– Nunani digitalikkut attaveqaasersuutit qimerloorutsigit eqqaamasariaqarpoq Kalaallit Nunaat nunaammat isorartoorujussuaq inukitsupilussuarlu. Kalaallit Nunaanni attaveqaatitigut kiffartuussinermut akitigut nammaqatigiittoqarpoq. Taamaalilluni inuit inuiaqatigiinni inukinnerusuniittut attaveqaasersuutit akisunerusumik sanaartorneqarfianni pillarneqanngillat, IT-mik immikkut ilisimasalik, nunarsuarmi tamarmi attaveqartoq IT-millu niuertoq John Strand oqarpoq.
Oqaluttuarpoq Tusass assersuutitut pitsaasutut atortarlugu, inuiaqatigiinni inukitsuni digitalikkut attaveqaasersutit isumannaatsuunerlu pillugit oqalugiaraangami, Tusassilu nersualaarlugu nunarujussuarmi attaveqaasersuutinik immikkuullarissunik pilersitsisimaneranut bredbåndimillu akit naammaginartut atorlugit.
– Nunani digitalikkut attaveqaasersuutit qimerloorutsigit eqqaamasariaqarpoq Kalaallit Nunaat nunaammat isorartoorujussuaq inukitsupilussuarlu. Kalaallit Nunaanni attaveqaatitigut kiffartuussinermut akitigut nammaqatigiittoqarpoq. Taamaalilluni inuit inuiaqatigiinni inukinnerusuniittut attaveqaasersuutit akisunerusumik sanaartorneqarfianni pillarneqanngillat, IT-mik immikkut ilisimasalik, nunarsuarmi tamarmi attaveqartoq IT-millu niuertoq John Strand oqarpoq.
Oqaluttuarpoq Tusass assersuutitut pitsaasutut atortarlugu, inuiaqatigiinni inukitsuni digitalikkut attaveqaasersutit isumannaatsuunerlu pillugit oqalugiaraangami, Tusassilu nersualaarlugu nunarujussuarmi attaveqaasersuutinik immikkuullarissunik pilersitsisimaneranut bredbåndimillu akit naammaginartut atorlugit.
Tusass ingammik nersualaarpaa nunanut allanut attaveqaasersuutinulli allanut naleqqiullugit nukissat annikitsuararsuit atorlugit niuersinnaaneranut.
Nunami tamarmi akit assigiit
– Attaveqaatitigut angallanneq annertusiartortillugu ukiut ingerlanerini Tusass annertusaasimasoq Kalaallit Nunaanni inuiannut nutaaliaasunut pitsaassutsimigut unnersiutissaasumik. Taamaaliortoqarpoq akit qaffanngikkaluarlugit akerlianilli akikillinerisigut. Atuisut atuinerulersimapput akit taakku atorlugit akikinnerusumilluunniit, naliliivoq.
Erseqqissarpaattaaq akitigut nammaqatigiittoqartoq tamannalu pingaartuusoq inuiaqatigiinni Kalaallit Nunaattut ittumi angisuunik mikisunillu najugaqarfeqartumi isorartuupilussuarni.
– Allat nutaat unammillertussat taamaallaat inuppassualimmi iluanaarfiusinnaasumilu attaveqaasersuisinnaapput. Tassalu Nuummi. Matumanili niuerneq Tusassip Kalaallit Nunaanni tamarmi – najugaqarfinnilu mikisuni - piorsarsimasaa, pigisaa ingerlataalu innarlerneqassaaq.
– Nuannaarutigaara Kalaallit Nunaanni Starlinkip ammarnissaa oqaluuserineqarmat, ajuusaarutigaarali tusagassiuutit ilaat taama torinngitsigisumik oqallitsitsimmata, akerlianik inuit uattut ittut suliassaqarfimmi siuttuullutik arlaannaannulluunniit attuumassuteqaratik immikkut ilisimasallit pissutsit piviusut suunersut pillugit oqaluttuarsinnaallutik, John Strand oqarpoq, neriuutigalugu Kalaallit Nunaanni naalakkersuinermik suliallit pissutsit piviusut tunngavigalugit iliuuseqartassasut immaqalu ukiut qulikkaat ingerlaneranni Tusassip Kalaalllit Nunaanni digitalikkut piorsaasimanera unnersiutigalugu.
Digitalikkut ineriartorneq immikkuullarissoq
John Strandip aggustimi 2008-mi Nuummi aaqqissuussineq eqqaamavaa, taamanikkut immap naqqatigut kabilit piareersarneqarmata oqaluttuarami, taakku Kalaallit Nunaannut annertuumik pingaaruteqarumaartut.
– Tassalu uanga allallu immikkut ilisimasallit aaqqissuussinermi tassani oqaluttuarisarput piviusunngorsimasut oqartariaqarpunga. Kalaallit Nunaanni digitalikkut siunissaq oqaluttuaraarput, taamaalilluni kalaallit nunarsuarmi inuit digitalinerpaat ilagalugit, ullumikkut oqarpoq.
– Naalakkersuinermik suliallit tamanna pingaartittariaqarpaat. Nunami Tysklanditut ittumi telefax suli atorneqarpoq, nangilluni oqarpoq.
Qularutiginngilaa Tusass ingerlatsilluartoq, piginnaasalinnik inunnillu tamakkuninnga ilisimasalinnik siulersuisoqarluni.
– Oqallinneq pingaartuuvoq, immaqalu inuit unnersiorsinnaalersissinnaavavut digitalikkut attaveqaasersuutinik immikkuullarissumik atuisinnaagamik. Neriuppungattaaq kimunut oqallinneq suujunnaarsissinnaagipput Tusassip unammillerneqarnissaa pillugu, taannami niuerfimmi ingerlatsivoq pissusissamisoortumik kisermaassiffiusumi. Kisermaassinerlu aamma isumaqarpoq Tusass tamatigut annertuumik akisussaaffeqartoq ineriartornermi siuttuunissaminut sapinngisamillu akit appasissuullutik annertuumillu pitsaassusilimmik ingerlatsilluni.
– Illuatungaatigut inuit akit appartikkusuppatigit taava naalakkersuinermik suliallit aalajangerlugu Tusassip sinneqartoorutai sullitanut utertillugit, aningaasat Namminersorlutik Oqartussanut ingerlatinnagit mittarfinnillu akiliissutiginagit, oqarpoq.
