KL

DK

Piniartut puisit amiinik tunisaqarnerusut

Nunatta Ammerivia puisit amiinik pisiortornissaminut 3 millionit koruuninik amerlanerusunik maanna pissarsisoq, pisortaq ilisimatitsivoq

Ammit ammerivimmut tunisat 2023-mi 23.108-t missaanniittut, ukioq manna piffissami pineqartumi 31.584-ingajannut amerleriarsimapput. Tassa 33 procentit missaannik amerleriarsimapput.
Poul Krarup Freelance Journalisti
Saqqummersinneqarpoq

Puisit amii Ammerivimmut tunineqartartut siornamut sanilliullugit ukioq manna amerlanerujussuupput. Tamatumunnga pissutaasinnaavoq akiisa ukioq manna qaffannerat, Preben Møller, Nunatta Ammeriviani pisortaq, Sermitsiamut oqarpoq. Tamatumunnga peqatigitillugu ilisimatitsissutigaa, USA-mut tunineqartartut amerliartortut.

Tunitsiviit qimerlooraanni Kitaani tunisat amerlanersaapput, mailikkut taama ilisimatitsivoq.

Puisit amii Ammerivimmut tunineqartartut siornamut sanilliullugit ukioq manna amerlanerujussuupput. Tamatumunnga pissutaasinnaavoq akiisa ukioq manna qaffannerat, Preben Møller, Nunatta Ammeriviani pisortaq, Sermitsiamut oqarpoq. Tamatumunnga peqatigitillugu ilisimatitsissutigaa, USA-mut tunineqartartut amerliartortut.

Tunitsiviit qimerlooraanni Kitaani tunisat amerlanersaapput, mailikkut taama ilisimatitsivoq.

- Aataat amii pisiarineqartartut annerusumik amerleriaateqarput. Tunitsiviit qimerlooraanni Kitaani tunisisoqarluartarsimavoq.

Amminik amerlanerusunik piniartunit tunisisoqarnerata kinguneranik, amminik pisinissamut aningaasaliissutigineqartut 13 millionit koruuningajaasut, novembarip qiteqqunnerani nungupput.

- Aningaasat sillimmatigineqartut 722.623 koruuniusut, novembarip naalernerani aamma nungunneqartut pisortap oqaatigaa. Nunatta Ammerivia aamma Inuussutissarsiornermut Naalakkersuisoqarfik tamanna pillugu oqaloqatigeereerput. Tamatuma kinguneranik Nunatta Ammerivianit Naalakkersuisut immikkut aningaasaliinissaannik qinnuteqaateqarfigineqarput, piniartut taamaalillutik amminik ukiup sinnerani tunisisinnaaniassammata.

- Naalakkersuisut puisit amiinik tunisinermi immikkut 3 millionit koruuninik aningaasaliinissaminnik, sapaatip akunnerani matumani saqqummiussinerat nuannaarutigaarput, piniartut taamaalillutik aningaasat taakku nungunnissaasa tungaanut tunisisinnaaniassammata, Preben Møller mailikkut taama ilisimatitsivoq.

Novembarip 30-ata tungaanut ammit 31.584-it Nunatta Ammerivianut tunineqarsimapput, siornamut sanilliullugit 8.476-inik amerlanerullutik. Aataat amii kisiisa eqqarsaatigigaanni taakku siornamut sanillliullugit 8.175-inik amerleriaateqarput, pisortaq oqarpoq.

Tunisinermi akigititat qaffasinnerusut

Ammerivimmut tunisat sooq taama amerleriartiginersut Preben Møller aperineqarami ima akivoq:

- Immaqa ilaatigut tamatumunnga patsisaasinnaavoq, Kujataani sikorsuaqartorujuussuusimanera, aamma aataat amerlasoorsuullutik Newfoundlandip eqqaanit avannarparsimanerat.

- Tunitsiviit amerlassusaat taamaaginnarput, piniartullu tunisisartut amerlaasussaat taamaaginnangajallutik. Akit ukioq manna qaffanneqaramik, ammillu tunisat amerleriarnerannut tamanna patsisaaqataasinnaavoq, Preben Møller mailikkut taama nassuiaavoq.

Aataat amii 70 koruuninik qaffariaateqaramik natsiillu amii, 70 centimeterit ataallugit angissusillit 48 koruuninik qaffariaateqarlutik natsiillu amii 70 centimeterit sinnerlugit angissusillit 52 koruuninik qaffaavigineqarlutik. Aataap amia tunineqarnermini 478 koruuninik akeqarpoq, natsiip amia 70 centimeterit ataallugit angissusilik 329 koruuneqarluni natsiillu amia 70 centimeterit sinnerlugit angissusilik 358 koruuneqarluni.

- Niuernerup tungaatigut siorna kaaviiaartitat 14,2 millionit koruuniusut taamaaginnarnissaat naatsorsuutigaarput.

- USA-mut tunisartakkavut amerliartortut takusinnaavavut. Tamanna soqutiginarpoq malinnaaffigissallugulu pissanganarluni, taamaattorli Nunarput Danmarkilu nioqqutissanik naammasseriikkanik tuniniaaffittut suli annersaapput, Preben Møller oqarpoq, taannalu aamma isumaqarluni USA-p puisit amiinik tunisassianik eqqussuinermut inerteqquteqarnini allanngortittariaqaraa naggueqatigiit Inuit puisit amiinik tunisassiaannik inerteqquteqarunnaarluni, soorlumi EU-mi taama inissisimasoqartoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

inuussutissarsiutit indhandling great greenland erhverv preben møller naalakkersuisut sæler

ATORFIIT Se alle jobs

Powered by Labrador CMS