- Nuummi mittarfissaq nutaaq atulerpat Naviairip Kalaallit
Nunaanni sulineranut sunniuteqangaarnissaa naatsorsuutiginngilarput – nunap
iluani angallannerup allanngornissaa eqqaassanngikkaanni.
Hans-Lars Pedersen, Naviairip Kalaallit Nunaanni
immikkoortortaqarfiani timmisartuussinermut aqutsisoq ingerlatsinermullu
immikkut ilisimasalik taama naliliivoq. Naviair Nuummi Flight Information
Centre aqqutigalugu Kalaallit Nunaanni 6 kilometerit ataallugit qutsitsigisumi
timmisartuussinermut akisussaasuuvoq, tamatumalu saniatigut Kalaallit Nunaanni
timmisartoq ajutuussappat sulinermik ataqatigiissaarisussaalluni. Naviair
Danmarkimi Savalimmiunilu timmisartuussinermut aamma akisussaasuuvoq.
- Nuummi mittarfissaq nutaaq atulerpat Naviairip Kalaallit
Nunaanni sulineranut sunniuteqangaarnissaa naatsorsuutiginngilarput – nunap
iluani angallannerup allanngornissaa eqqaassanngikkaanni.
Hans-Lars Pedersen, Naviairip Kalaallit Nunaanni
immikkoortortaqarfiani timmisartuussinermut aqutsisoq ingerlatsinermullu
immikkut ilisimasalik taama naliliivoq. Naviair Nuummi Flight Information
Centre aqqutigalugu Kalaallit Nunaanni 6 kilometerit ataallugit qutsitsigisumi
timmisartuussinermut akisussaasuuvoq, tamatumalu saniatigut Kalaallit Nunaanni
timmisartoq ajutuussappat sulinermik ataqatigiissaarisussaalluni. Naviair
Danmarkimi Savalimmiunilu timmisartuussinermut aamma akisussaasuuvoq.
- Mittarfissap ammarnissaanut atatillugu Greenland Airports
qanimut suleqatigisimavarput, naliliiffiginiarlugu mittarfik pingaartumik nunap
iluani angallannermut qanoq sunniuteqassanersoq. Mittarfissarli
suliarisartakkatsinnut toqqaannartumik allannguinavianngilaq. Sulineq
"nalinginnaasumik ingerlaannassaaq".
NAALISAANERPASSUIT
AFIS: Aerodrome Flight Information Service. AFIS-imik
ingerlatsisut Kalaallit Nunaanni mittarfinni napasuliani issiapput
timmisartullu tikittussat aallartullu timmisartut allat sumiinnerannik silallu
qanoq inneranik paasissutissanik tuniorartarlugit.
FIC: Flight Information Service. Timmisartut pillugit
paasissutissiisarneq. FIC-imi sulisut Timmisartut pillugit paasissutissiivimmi,
Issittumi Sakkutooqarfiup Nuummiittup eqqaaniittumi, sulipput. FIC-imi sulisut
timmisartunut paasissutissiisarput timmisartut allat silallu qanoq innera
pillugu. Tamatuma saniatigut ilaatigut qulimiguulimmik nunamut mittoqarnersoq
nakkutigisarpaat, timmisartorlu isumaqatigiissutit malillugit
nalunaarsimanngippat kalerrisaarisuusarlutik. FIC aamma timmisartunut
annaassiniarnermut ujaasinermullu upalungaarsimanermut akisussaavoq.
Timmisartunik annaassiniarnermut upalungaarsimaneq Issittumi Sakkutooqarfik
Kalaallit Nunaannilu Politiit qanimut suleqatigalugit ingerlanneqartarpoq.
ATM: Air Traffic Management. Timmisartornermik aqutsineq
(ATM) timmisartunik silaannarmi isumannaatsumik sunniuteqarluartumillu
aqutsinermut tunngassuteqarpoq, ilaatigut ATS-it atorlugit.
ATS: Air Traffic Service – timmisartunik angallassinermik
sullissivik. Timmisartut apunnginnissaat anguniarneqartarpoq
timmisartuussinerillu isumannaatsuunissaat pitsaasuunissaallu
qulakkeerniarneqartarlutik. Tamanna anguneqartarpoq timmisartunik nakkutilliinermi
imaluunniit timmisartunut paasissutissiinermi kiffartuussinermilu. Tamatuma
saniatigut timmisartunik ajornartorsiortoqalernersoq nakkutilliisarput,
timmisartullu ajunaalernermi annaassiniarnermik pisariaqartitsilissanersut
nakkutilliivigisarlugit. Taamaattoqartillugu kalerrisaarisuusarput.
Ulloq unnuarlu nakkutilliisut
Timmisartut Kalaallit Nunaannut mittut nunatsinniilluunniit
aallartut – imaluunniit nunatta silaannartaani atsissumi ingerlaartut –
Naviairimi Nuummiittumi nalunaarsorneqartarput. Tassani ukioq kaajallallugu,
ulloq unnuarlu sulisut timmisartuussinerit tamaasa isumannaatsooqqullugit
nakkutigisarpaat. Tamatumunnga ilaavoq Kalaallit Nunaanni mittarfinni AFIS-imik
ingerlatsisut qanimut attaveqarfiginissaat, aamma timmisartut
timmisartuutileqatigiiffiillu sumiiffimmi ingerlasut qanimut
attaveqarfiginissaat.
- Taamaattumik Nuummi mittarfik allannguuterpassuaqanngilaq.
Timmisartortartut ingerlaarnissaat isumagisarpavut timmisartullu ingerlaarfii
ataqatigiissartarlugit. Peqataajuarpugut allannguutissanullu piareersimalluta,
Hans-Lars Pedersen oqarpoq.
Greenland Airports aamma Naviair, Kalaallit Nunaanni timmisartuussinermik ingerlatsisoq, qanimut suleqatigiipput.
Assiliisoq: Leiff Josefsen
- Siullermik nuannaarutigaarput Kalaallit Nunaanni
timmisartuussinerit annertusinissaat, taamaalilluni nunarsuaq Kalaallit
Nunaannut qaninnerulerlunilu Kalaallit Nunaat nunarsuarmut qaninnerulissammat.
Taanna nunatta immikkoortortaqarfiani pisortamit
tapersersorneqarpoq.
- Naviairimi ukiorpassuarni Mittarfeqarfeqarfiit/Greenland
Airportsimik suleqateqarnerput nuannaarutigaarput, maannalu Nuup Mittarfiata
nutaap novembarip 28-ani 2024-mi ammarneqarnerani suleqatigiinnerput
ingerlanneqaannassaaq. Ulloq taanna qilanaarisimavarput mittarfiillu nutaat
Kalaallit Nunaannut kivitsinissaat qilanaareqaarput, ingerlatsinermut pisortaq
Anna Eva Villefrance oqarpoq, taannalu Naviairimi Greenland ATS-imut
akisussaavoq.
- Timmisartuussinerit pitsaasumik isumannaatsumillu
ingerlanneqarnissaat qulakkeerniarlugu timmisartuussinerillu pisariaqartitanut
nutaanut naleqqussarniarlugit aqqutit aaqqissuussaanerata allanngortinnissaat
aamma qilanaaraarput. Tamanna pisariaqartinneqarput silaannarmi aqqutinik
atuisut Greenland Airportsilu qanimut suleqatigalugit suliarineqassaaq.
Ilinniartitaaneq suleqatigiiffigaat
Naviair aamma Greenland Airports/Mittarfeqarfiit
ukiorpassuarni qanimut suleqatigiipput. Ilaatigut Mittarfeqarfiit
AFIS-operatørinik aamma Naviairimi FIC-operatørinik ilinniartitsinerini
suleqatigiittoqarpoq.
- Ilinniarfinni taakkunani marlunni tunngaviusumik
ilinniarneq qaammatini sisamani sivisussuseqarpoq, Hans-Lars Pedersen, nammineq
taama ilinniagaqarsimasoq, oqaluttuarpoq.
Hans-Lars Pedersen Nuummi inunngorpoq, Uummannamilu
peroriartorluni. AFIS-operatøritut ilinniakkani naammassigamiuk Kalaallit
Nunaanni mittarfinni assigiinngitsuni atorfeqartarsimavoq, kingornalu
Danmarkimi Københavnimi Naviairimi timmisartumik aqutsisutut ilinniarsimalluni.
Ullumikkut Naviairip Københavnimi Kalaallit Nunaannut
immikkoortortaqarfiani sulivoq, tassanilu ATM-itut, tassa ineriartortitsineq
aamma timmisartut angallassinermi atortorissaarutinut akisussaasuulluni.
