Ittoqqortoormiini
inuussutissarsiutigalugu piniartut ilaqutaallu maanna oqiliallassinnaanngorput
– sivikitsumik – tassami piniartut ilaqutariit neqitugassaqalerniassammata
Kangerlussuup eqqaani 2024-mi qernertanik pisassiissutit pisarineqanngitsut,
katillugit tallimaasut, 2025-mi pisassiissutinut nuunneqassasut Aalisarnermut,
Piniarnermut, Nunalerinermut Imminut Pilersornermullu Naalakkersuisoq Peter
Borg, Demokraatit, aalajangerpoq.
Aammattaaq
inuussutissarsiutigalugu piniarnermut allagartallit sapaatip-akunnerisa marluk
ingerlaneranni juulip 15-ianniit juulip 31-ata tungaanut umimmaat
amerlanerpaamik marluk pisarisinnaavaat.
Ittoqqortoormiini
inuussutissarsiutigalugu piniartut ilaqutaallu maanna oqiliallassinnaanngorput
– sivikitsumik – tassami piniartut ilaqutariit neqitugassaqalerniassammata
Kangerlussuup eqqaani 2024-mi qernertanik pisassiissutit pisarineqanngitsut,
katillugit tallimaasut, 2025-mi pisassiissutinut nuunneqassasut Aalisarnermut,
Piniarnermut, Nunalerinermut Imminut Pilersornermullu Naalakkersuisoq Peter
Borg, Demokraatit, aalajangerpoq.
Aammattaaq
inuussutissarsiutigalugu piniarnermut allagartallit sapaatip-akunnerisa marluk
ingerlaneranni juulip 15-ianniit juulip 31-ata tungaanut umimmaat
amerlanerpaamik marluk pisarisinnaavaat.
Pisaassiissutit ukiumut
pisassiissutinit tamakkiisunit ilanngaatigineqarput.
Taamaalillutik
Naalakkersuisut politikkikkut KNAPK-p Ittoqqortoormiinilu
immikkoortortaqarfiata immikkut qilalukkanik qernertanik pisassiinissamik
tatisigaluttuinnarnerannut nakkaannarput.
Naalakkersuisut
naapertorlugit ilaqutariit piniartut maannakkut pissutsini
ajornartorsiorfiusuni imminut pilersorsinnaaniassammata Ittoqqortoormiini
inuussutissarsiutigalugu piniartunut immikkut ittumik iliuuseqartoqarpoq.
Tamatuma
saniatigut Peter Borgip Kommuneqarfik Sermersuumi borgmesteri Avaaraq Olsen,
Inuit Ataqatigiit, aaqqiissutissat allat
sivisunerusumillu aaqqiissutissat pillugit allakkatigut attaveqarfigaa,
Naalakkersuisut marlunngornermi tusagassiutitigut nalunaarutaanni allassimavoq.
Avoqqaarigai
Taamatut
iliuuseqartoqaraluartoq Kommuneqarfik Sermersuumi kommunalbestyrelsimut
ilaasortap Mette Pike Barselajsenip Ittoqqortoormiineersup Naalakkersuisut
piniarnermik inuussutissarsiuteqartunut ilungersortunut iliuuserisimasaat
pillugit avoqqaarai.
- Naalakkersuisut
piniartunut ataasiakkaanut qilalukkanik qernertanik tallimanik umimmannillu
marlunnik juulimi pisassiisimanerat soorunami nuannaarutigeqaarput, tamannali
piffissami sivikitsuinnarmi aaqqiissutissaammat pisassiissutit
annikitsuararsuit Ittoqqortoormiini piniarnermik inuussutissarsiuteqarnerup
sivisunerusumik ingerlaannarsinnaaneranut naammanngitsut eqqaamasariaqarparput.
- Ilaqutariit
piniartartut atugaat ilungersunartut Naalakkersuisut qangali nalunngilaat,
taamaakkaluartorli paasinnilernissaannut piffissaq sivisooq ingerlavoq, Mette
Pike Barselajsen oqarpoq.
Taanna
naapertorlugu aaqqiissutissat ilaat tassaavoq qilalukkanik qernertanik,
nunaqavissut naapertorlugit assigiinngitsunik eqimattanik amerlassuseqartunik,
kisitsisoqaraangat Pinngortitaleriffiup piniartunik pitsaanerusumik
suleqateqalernissaa.
Pakatsisoq
Ittoqqortoormiini
piniartut peqatigiiffianni siuttuusup Åge Hammeken Danielsenip piniartut –
piffissami sivikitsumi - piniariaqqissinnaalernerat nuannaarutigaa, taanna
oqarpoq.
- Piniartumut
ataatsimut umimmannik marlunnik pisassiineq ilaqutariinnut piniartartunut
iluaqutaassaaq, qilalukkanilli
qernertanik tallimaannarnik pisassiisoqarnera ilaqutariit piniartartut
ilaannaasa, tamarmiunngitsoq, iluaqutigissammassuk pakatsinarpoq.
- Maajimi
ataasiarluta qilalugarniaratta ukiumut pisassiissutit tamakkerneqareermata
qilalukkanik qernertanik immikkut 20-nik pisassaqaqqinniarluta qinnuteqarpugut,
ajoraluartumilli itigartinneqarpugut, taanna oqarpoq.
Naalakkersuisut
Ittoqqortoormiini pissutsit ilungersunartuunerat nammineq oqarneratut aatsaat
kingusissukkut paasigaat aamma paasiuminaatsippaa.
