Kalaallit Nunaanni suliffeqarfissuit ilaat, Pisiffik, piaarinaatsoorluni suliffeqarfik filippinerinik akissarsiakitsunik sulisulik atorpaa.
Suliffeqarfik RS Services Nuuk Centerimi
pisiniarfimmi eqqiaasutut atoramiuk taamaaliorpoq.
Kalaallit Nunaanni suliffeqarfissuit ilaat, Pisiffik, piaarinaatsoorluni suliffeqarfik filippinerinik akissarsiakitsunik sulisulik atorpaa.
Suliffeqarfik RS Services Nuuk Centerimi
pisiniarfimmi eqqiaasutut atoramiuk taamaaliorpoq.
Pisiffiup
naleqartitai nittartagaanni, ilaatigut pinngitsaaliissummik
sulisitsisoqannginnissaa pillugu, ima allaqqasoqarpoq:
Pisoq naalisarlugu
Pisumi arnat filippinerit
pingasut
Suliami arnat filippinerit pingasut
sulisitsisuminnik ukiuni arlalinni
akissarsiakitsitaasimasut SIK
aqqutigalugu eqqartuussivimmut
suliassanngortitsipput. 372.000
koruunit taarsissutiginissaat piumasaqaatigineqarput.
Sapaatip-akunnerani 29-mi AGmi saqqummertumi eqqartuussivimmut suliassanngortitsineq
allaaserineqarpoq. Sapaatipakunnerani 30-mi filippinerit arnat marluk apersorneqarnerat
AG-mi allaaserineqarpoq. Taakku
misigisimasatik AG-mut oqaluttuarerusullugit saqqummerput.
"Pisiortorfik
sulisunik pinngitsaaliilluni sulisitsissanngilaq, soorlu inussiatut
sulisissinnaanagit inuillu niuerutigisinnaanagit. Aamma parnaarussat
piumassutsiminnik taamaallaat sulisinnaasut eqqarsaatigalugit. Sulisoq
atorneqarnermini kiffaanngissuseqassaaq. Sulisitsisup sulisup akissarsiaanik, ajunngitsorsiaanik, pigisaanik
allagartaanilluunniit (assersuutigalugu pas-inik)
arsaarinnissutigisinnaanngilai sulisuni pinngitsaalillugit
sulisiinnarniarlugit."
RS Services
Pisiffiup pisiniarfiisa ilaanni eqqiaasarnera, SIK-p sulisut akissarsiakinnerat
pillugu RS Services 372.000 koruuninik taarseeqqullugu suliassanngortitaa,
qanoq isumaqarfigineraa AG-p Pisiffik aperaa.
- Sulisunut
sulinermi naapertuutinngitsunik atugassaqartitsineq Pisiffiup akuersaanngimmagu
naqissuserusupparput. Inatsisitigut suliaqartoqarnera ataqqigatsigu suliaq una
pineqartoq aalajangiiffigineqartinnagu oqaaseqarfigerusunngilarput,
nittarsaassinermi, attaveqaqatigiinnermi CSR-imilu pisortaq Tina Hansen
oqarpoq.
Kalaallit
Nunaanni Eqqartuussivinni suliassanngortitsineq suli
aalajangiiffigineqanngilaq.
