Isumaqatigiissitsiniartartut aatsitassarsioqatigiiffiup Energy Transition Mineralsip/Energy Mineralsip Namminersorlutik Oqartussanut qallunaallu naalagaaffiannut maalaarutaanik suliarinnissinnaaneq pillugu immikkut suliaqarniartut Namminersorlutik Oqartussat ilisimatinneqarsimapput.
Isumaqatigiissitsiniartartut naapertorlugit apeqqut pillugu pingaarnertut ulluni tallimani isumaqatigiinniartoqassaaq. Pingaarnertut isumaqatigiinniarneq qaqugu ingerlanneqassanersoq suli aalajangerneqanngilaq. Sermitsialli paasissutissaatai naapertorlugit maannakkut ingerlatseqatigiiffiup, Namminersorlutik Oqartussat isumaqatigiissitsiniartartullu toqqakkat akornanni oqarasuaatikkut ataatsimiinnissamut piffissamik isumaqatigiinniartoqarpoq.
Isumaqatigiissitsiniartartut aatsitassarsioqatigiiffiup Energy Transition Mineralsip/Energy Mineralsip Namminersorlutik Oqartussanut qallunaallu naalagaaffiannut maalaarutaanik suliarinnissinnaaneq pillugu immikkut suliaqarniartut Namminersorlutik Oqartussat ilisimatinneqarsimapput.
Isumaqatigiissitsiniartartut naapertorlugit apeqqut pillugu pingaarnertut ulluni tallimani isumaqatigiinniartoqassaaq. Pingaarnertut isumaqatigiinniarneq qaqugu ingerlanneqassanersoq suli aalajangerneqanngilaq. Sermitsialli paasissutissaatai naapertorlugit maannakkut ingerlatseqatigiiffiup, Namminersorlutik Oqartussat isumaqatigiissitsiniartartullu toqqakkat akornanni oqarasuaatikkut ataatsimiinnissamut piffissamik isumaqatigiinniartoqarpoq.
Namminersorlutik Oqartussat ajugaasut
Isumaqatigiissitsiniartarfiup suliarinnissinnaaneq pillugu apeqqummik immikkut suliaqarniarluni aalajangersimanera Namminersorlutik Oqartussanut danskillu naalagaaffiannut ajugaanertut isigisariaqarpoq, tassami taakku isumaqatigiissitsiniartarfik suliamik suliarinnissinnaanngimmat suliap unitsinneqartariaqarnera tunngavilersuutigiuarpaat:
”Isumaqatigiissitsiniarnermi suliassaq taanna maannakkut ukiut marluk sinnerlugit ingerlareersimalerpoq, aammalu Isumaqatigiissitsiniarnermut eqqartuussivik suliassap taassuma suliarinissaanut qanorluunniit piginnaatitaasoq isumaqanngitsugut uparuarnissaa, Namminersorlutik Oqartussat tungaanniit aallaqqaataaniillu pingaartinneqarsimavoq. Namminersorlutik Oqartussat naalagaaffiullu naliliinerat suli tassaavoq, suliassaq itigartinneqassasoq”, Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naaja H. Nathanielsen tusagassiutitigut nalunaarummi allappoq.
Eqqartuussisunut suliassanngortitsineq
Isumaqatigiissitsiniarnermi aalajangiinerup saniatigut Energy Transition Minerals / Greenland Minerals Danmarkimi Klima-, Energi- og Forsyningsministeria, Naalakkersuisut, Inatsisartut naalakkersuisoqarfiillu arlallit eqqartuussisunut suliassanngortippai.
Eqqartuussisunut suliassanngortitsinermi Energy Transition Minerals/Greenland Minerals Kujataani piiaanissamut akuersissummik pissarsinissamut eqqartuussivikkut piumasaqarsinnaallutik oqarput. Kujataani piiaanissamut akuersissummut atatillugu uranimut inatsit atuukkunnaartoq. Naalakkersuisut piiaanissamut akuersissummik qinnuteqaateqarsimanerminni itigartitsinerat atuukkunnaartoq, aamma piiaanissamut akuersissummik tunineqanngikkunik taarsiiffigitinnissamut piumasaqarsinnaallutik oqarput.
