Annonse

Nuuk Vintage instagramimi

Ujalussiamit, meqqutinut, attatinut, singissartunut, annoraaminernut atisanullu Nuuk Vintagemi tuniniarneqartut tamarmik atoqqitaapput. – Piujuartitsineq annertuumik pingaartipparput, Sheila Sariboga oqarpoq

Sheila Sariboga annoraaminernik pitsaasunik soorlu nerriviup qaliineersunik allalersukkanik naqillugilluunniit allalersukkanik toqqorsivimminiittuuteqarpoq. Assiliisoq Oline Inuusuttoq Olsen

Nuuk Vintage aallaqqaammut Instagramikkut atisanik tuniniaarusuppoq. Assiliisoq: Oline Inuusuttoq Olsen

Ujalussianit, meqqutinut, singissartunut annoraaminernullu atoqqitat Nuuk Vintagemi pingaartinneqarput. Assiliisoq Oline Inuusuttoq Olsen

Oline Inuusuttoq Olsen

Offentliggjort søndag 22. dec 2024 16:21

Ceresvejimi Sheila Saribogap atisanut atoqqitanut, Instagramimi quppernermi ”Nuuk Vintage”-mi tuniniarneqartussanut showroomia sannavialu inissisimavoq, tassungalu pisissussat atisanik pisinissamik soqutiginnikkunik, showroomimulluunnit aqqusaarlutik atisanik atoqqitanik piserusukkunik DM-inik (allakkanik, aaqqiss.) nassiussisinnaapput.

Nuuk Vintagemi Nuummi innuttaasut atisanik atornikunik pitsaasunik pisisinnaanerannut periarfissikkusuppagut.

Annonse

Nuuk Vintagemi Nuummi innuttaasut atisanik atornikunik pitsaasunik pisisinnaanerannut periarfissikkusuppagut.

-Pisiniarfimmik eqqissilluni ilerasuuteqarnani pisiniarsuataarfiusinnaasumik amigaateqarpugut. Maani akilernerlutanik atugarliorlutik mingutsitsiffioqisumi mersortoqanngilagut

– atisat pikkunartut nutaanik pisinermisulli misigititsisartut kisiisa pigaagut. Ilerasuuteqarnani iliorsinnaaneq annertusarusuppara, tunisassiornermilu sukkassuseq atuinerujussuarlu annikillisikkusullugit, Sheila Sariboga oqarpoq, nangillunilu Nuuk Vintagemi atisat atornikut pitsaasut, atisat qanganitsat atisallu taskillu atoqqitanik atuilluni sanaat tuniniarneqartassasut oqaatigaa.

Pisiniarfik piujuartitsinermik toqqammaveqartoq

Pisiniarfimmi piujuartitsineq annertuumik pingaartinneqarpoq.

– Pisiniarfimmik piujuartitsisumik, nutaanik sananissami nutaanik pisinissamik pisariaqartitsiviunngitsumik pilersitserusuppunga. Soorlu una vesti atugara, denimimik atornikumik sanaajuvoq. Ilaqutariinnguunerpullu eqqarsaatigalugu aamma piujuartitsisuuvoq. Ilaquttat tunulliutinngikkaluarlugit namminersortutut aallarnisaasuusoqarsinnaanera takutikkusuppara.

- Imaassinnaagaluarpoq ukiumi siullermi aningaasarpassuarnik kaaviiaartitsinngitsunga, ilaquttannullu ikinngutinnullu piffissaqassaanga. Tamanna aamma uannut piujuartitsineruvoq. Pikkunartorpassuit saniatigut pisiniarfinnguara annertusassavara. Kjolit uinequtinit atornikunit sanaat, ilupaalluunniit nerriviup qalianik allapalaalersukkamit kusanartumit mersukkat

– tassani atisat isumassarsialluunniit pinngortut kisimik apeqqutaapput. Vintageussappulli, atoqqitat ingerlateqqitallu, Sheila Sariboga oqarpoq.

– Assigiinngitsut soorlu jakkit dunjakkilluunniit atorlugit aamma taskiliorusuppunga, Sheila Sariboga oqarpoq, taassumalu atisat Instagramimut Facebookimiluunniit quppernermut sapaatip akunneranut ataasiarluni ivertittassavai, tassani qanoq sukkatigisumik tunineqarneri apeqqutaatillugit.

Mersortarfeeraq

Sheila Saribogap sannavinni pequtinik atornikuinnarnik pisatsersorpaa, nerriviullu qaavaniippoq mersorfik atisanik iluarsaasivigisagaa atornikulluunniit atorlugit nutaanik sannavigisagaa.

– Slow fashion utaqqisinnaanermik pisariaqartitsiviuvoq, aammali atortussiassannut inissaq annertooq pisariaqarpoq. Qinigassaqassaaq, annoraaminerpassuillu torsuusamiipput. Arlaanni annoraamernit suliannut naleqqutilissapput, taamaammallu ilitsivigisinnaasannik inissamik pisariaqartitsivunga, najoruminartuussaarli aamma, Sheila Sariboga oqarpoq, taassumalu aamma pisisartuni atisanik pisiaannik iluarsaassiffigerusuppai.

Mersortarfeeqqamini ujalussianik singissartunillu Facebookimi Marketplacemi ilisarisimasaminilluunniit pisiaminik mersortassaaq.

– Tamannalu tassaavoq slow motion, soorlu qanga taamaattartut. Assersuutigalugulu singissartumik ujalussiamilluunniit amigaateqaruma, atortussat eqqortut takkunnissaannut utaqqeqqaartariaqassaanga.

Suut tamarmik sukkanerpaamik ingerlasariaqannginnerat sungiussassaagunarpoq, atisat pilerigisat maannarpiaq pissarsiarineqartariaqanngillat.

-Pisiortornerujussuaq nutaalerinerujussuarlu kigaallatsikkusuppakka, Sheila Sariboga oqarpoq, atisaatinilu errorneqarsimallutillu tipigissuusut pappiaqqanullu annoraaminermulluunniit atoqqitamut poortorneqarlutik, pisiniarfiliartaatini nammineq annoraaminernik atornikunik sanaaminut ikillugit tunniunneqartartut nassuiaatigaa.

Amerlasoorsuakkaanik atisaliornermut akerliuneq

Nunarsuarmi atisat kinguaariinnut arfineq marlunnut naammattut nunarsuarmi sananeqartartut, misissuinerit takutippaat. Sheila Saribogallu taamaaliortarnerup qimanneqarnissaa angorusuppaa.

Atisat sananeqartut ilaat amerlasoorujussuit atoqqinneqarnatik, akikitsunngorlugilluunniit tunineqarnatik ikuallaannarneqartarput.

- Atisammi ikuallanngikkunikkit niuernermik ingerlatsinipalaartik aserussavaat, taamaammallu ikuallattariaqartarpaat, tamannalu sianilluannginneruvoq annertooq, taamaaliortarput naak taakkunannga sananerminni pinngortitap pisuussutaanik annertuunik atuisaraluarlutik, Sheila Sariboga oqarpoq, Røde Korsilu suleqatigalugu taamaaliornermigullu taakku atornikuerniarfiannik unammillernani nassuiaavoq.

– Fast fashion, Temup Sheinillu sanaartorfiata annikillisinnissaa tamatta soqutigisaraarput, atisatsinnimi akuutissat navianartut atorneqartarput. Røde Kors suleqatigaarput assigiimmillu anguniagaqarpugut. Atisat nuimanerusut immikkuullarissut uanga tuniniartarpakka, taamaaliornermilu iserluni eqqissivilluni niuerniartoqarsinnaavoq. Atisaarniarfiit fast fashionimik tuniniaasut unammillerusunneruakka. Immaqalu ullut arlaanni pisiniarfimmik vintagevimmik ammaasinnaassagunarpunga, Sheila Sariboga oqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

Pisigit

Sermitsiaq - E-aviisi

Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

AG - Atuagagdliutit E-aviisi

Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq.gl-mi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

Sermitsiaq.AG+

Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik iserfigisinnaalissavatit
Arnanut e-magasinatut atuarsinnaalissavat
Nutserisoq.gl atorsinnaanngussavat
Soqutiginnikkuit abonnement@sermitsiaq.gl-imut allagaqarsinnaavutit

Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.