Nalik nutaamik pisortartaartussanngorpoq

Thomas 'Tyt' Mogensenip pisortatut atuuffia 23. juuli isumaqatigiissuteqarnikkut unitsinneqarpoq, 31. januar 2026 aallarnerfigalugulu pisortatut soraavissalluni.

Thomas 'Tyt' Mogensen juulip 23-at aallarnerfigalugu pisortatut atuuffeqarunnaarpoq, januarillu naanerani pisortatut soraavissalluni.

Assi: Nalik Ventures

KASSAALUK KRISTENSEN KASSAALUK KRISTENSEN Digitalimik aaqqissuisoq

Saqqummersinneqarpoq 25. Juuli 2025 - 12:17

Nalik Ventures nutaamik pisortassarsiortussanngorpoq. Suliffeqarfik nalunaarpoq Thomas 'Tyt' Mogensenip pisortatut atuuffia juulip 23-ani isumaqatigiissuteqarnikkut taamaatittoq.

- Thomas ’Tyt’ Mogensen illugiilluni isumaqatigiissuteqarnikkut 23. juli 2025 aallarnerfigalugu Nalik Ventures-mi pisortaanertut atuuffeqarunnaarpoq, taamaasillunilu januar 2026-miit atuutilersumik atorfimminit soraavissalluni, allassimavoq.

Thomas 'Tyt' Mogensen suliffeqarfimmi oktobarip aallaqqaataani 2023-mi pisortanngorpoq, Karsten Høy taarserlugu. Taamaalilluni suliffeqarfimmi ukiuni marlunngulersuni pisortaasimavoq.

Ussassaarut

Nalik Ventures ilisimatitsivoq, CFO Peter Christiansen pisortaagallartussatut inissittoq.