Pisiffik illoqarfinni annerni arfinilinni pisiniarfiuteqartoq aamma Kalaallit Nunaani Brugseni illoqarfinni arfineq-pingasuni 17-inik pisiniarfiuteqartoq, pisiniarfinni neqileriffeqarnertik pissutigalugu kalaaliminernik aalisartunit piniartuniit nunaatilinniillu naatitanik assigiinngitsunik pisisarput, taakkulu nutaajutillugit iluatsilluartumik tuniniarneqartarput.
Kisiannili nunatsinni pisiniarfissuit anginerpaartaat Pilersuisoq illoqarfinni nunaqarfinnilu katillugit 65-inik pisiniarfiuteqartoq neqileriffeqannginnera pissutaalluni kalaaliminernik pisineq ajorpoq. Aasianni Pilersuisup pisiniarfiani siornatigut misileraataasumik neqileriffimmik ammaaneq imminut akilersinnaasimanngitsoq, taamaatumillu siunissami neqileriffinnik aammaanissaq pilersaarutaanngitsoq, suliffeqarfiup pisortaa Brian Weuge Chemnitzip Sermitsiamut oqarpoq.
Pisiffik illoqarfinni annerni arfinilinni pisiniarfiuteqartoq aamma Kalaallit Nunaani Brugseni illoqarfinni arfineq-pingasuni 17-inik pisiniarfiuteqartoq, pisiniarfinni neqileriffeqarnertik pissutigalugu kalaaliminernik aalisartunit piniartuniit nunaatilinniillu naatitanik assigiinngitsunik pisisarput, taakkulu nutaajutillugit iluatsilluartumik tuniniarneqartarput.
Kisiannili nunatsinni pisiniarfissuit anginerpaartaat Pilersuisoq illoqarfinni nunaqarfinnilu katillugit 65-inik pisiniarfiuteqartoq neqileriffeqannginnera pissutaalluni kalaaliminernik pisineq ajorpoq. Aasianni Pilersuisup pisiniarfiani siornatigut misileraataasumik neqileriffimmik ammaaneq imminut akilersinnaasimanngitsoq, taamaatumillu siunissami neqileriffinnik aammaanissaq pilersaarutaanngitsoq, suliffeqarfiup pisortaa Brian Weuge Chemnitzip Sermitsiamut oqarpoq.
Kisiannili kalaaliminernik imminut pilersorsinnaanerup annertunerulernissaa qulakkeerniarlugu Pilersuisumut kalaalimernit tunineqarsinnaalernissaat anguniarlugu suliniutit aallartinneqartariaqartut, Inatsisartuni Aalisarnermut Piniarnermut Nunalerinermullu Ataatsimiititaliami siulittaasoq, Kristian Jeremiassen, isumaqarpoq.
Pilersuisumut kaammattuut
Imminut pilersorsinnaaneq anguneqassappat inuussutissalerinermut oqartussaaffik tamakkiisumik Kalaallit Nunaanit tiguneqartariaqartoq, Inatsisartunut ilaasortaq, Najaaraq Møller, Siumut, oktoberimi Sermitsiamut oqarpoq. Taamatullu oqariartuuteqarnera Kristian Jeremiassenip taperserpaa, ilanngullugulu Pilersuisup neqileriffinnik ammaanissamut periarfissanik ujartuinissaanik taanna kaammattuivoq.
- Sumiiffinni mikinerusuni neqileriffeeqqanik ammaanissamut periarfissat pillugit Kristian Jeremiassenip eqqarsaataa ajunngikkaluarpoq, tamannali pissutsinut piviusunut ajoraluartumik naapertuutinngilaq, Pilersuisup pisortaa, Brian Weuge Chemnitz, oqarpoq.
KNI Marketing
- Inuussutissalerinermut tunngatillugu maleruagassat nunatsinnut tulluussarneqarneqartariaqarput, taamaliunngikkuttami imminut pilersorsinnaanerput killilersorneqartuassaaq.
- Assersuutigalugu Pilersuisup pisiniarfiisa ilai neqileriffinnik mikisunik najukkamut tulluussakkanik pilersorneqarsinnaasariaqarput, Pilersuisorlu nutaaliornermik siunertaqarluni misissuinermik aallartitsinissaanik kaammattorusuppara, taamaaliornikkummi aalisartut piniartullu pisaat nutaajutillugit tuniniarneqarsinnaasariaqarput, Kristian Jeremiassen oqarpoq.
Illoqarfiit tamarmik kalaaliaraqarput taakkunanilu kalaalimernit assigiinngitsorpassuit tuniniarneqartarput.
Misiliineq iluatsinngitsoq
Pilersuisup pisiniarfiini neqileriffinnik ammaanissamut inatsisitigut aporfissaqanngitsoq, siornatigullu Aasianni Pilersuisup pisiniarfiani neqileriffeqarsimagaluartoq, taannali imminut akilersinnaanngimmat matuneqarsimasoq, Pilersuisup pisortaa, Brian Weuge Chemnitz, oqarpoq.
- Neqileriffinnik ammaanissamut pilersaaruteqannginnerput marlunnik peqquteqarpoq. Siullertut neqileriffiit ingerlanneri akisoorujussuuvoq, aappaattullu neqileriffiuteqassagaanni pisisartut amerlasuujusariaqarput.
- Sumiiffinni mikinerusuni neqileriffeeqqanik ammaanissamut periarfissat pillugit Kristian Jeremiassenip eqqarsaataa ajunngikkaluarpoq, tamannali pissutsinut piviusunut ajoraluartumik naapertuutinngilaq, taanna oqarpoq.
KNI A/S Namminersorlutik Oqartussanit pigineqarpoq, taassumalu ataaniipput Pilersuisoq, Polaroil aamma Neqi A/S.
