit missaannik akeqartumik sanaartornissaq.
– Ilaqutariittut maanna annertunerusumik eqqarsarpugut, taamaattumillu aningaasaliisut allat marluk peqatigalugit annerusumik suliniuteqarluta. Pilersaarut tamakkiisoq piareeriarpat qanorpiaq akeqassanersoq paasissavarput, oqarpoq.
Lars Erik Gabrielsen Unique Toursimilu suleqatai ukioq kaajallallugu assigiinngitsunik takornariartitsisarput.
Unique Tours pingasunik takornarianik angallassissutaateqarpoq. Annersaat Targa aqqaneq-marlunnik ilaasoqarsinnaavoq. Aamma qamuteralannik arfinilinnik angallassissuteqarpoq. Unique Tours umiatsiamik qamuteralannillu angallassisarnermi saniatigut qimussimik angalaartitsinermik neqerooruteqarpoq, Ilulissanilu aamma UNESCO-p nunarsuarmiunut kingornussassatut nalunaarsorsimaffianut pisummik takornariartitsisarluni.
– Inuunerput tamaat pinngortitami angalaartuuvugut. Aasaanerani immami najugaqartarpugut ukiukkullu nunakkut qamuteralannik angalaartarluta. Kangerluit qanittutsinniittut tamaasa ilisimavavut. Qaqqat nuui aputitallit qanittutsinniittut tamaasa ilisimavavut, Unique Tours nittartakkamini taama allappoq.
Qamuteralannik angallassisarluni aallartittoq Takornarianik angallassisartoq 2017-imi aallartippoq, qamuteralaat atorlugit Kangiani illuaqqanut, Lars Erik Gabrielsenip sanasutullu suliffeqarfimmini sulisut illuaraliaannut angalaartitsisarluni.
– Aasaanerani takornarianik angallassisarpugut ukiukkullu sanaartortarluta, oqarpoq.
Aammattaaq Aron Mathiesenip Aqqutaani, A.A.N. Møllerip Unique Toursillu ingerlatsiviini, niuertarfiit allat aamma tamaaniipput.
– Aammattaaq atisaarniarfimmik mikisumik ammaaqqammerpugut. Tamatuma saniatigut atisaarniarfinnut marlunnut, nujaleriffimmut kioskimullu ininik attartortitsivugut. Tamakku suliffinnik nutaanik arlalinnik pilersitsipput, Lars Erik Gabrielsen oqarpoq.
Ilulissat Excursions Taanna Unique Toursimut piginneqataanermi saniatigut Ilulissat Excursions, ukioq manna siusinnerusukkut pilersinneqartoq, Ilulissani takornariartitsisartunit mikisunit qulingiluaasunit pigineqartoq, aamma piginneqataaffigaa siulersuisuinilu siulittaasuulluni.
Ingerlatseqatigiiffiit ataasiakkaat allaffeqarfii ataatsimut kattullugit allaffeqarfiliornissaq siunertaavoq. Piffissaq ungasinnerusoq eqqarsaatigalugu ingerlatseqatigiiffiit qulingiluat tamarmik Ilulissat Excursions-imut ataatsimut kattunneqarumaartut neriuppunga. Tamanna aningaasanik sipaarutaassaaq ataatsimullu isigalugu umiatsianik, qamuteralannik qimussinillu amerlanerusunik angallassisoqarsinnaalissalluni, Lars Erik Gabrielsen oqarpoq.
