Aalisakkanik qalerualinnillu qaqerlaanik nassiussineq
akisullunilu piffissartornarpoq, nipisallu suaannik nappartani 60 liiterinik
120 liiterinillu imartutigisuniittunik Nuummi mittarfimmiit
nassiussisoqarsinnaanngilaq, Nutaaq Seafoodimi pisortaq Mads Petersen,
aalisakkanik qaqerlanik nunatsinni mittarfinniit nunani allani
akitsorterivinnut toqqaannartumik nassiussisinnaanissamik suliniuteqartoq,
oqarpoq.
– Aaliskkanik qalerualinnillu qaqerlaanik timmisartukkut
nassiussisalerattali mittarfimmi Nuummiittumi scannerinik iluameersunik
atortoqannginnera ajornartorsiutaavoq, Mads Petersen oqarpoq.
Aalisakkanik qalerualinnillu qaqerlaanik nassiussineq
akisullunilu piffissartornarpoq, nipisallu suaannik nappartani 60 liiterinik
120 liiterinillu imartutigisuniittunik Nuummi mittarfimmiit
nassiussisoqarsinnaanngilaq, Nutaaq Seafoodimi pisortaq Mads Petersen,
aalisakkanik qaqerlanik nunatsinni mittarfinniit nunani allani
akitsorterivinnut toqqaannartumik nassiussisinnaanissamik suliniuteqartoq,
oqarpoq.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
– Aaliskkanik qalerualinnillu qaqerlaanik timmisartukkut
nassiussisalerattali mittarfimmi Nuummiittumi scannerinik iluameersunik
atortoqannginnera ajornartorsiutaavoq, Mads Petersen oqarpoq.
Mads Petersenip oqarneratuut karsit nalinginnaasut nassiunnissaat
ajornartorsiutaanngilaq, scannerili nassiussanut atugassiaanngimmat annertuunik
nassiussineq ajornartorsiutaavoq. Tassani scanneri saviminermik malussajasoq
amigaataavoq.
Greenland Airports:
Ataqatigiissumik ineriartortitsisoqassaaq
Greenland Airportsimiit mittarfinni scannerit
saviminernik malussarsinnaasunik ujartuinermut akissuteqarput, avammut
niuertunik oqaloqateqarnermikkut pitsanngorsaallutik, aamma aalisakkat nutaat
scannerneqartarnerinut akitsuut appartinneqarsimammata.
-Avammut niuertut isumaqatigiipput,
periarfissaqarluartoq, aammali ineriartorneq ataqatigiissumik pisariaqartoq,
timmisartumillu avammut niuerneq qitiusumik sammineqarpoq, Greenland
Airportsimi attaveqatigiinnermi pisortaq Mikkel Bjarnø Lund Sermitsiamut
oqarpoq.
Greenland
Airportsimiilli scannerutinut nutaanut aningaasaliinissamut uatseerallarpoq.
-Atortorissaarutit pineqartut
aningaasaliissutinik annertuunik pisariaqartitsipput, taamaattumik
qularnaatsumik naatsorsuutigineqartariaqarput avammut nassiussat
aningaasaliissutinut matussusiisinnaanissaat. peqataasut akornanni
niuerpalaartumik ingerlatsisoqartariaqarpoq, ataqatigiissumillu
ineriartortitsisoqartariaqarluni inerisaasoqassaaq, attaveqatigiinnermi
pisortaq oqarpoq nassuiaallunilu aalisakkat nutaat avammut nassiunneqartussat
scannerneqartarnerinut aki appartinneqarsimasoq.
-Aki kiilumut 2 koruuninut appartinneqarpoq
naatsorsuutigineqarluni avammut nassiuttakkat ukiuni aggersuni
annertunerulernissaat. Ataavartumik nalilersuisarpugut pisariaqartinneqartunik,
qulakkeerlugulu atortorissaarutit piginnaasallu timmisartuussinermi
sillimaniarnermut piumasaqaatinut naapertuuttuunissaat.
Nipisat suaat qaqerlaat karsinut flamingonut poorlugit
nassiunneqarsinnaapput, nappartanilli, aalisartut aalisarnerminni
atortagaannik, nassiussineq ajornavippoq, Mads Petersen nassuiaavoq.
– Greenland Airportsip scanneriisa nassiussanut
annernut, soorlu nappartanut 60 liiterinut 120 liiterinulluunniit nipisat
suaannik imalinnut, atorsinnaannginnerat ajornartorsiutaavoq. Tassami nappartat
taakku aalisartut nipisanniaraangamik atortarpaat, Mads Petersen oqarpoq
Timmisartukkut
nassiussineq akisullunilu piffissartornarpoq
– Taamaalilluni nipisat suaat tunisassiorfimmi
suliat karsinut flamingonut poortorsimagunik timmisartumik
nassiunneqarsinnaapput, Mads Petersen oqarpoq.
Billundimi Jyllandimiittumi Vagarimilu
Savalimmiuniittumi saviminermik mallussajasunik, nassiussanik annernik
palitsiniittunik ajornaquteqanngitsumik scannerisinnaasunik scannereqarput,
scannerimullu akileraarut Nuummi akileraarutigineqartartumiit annikinneruvoq.
– Savalimmiuni nassiussat kilogaangata
scannerinermut 0,50 øremik akiliisitsisarput, illuatungaanilli Nuummi 2
koruuniuvoq, Mads Petersen oqarpoq.
– Taamaammat karsit ataasiakkaarlugit
scannerneqartussaammata aalisakkanik qalerualinnillu qaqerlaanik timmisartukkut
nassiussineq akisullunilu piffissartornarpoq. Tamatuma saniatigut karsit
ataasiakkaarlugit scannerneqartarmata nassiussagut suliakkersuutaallutillu
sivisunerusumik suliarineqaratarsinnaapput. Karsi suliarineqarnermini
nakkaaneqarpat uagut annaasaqartuussaagut, uagullu aalisakkanik, qalerualinnik
nipisallu suaannik qaqerlaanik pisisunut apuukkuni pitsaanerpaasussaasunik
timmisartukkut avammut nassiussisarnerup siuarsarnissaanik suliniuteqarpugut,
Mads Petersen oqarpoq.
Billundimi Jyllandimiittumi Vagarimilu Savalimmiuniittumi saviminermik mallussajasunik, nassiussanik annernik palitsiniittunik ajornaquteqanngitsumik scannerisinnaasunik scannereqarput, scannerimullu akileraarut Nuummi akileraarutigineqartartumiit annikinneruvoq, Mads Petersen erseqqissaavoq
Privat
Qaleruallit
nutaarsunnitsut nittarsaanneqarput
Saattuat nunatta imartaaneersut akitsorterivinni
Danmarkimiittuni akitsorterunneqartarnerat aamma nutaajuvoq.
– Qaleruallit nunatta imartaaneersut
qerisuusarneri pisisartut sungiusimavaat. Taamaammat qaleruallit
nutaarsunnitsut soorlu saattuat nittarsaannissaat uagut suliaraarput.
Pisisartut qalerualinnik passussinissaq nerisassiornissarlu ilikkassavaat, Mads
Petersen, tamanna aalisakkanut qaqerlaanut atuuttoq nassuiaasoq, oqarpoq.
– Tunisassiaq nutaaq pisisartunut nunani
allaniittunut nittarsaanniarlugu ulapinnikuuvugut. Suliamilu pineqartumi Nuummi
Ilulissanilu saviminermik malussajasumik
nassiussanik annertuunik misissuisinnaasumik scannereqartuuppat aalisakkat
timmisartukkut ajornannginnerusumik avammut nassiunneqarsinnaassagaluarput,
Mads Petersen oqarpoq.
