Assassorlutik sulisartut
suliffeqarfiutillillu maskiinaasa Qaqortumi mittarfimmik
suliaqarnermik aappaagumut naammassinnittussat naleqquttumik
Nuupilummut 8,3 kilometerinik kippasinnerusumut nuussinnaapput,
tamaani danskit naalagaaffiata karsiata immami itisuumi
umiarsualivissap sananeqarnissaa akilertussaammagu.
Nuupilummit
umiarsualivimmut pilersaarutit Narsarsuarmik taarsiisussatut
Qaqortumi mittarfik pillugu pilersaarutit siulliit peqatigalugit
pinngorput.
Assassorlutik sulisartut
suliffeqarfiutillillu maskiinaasa Qaqortumi mittarfimmik
suliaqarnermik aappaagumut naammassinnittussat naleqquttumik
Nuupilummut 8,3 kilometerinik kippasinnerusumut nuussinnaapput,
tamaani danskit naalagaaffiata karsiata immami itisuumi
umiarsualivissap sananeqarnissaa akilertussaammagu.
Nuupilummit
umiarsualivimmut pilersaarutit Narsarsuarmik taarsiisussatut
Qaqortumi mittarfik pillugu pilersaarutit siulliit peqatigalugit
pinngorput.
Utaqqiisaa umiarsualivik alliartorsimavoq,
paarlattuanilli Nuupiluup Narsallu akornanni angallavissaq
taamaaginnarpoq: 20 kilometerit, assigalugit sømilit aqqanillit.
Ukiuni
21-ni pilersaarusiornerit
Qaqortup
Narsallu akornanni ikaartaatinut umiarsualivittut Mittarfeqarfiit
Nuupiluk siullertut 2004-mi toqqagaraat.
Angallat ilaasartaat ilaasunut 36-nut inissalik Mittarfeqarfiit
inassutigaa, taannalu Narsami umiarsualivimmik tamaaneereersumik
atuissaaq, Qaqortumili Nuupilummit mittarfimmut, tassanngaanniillu
Qaqortumut bussertoqartassalluni.
Angallannermut
Ataatsimiititaliap (Transportkommissionip) Kujataani
attaveqaasersuutit pillugit nassuiaat 2010-mi saqqummersippaa,
taassumalu ilaasunut aqqaneq-marlunnut tamarmik immikkut inissalinnut
angallatit ilaasartaatit mikinerit marluk inassutigai. Allannguut
sanaartornissamut aningaasartuutinik ikinnerusunik, sukkanerusumillu
angalasarsinnaanermik nassataqarpoq.
Transportkommissionip
isumaliutissiissutaa 2011-mi saqqummerpoq, taassumalu ukiup siulianit
angallatinik mikinerusunik inassuteqarneq attappaa.
Ataatsimiititaliap Narsap Qaqortullu akornanni
angallatikkut/aqqusinikkut attaveqaammik akulerussineq ima
akilersinnaatigissasoraa Qaqortumi mittarfiliornermut sanilliullugu
sananeqartariaqartillugu. (Maannakkut tamanna imminnut
ilasaqartitsinikkut pivoq).
2017-2027-mut
umiarsualivinnut immikkoortortamut pilersaarut 2017-imi
Naalakkersuisut saqqummersippaat, taassumalu Narsap Qaqortullu
akornanni umiarsuartigut iluarsiissut pillugu Kommune Kujalliup
kissaatigisaa eqqaavaa. Piffissamut ungasissumut ”ingerlatsivimmut
pisariunngitsumut” periarfissanik misissuinermik
aallartisaasoqassasoq immikkoortortamut pilersaarutip inassutigaa.
Paarlattuanik
Ineqarnermut Attaveqaasersuutinullu Naalakkersuisoqarfiup nalunaarut
2020-mi saqqummersippaa, tassani Narsap Nuupilullu akornanni
ikaartaat biilinut usisaatinut, bussimullu, kiisalu inuinnaat
biiliinut 3-4-nut inissaqartoq pineqarpoq.
2023-27-mut
pilersaarutini periusissiaq Kommune Kujalliup 2023-mi
saqqummersippaa, tassanilu ilaapput Qaqortumit mittarfik aqqusaarlugu
Nuupilummut aqqusinermut tamarmiusumut allanngoriartortitsinissamut
anguniagarisatut takorluukkat.
2025-mi,
erseqqinnerusutut septembarip 16-ianni Nuupilummi immami itisuumi
umiarsualivimmik akiliisussamik toqqammavissatut isumaqatigiissummik
Statsminister Mette Frederiksen, aamma Naalakkersuisut Siulittaasuat
Jens-Frederik Nielsen atsiuipput. Akissaa ilisimatitsissutaanngilaq;
aamma ikaartaatip angissusissaa
eqqaaneqanngilaq, toqqagarisassatummi umiarsuaatileqatigiit taanna
nammineq pissarsiarissavaa.
