- Pisariugaangamik nuannernerusarput, Krissie
Winberg, aallarnisaasoq Sulisitsisunilu siulittaasoq isumaqarpoq.
Inuusuttut sapaatip-akunnerani kingullermi
Sisimiuni Future of Greenland pillugu ataatsimeersuarmata taama oqarpoq.
- Pisariugaangamik nuannernerusarput, Krissie
Winberg, aallarnisaasoq Sulisitsisunilu siulittaasoq isumaqarpoq.
Inuusuttut sapaatip-akunnerani kingullermi
Sisimiuni Future of Greenland pillugu ataatsimeersuarmata taama oqarpoq.
Ataatsimeersuarneq illoqarfiup kulturikkut illorsuani Taseralimmi
ingerlanneqarpoq, tassanilu issiaviit 250-it tamarmik Sisimiuni
ilinniartorpassuarnit inuttalerneqarsimapput.
Krissie Winbergip Nuummeersup aallarnisaasutut
inuuneq oqaluttuaraa, tassanilu Palli Fleischer Lyberth, Sisimiut Fresh Farm,
aamma Hansa Vid Stein Olsen, Diddan, peqatigai. Namminersortutut inuuneq
imaannaanngitsoq, naammagisimaarnartorujussuusorli oqariartuutigineqarpoq.
SUliaq ilungersunarpoq akunnerpassuillu atorneqartarput.
Aallarnisaasutut inuuneq
Sisimiuni atuartut siunnersuisoqatigiivinut ilaasortat sisamat politikerit misilittagaqarluartut ersarissunik apeqquteqarfigisarlugit unammillertaarpaat.
Nammineq pigisaq
- Namminissarsiortutut/aallarnisaasutut
unammillernartut suliarinissaat nuannarisariaqarlugulu sulinerup ingerlarngani
naammassillugu qanoq oqiliallannartigisoq nalussanngilat, Krissie Winberg
oqarpoq.
Future of Greenland ulloq naallugu
ingerlanneqarpoq, tassanilu allattukkat titartarnissaat pillugit
aliikkutaasumik saqqummiisoqarlunilu borgmester Malik Berthelsen (S),
Inatsisartunut ilaasortaq Pele Broberg (N) aamma folketingimut ilaasortaq
Aki-Matilda Høegh-Dam (S) kiisalu atuartut siunnersuisoqatigiivinut ilaasortat
sisamat Jørgen Toby Maassanguaq Qujaukitsoq Geisler, Markus Mikiki,
Carl-Christian Lynge Kleist aamma Alina Kleist Jarniewska peqatigalugit
politikkikkut oqallittoqarpoq.
- Future of Greenland Sulisitsisut
Peqatigiiffiata Future Greenland pillugu ataatsimeersuarnerisa ilagaat,
Sulisitsisuni pisortaq Christian Keldsen oqarpoq.
- Upernaaq ataatsimeersuartoqarmat Future of
Greenland-imik taasatsinnik inuusuttunut immikkut ittumik aaqqissuussaqarpugut.
Nuummi inuusuttut kisimik pinnatik inuusuttut aamma allat
”inuussutissarsiornermik ataatsimeersuarnivimmut” peqataasinnaaniassammata
tamanna ingerlateqqikkusupparput.
- Sisimiut ilinniarfioqimmat toqqarneqarpoq –
tassanilu inuusuttut amerlasuut Kalaallit Nunaannit tamarmeersut
katersuuttarput.
Silap pissusia suliffeqarfeqarfillu
Ataatsimeersuarnermi oqallinnerit
saqqummiussallu assigiinngitsorpassuupput.
- Qanoq aallarnisaasunngortoqartarpa,
demokratii inuiaqatigiillu suuppat, Kalaallit Nunaanni inuussutissarsiornermi
nutaami kalaallinut inuusuttunut pissanganartunik suliffissaqarpa, mittarfinnut
nutaanut naatsorsuutit siunissamilu qanoq nukissiuutinik pilersuissanersugut
ataatsimeersuarnermi sammineqartut ilaannaraat.
Future of Greenlandimi peqataasut ataatsimeersuarnerup ingerlanerani oqarasuaatimik angallattakkat qullitai saqqummiisarfimmut seqerpaat – kingornalu qilaamut seqermatigit qilattut ullorialittut isikkoqalerpoq.
Nammineq pigisaq
- Pilersaarut saqqummiisussat
tigulluarneqartut malugaara. Inuusuttut siunissami suliffissaqarneq
soqutigisorujussuuaat - minnerunngitsumillu sulisut nunanit allaneersut
pillugit apeqqut.
- Silap pissusia aamma soqutigilluarneqarpoq.
Kinguaariit Z-mik taaneqartartut internettimik atuisuullutik
peroriartorsimapput, silallu pissusia pillugu ilisimasaqarluarlutik.
Kinguaariit taakkua siunissami Kalaallit Nunaanni inuussapput – taamaammallu aamma
kinguaariit taakkua nunap siunissaanik aalajangiinissaat pingaaruteqartoq GE-mi
isumaqarpugut, Christian Keldsen oqarpoq.
Future of Greenland arlalinnit aamma
Grønlandsbankens Erhvervsfondimit Nunafondenimiillu aningaasaliiffigineqarluni
Sulisitsisunit aaqqissuunneqarpoq. Ataatsimeersuarneq inuusuttunut
akeqanngilaq, tusagassiortorlu Sermitsiaq.AG-meersoq Tôrtia Reimer-Johansen
ilisarititsisuuvoq.
