KL

DK

Napaartoq aallarnisaasunut sullivittaarnissamik takorluugaqartoq

Kalaallit Nunaannit aallarnisaasut ilippanaateqarluarput, aallarnisaasoq misilittagaqarluartoq isumaqarpoq.

Sassuma Sea Salt, Napaartoq Petrussenip 2017-imi pilersitaa ingerlalluarpoq, unammillernartorpassuaqareerlunili siornaak matuvoq.
Jesper Hansen freelance journalist
Saqqummersinneqarpoq

Aallarnisaasoq Napaartoq Petrussen inuiaqatigiit qanoq aallarnisaasunut tapersersuisinnaanersut isumassarsiarpassuaqarpoq, aallarnisaasulli qineqqusaarnissami illuatungeriinniit tatisimaneqarnissaat aarlerissutigaa.

Napaartoq Petrussenip Sakkut aallarnisaasunut sullivittaarnissaq ukioq ilivitsoq sulissutigereerpaa.

Aallarnisaasoq Napaartoq Petrussen inuiaqatigiit qanoq aallarnisaasunut tapersersuisinnaanersut isumassarsiarpassuaqarpoq, aallarnisaasulli qineqqusaarnissami illuatungeriinniit tatisimaneqarnissaat aarlerissutigaa.

Napaartoq Petrussenip Sakkut aallarnisaasunut sullivittaarnissaq ukioq ilivitsoq sulissutigereerpaa.

Nuummi Qaqortumilu aallarnisaasunut nerisassiorluni misileraavittalimmik ukioq manna – 2026-milu Sisimiuni aamma Tasiilami - sullivittaarnissaq - pilersaarutaagaluarpoq.

PIlersaarulli taanna 2025-mi ukiullu tulliani aningaasaqarnermut inatsimmi ilaannginnami iluatsinngitsoorpasilerpoq. Tamanna Napaartoq Petrussenip pakatsissutigaa.

- Aningaasaqarnermut inatsit ukiaq isumaqatigiissutigineqarmat 5 millionit koruunit aallarnisaasunut, matumani aallarnisaasut illussaannut, 2025-mi 2026-milu immikkoortinneqarlutillu 3 millionit koruunit 2027-mi immikkoortinneqarput, taakkuli uagut suliniutitsinnut atugassiassatut aalajangerneqanngillat.

- Piviusunngunngitsoornissaa aarlerisinnaavara. Annertuunimmi eqqartugassaqarluni qineqqusaartoqalerpoq. Qineqqusaarnerup nalaani aallarnisaaneq ajornarsissasoq misilittakkat tamarmik takutippaat.

Inuussutissarsiutinut siuarsaariaatsit arlallit

Kalaallit Nunaat inuussutissarsiutinut arlalinnik siuarsaariaaseqassasoq Napaartoq Petrussen isumaqarpoq.

- Nalik Ventures saaffigineqarsinnaavoq, taakkuli saniatigut aamma tapersersuisoqassaaq. Inuussutissarsiutinik siuarsaanermut aningaasat tamarmik Nalik Venturesimut tutsinneqarunik ingerlariaqqissanngitsut aarleraara – taakkulu uagut aalajangersimasunik aallarnisaasuusugut iluaqutiginavianngilagut.

- Tapersiineq erseqqillunilu tigussaasuussasoq uagutsinnut aallarnisaasunut pingaaruteqarpoq. Taamaammat inuussutissarsiutinik arlalinnik periuseqarluni siuarsaariaaseq pingaaruteqarpoq – siullertullu aallarnisaasut nammineerlutik aaqqiissummut ilaassapput, Napaartoq Petrussen nassuiaavoq.

Aallarnisaasut peqataanerat Sakkut aallarnisaasunut sullivianni pingaarutilittut inissisimavoq. Sullivik containerit aallarnisaasut attartorsinnaasaat arlallit atorlugit pilersinneqassaaq – tassanilu isumassarsiatik misilerarsinnaallugillu aallarnisaasunik allanik isumassarsiorfeqarsinnaapput.

- Avatangiisit suliffeqarfiit aallarterlaat siuariartorfigisinnaasaat pilersissavagut. Aallarnisaasunut sulliviit aallarnisaasunut katersuuffiupput, tamannalu suleqatigiinnissamut, ilisimasanik avitseqatigiinnissamut attaveqatigiinnissamullu, suliffeqarfiup siuariartornissaanut pingaarutilimmut, periarfissanik pilersitsissaaq, Naapartoq Petrussen nassuiaavoq.

Nerisassiornermi misileraavik

Nerisassiornermi misileraavik immikkut ilaatinneqarpoq.

- Kalaalerpassuit aallarnisaasut inuussutissiornermik suliaqarput – tassanilu iggavik igaffissuit assigalugit. Atortulersugaasoq, aallarnisaasut eqqiluisaarnermut piumasaqaatit tamaasa naapertorlugit tunisassioriaatsillu nutaaliaasut atorlugit tunisassiaminnik pilersitsiffigisinnaasaat, pingaaruteqarpoq.

- Ilisimatusarfimmi uumassusilerinermut ilinniakkami nutaami nerisassiornermi misileraavik aamma iluaqutaasinnaasoq takorloorsinnaavara, Naapaartoq Petrussen oqarpoq.

Aallarnisaasoq misilittagaqarluartoq

Napaartoq Petrussenip suliffeqarfik Sassuma Sea Salt 2017-imi Nuummi pilerseerluugu aallarnisaasutut ukiorpassuarni misilittagaqarpoq. Tassani Nuup Kangerluata imaanik aalartitsilluni tarajuliortarami ingerlalluarpoq.

- Tarajuliakka kikkut tamarmik piumavaat – pisisussanillu amigaateqanngilanga. Pisiniarfeqarfiit takornarilerisullu tunisassiakka tuniniarniarlugit tulleriiaaginnavipput. Avammut tuniniaasalerniassagama tunisassiornerma annertusinissaa aamma takorloorpara, oqaluttuarpoq.

Tamannali ajoraluartumik pilersaarutit malillugit pinngilaq. Napaartoq Petrussen suliffeqarfimmini Nuummi ikuallaaviup eqqaani containeriniittumi, ajornartorsiulerpoq. Utaqqiisaasumik tassaniippunga, ikuallaavittaassarli sanaartorneqalermat allamut nuuttariaqalerpunga.

- Tamanna akissaqartinngilara, taamaammat 2023-ip naanerani tunniutiinnarlunga Sassuma Sea Salt matuara, aallarnisaasoq, ullumikkut qarasaasialerisuni sulisoq, oqaluttuarpoq.

- Misilittagaqarlualerpungali – taamaammallu Sakkut aallarnisaasunut sullivik isumassarsiaraara.

- Kalaallit Nunaanni aallarnisaasut ilippanaateqangaatsiarput, pisuussutinilli attaveqarfissanillu killilimmik atuisinnaagamik unammillernartoqarput. Taamaammat Sakkut aallarnisaasunut sullivissaat aallartittariaqarparput, Napaartoq Petrussen isumaqarpoq.

Taanna Nuummi aallarnisaasunut sullivissaq pillugu suliniutissatut siunnersuuteqarpoq, tassani containerit 40 fodsit 21-it containerillu 20 fodsit qulingiluat katillugit 744 kvadratmeterinik initussuseqartut atorneqassapput. Aningaasat 3.045.000 koruunit atorlugit pilersinneqarsinnaavoq. Aallarnisaasunut sullivissaq ilaatigut naatitanik inuussutissanillu tunisassiorfeqarlunilu pinnersaasiorfeqassaaq. Ingerlatsinermut aningaasartuutit sulisut ilanngullugit ukiumut 2.321.600 koruuniussangatinneqarput.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

sakkut napaartoq petrussen kalaallit nunaat inuussutissarsiutit aningaasaqarnermut inatsit aallarnisaasut

ATORFIIT Se alle jobs

Powered by Labrador CMS