Pinngitsaaliisimasutut unnerluutigineqartoq: Angut ulluni 26-ni tigummigallarneqartoq
Angut 40-t sinnerlugit ukiulik Aasianni eqqartuussivimmut sapaatiummat sassartinneqarpoq. Angut pinngitsaaliilluni arnerisimasutut unnerluutigineqarluni ulluni 26-ni tigummigallagassanngortinneqarpoq.
Angut 40-t sinnerlugit ukiulik arnamik pinngitsaaliisimasutut unnerluutigineqarluni ulluni 26-ni tigummigallarneqarpoq. Assi toqqorsivimmit
Leiff Josefsen
Kalaallit Nunaanni Politiit imigassamut attuumassuteqartut pissutigalugit sapaatip-akunnerata naanerani ulapaarput.
Aasiaat eqqaani nunaqarfimmi pinngitsaaliilluni atoqateqartoqarsimaneranut atatillugu angut tigusarineqarpoq. Taanna suliamut atatillugu unnerluutigineqarpoq politiinillu ulluni 26-ni tigummigallagassanngortillugu unnerluutigineqarpoq.
- Angut 40-t sinnerlugit ukiulik eqqartuussivimmut sassartinneqarpoq. Angut ulluni 26-ni tigummigallarneqartussanngorlugu eqqartuussiviup aalajangerpaa. Nunaqarfiit Aasiaat eqqaaniittut inukimmata inuit pineqartut eqqarsaatigalugit nunaqarfik eqqaaneqassanngitsoq aalajangerpugut, Kalaallit Nunaanni Politiini pigaartut pisortaat Carl Sværd Sermitsiamut oqarpoq.
Sapaatip-akunnerata naanerani pingitsaaliisoqartoq
Pinngitsaaliilluni atoqateqartoqarsimanera sapaatip-akunnerata naanerani nalunaarutigineqartoq pigaartut pisortaat ilisimatitsivoq. Arnaq 20-t sinnerlugit ukiulik pisup kingorna ingerlaannaq nalunaarutiginnippoq. Pinngitsaalineqarsimasoq pinngitsaaliisorlu nakorsamit misissorneqartut Carl Sværd ilisimatitsivoq.
- Politiit taama pisoqartillugu ingerlaannaq iliuuseqartarput, taamaattumik politiit nalunaarutiginninnerup kingorna ingerlaannaq nunaqarfimmut ornigupput, tassanilu politiit misissuipput, Carl Sværd oqarpoq.
