Donald
Trump USA-mi præsidentinngornermi kingorna Kalaallit Nunaat suniarneraa,
Kalaallit Nunaatalu pissutsit nutaat sumut atorniarnerai kikkut tamarmik
aperipput.
Siumup
Inatsisartuni nunanut allanut sillimaniarnermullu ataatsimiititaliaani
ilaasortaatitaa Kuno Fencker USA-mik qaninnerusumik suleqateqarnissamik
takorluugaqarpoq, Kalaallit Nunaatalu siunissaanut Danmarkimik USA-millu
suleqatigiinnissamut isumaqatigiissut pitsaanerpaasoq isumaqarpoq.
Donald
Trump USA-mi præsidentinngornermi kingorna Kalaallit Nunaat suniarneraa,
Kalaallit Nunaatalu pissutsit nutaat sumut atorniarnerai kikkut tamarmik
aperipput.
Siumup
Inatsisartuni nunanut allanut sillimaniarnermullu ataatsimiititaliaani
ilaasortaatitaa Kuno Fencker USA-mik qaninnerusumik suleqateqarnissamik
takorluugaqarpoq, Kalaallit Nunaatalu siunissaanut Danmarkimik USA-millu
suleqatigiinnissamut isumaqatigiissut pitsaanerpaasoq isumaqarpoq.
Taassuma
Kalaallit Nunaata nunat pineqartut kiffaanngissuseqarluni suleqatigiinnissamut
isumaqatigiissuteqarfigisinnaassagai, tassani illersornissamut
isumannaallisaanermullu akisussaaffiit aalajangersarneqassasut, tamatumalu
saniatigut pingaarutilinnik aalajangiinerni tamani kalaallit sunniuteqarsinnaanissaat
qulakkeerneqassasoq siunnersuutigaa.
– Taamatut
isumaqatigiissuteqarnermi Danmark USA-lu Kalaallit Nunaata illersorneqarnerani
suli peqataassapput, kisianni kalaallit erfalasuat atorlugu aammalu
kulturitsinnik, oqaatsitsinnik kinaassutsitsinnillu tamakkiisumik
ataqqinnillutik. Aaqqissuussami kalaallit ilisarnaataat, kalaallit
eqqumiitsuliortui kinaassuserput ilisarnaatigineqassapput, sapinngisamillu
kalaallit amerlanerpaat suliassanut aalajangiinernullu
peqataatinneqartassapput. Taamaalilluni illersornissaqarneq avataanit
aaqqissuussinerinnaassanngilaq, kisiannili Kalaallit Nunaata imminut
isigineranut inuiaallu naleqartitaanut atassuteqarluni suliassaassaaq.
Issittumi
pingaarutilik
Kalaallit
Nunaata nunarsuarmi inissisimaffini pingaarutilik pissutigalugu Issittumi
qitiusumik inissisimaffeqarpoq, siunissamilu Kalaallit Nunaata naalagaaffittut
namminersortutut nunat tamalaat peqatigalugit pisinnaatitaaffinnik
namminersortuunermillu illersuillunilu ataqqinnittutut inissisimanissaanik
pilersitsinissamut periarfissaqarluni.
– Kalaallit
Nunaat silatusaartumik periusissiaq atorlugu takorluuiinnarani
piviusunngortitsisinnaavoq, nunarsuarmilu inuiaqatigiittut namminersortutut
nunarsuarmioqatigiinnut immikkut ittumik tapersersuisutut
inissisimalersinnaalluni, Kuno Fencker oqarpoq nangillunilu oqaatigalugu
Kalaallit Nunaata namminiilivinnissamut aqqutaani sapiissuseq
piviusorsiorlunilu pilersaarusiorneq pisariaqartoq.
– Tamatuma
saniatigut suleqatigiinneq nunanilu tamalaani suleqatigiinneq
ammaffigisariaqarpavut, taakkumi pisariaqartitatsinnik tapersersuisinnaapput,
uagut nammineq immikkoornitsinnik akornusersuinata.
Siunnerfeqarluartumik
aningaasaliineq
Namminiilivinnissamut
aqqummi attaveqaatit pisariaqartut ineriartortinnissaat aningaasaqarnikkullu
piginnaaneqarnerulernissaq pingaaruteqarluinnarpoq.
– Peqqinnissaqarfiup,
ilinniartitaanerup, internetsimut attaveqarnerup, angallannerup
piujuartitsisumillu nukissiuutinik pilersuinerup ineriartortinneqarnerannik
tapersersuisinnaasunik suleqateqarnissarput pisariaqartipparput. Tamanna
suliniutinik nutaalianik, soorlu nukissiuutinik ataavartunik aamma
qarasaasianut atortorissaarutinik, Kalaallit Nunaannut patajaatsumik
isertitaqarfiusinnaasunik, periarfissaqalersitsisinnaavoq. Kalaallit Nunaat
Danmarkip USA-llu siunertaqarluartumik aningaasaliinerisigut tunngavissanik
pisariaqartunik pilersitsisinnaavoq, taamaalilluta aningaasaqarnikkut
patajaatsumik inissisimaannarnata aammali teknologiitsinnik inuiaqatigiinnilu
piginnaasaqarnitsinnik ineriartortitsisinnaavugut, taanna naliliivoq.
Aningaasaqarneq
assigiinngisitaartoq
Tamatuma
saniatigut Kalaallit Nunaat nammineerluni aningaasaqarnermik
ineriartortitsissaaq, nunanit allanit aningaasanik
pilersorneqarpallaarunnaarluni, tamannali ilutigalugu nunat tamalaat peqatigalugit
aningaasarsiornermut isumaqatigiissutit atorluarlugit.
– Aatsitassanik
pisuussuteqarnerput inissisimaffippullu pingaarutilik pissutigalugit immikkut
ittumik niuernikkut, pisuussutitsinnik ataqqinnittumik aningaasaqarnermillu
patajaatsumik pilersitsisumik isumaqatigiissuteqarsinnaavugut. Kalaallit Nunaat
USA-mik, EU-mik issittumilu nunanik allanik niuersinnaasariaqarpoq,
taamaalillunilu aningaasaqarneq assigiinngisitaartoq
qulakkeerneqarsinnaallunilu suleqammik ataatsimik pinngitsuuisinnaannginneq
annikillisinneqarsinnaavoq, Kuno Fencker oqarpoq erseqqissarlugulu kalaallit
nunap siunissaa pillugu aalajangiinerni peqataasinnaasariaqartut.
– Naalagaaffiit
annerit suleqatiginerinut kulturitsinnik namminersornitsinnillu
ataqqinningaarneq tunngavigisariaqarparput.
– Kalaallit
Nunaat taamaalilluni nunanut tamalaanut ataatsimoortunut ilanngussinnaalissaaq,
tassani kinaassutsitsinnik attassiinnarlutalu nammineq tunngavitsinni
inuiaqatigiinnik ineriartortitsiinnassaagut. Aaqqiissutissaq
sulissutigissavarput, tassani kalaallit nipaat tusaaneqarlunilu ataqqineqassaaq
– naalagaaffeqatigiinnermut ilaaginnarnani kisianni siunissami
suleqatigiinnermi naligiimmik peqataasutut, Kalaallit Nunaat naalagaaffittut
namminersortuulluni, Kuno Fencker oqarpoq.
Namminiilivinneq
Kalaallit
Nunaata namminiilivinnissaanik takorluugaq anguniagaannaanngilaq;
inuiaqatigiittut kinaassutsimik pilersitsinissamik inuiaqatigiillu kalaallit
naleqartitaannik inuiaallu kalaallit piumasaannik tunngaveqartumik
pilersitsinissamik takorluugaqarneruvoq, taanna isumaqarpoq.
– Namminiilivinniarli
imaannaanngilaq, piviusorsiortumillu pilersaarusiorluartumillu
suleqatigiittoqartariaqarpoq.
– Kalaallit
Nunaat nukittuujullunilu namminersorsinnaasariaqarpoq, silatuunik
suleqateqartariaqarlunilu nunap ineriartorneranik isumannaatsuuneranillu
tapersersuisinnaasunik, inuiaassutsitsinnik navianartorsiortitsinngitsumik,
Kuno Fencker erseqqissaavoq.
